Bɛ̈n 29:18 - JAM DE NHIALIC 2011

¹⁸ Ku nyop nyɔk ëbɛ̈n në yïk nɔm, ke ye miɔ̈c ye nyuöp Bɛ̈nydït, atuɔ̈mde ee Ya miët piɔ̈u.

Bɛ̈n 29:18 ပူးပေါင်းရင်းမြစ်များ

Cäk 22:13

Ago Abraɣam yenyin jat nhial, go gök ë nyɔɔŋ amääl tïŋ në yekɔ̈u ciëën ke cï rɔk dɔm tuŋ. Go Abraɣam e lɔ diëc, ku bï bɛ̈n teem röl në nyin ë wënde yic, ku nyop ke ye miɔ̈cde.

Cäk 22:2

Go Nhialic lɛ̈k en an, “Jɔt Yithaak, wënduön töŋ nhiaar aläl. Ku lɔ piny ë Moria në kuur nɔm ëtɛ̈ɛ̈n, të bä lɔ nyuöth yïn, ku näkë Yɛn ke ee miɔ̈cdï.”

Cäk 22:7

Ago Yithaak wun cɔɔl an, “Wää.” Go wun gam, ku lueel an, “Yakï mɛnhdï.” Go Yithaak en luɔp an, “Yïn de nɔm mac, ku tiim, ku na nyɔɔŋ lɔ nɔ̈k nu ënou?”

Cäk 8:20

Go Nowa Bɛ̈nydït yiëk yïk, ku nööm läi piɛth nyïïn ëbɛ̈n, läi duëërë ke näk Nhialic, ku nööm diɛt piɛth nyïïn ëbɛ̈n, diɛt duëërë ke näk Nhialic, ku gɛm miɔ̈c ye nyop ëbɛ̈n në yïk nɔm.

Cäk 8:21

Go Bɛ̈nydït piɔ̈u miɛt në luɔi cï En atuɔ̈m ŋöör. Go lueel në yepiɔ̈u an, “Yɛn cï piny bï bɛ cieen nɔm, në biäk ë karɛɛc ye raan looi. Na cakaa nɔn ye täŋ ë raan piɔ̈u kërac ë cieŋ ë yen meth, Yɛn cïï piny bï bɛ nyɔk ë riääk Ɛn kë tɔ̈u thïn cït man cän e riɔ̈ɔ̈kë.

1 Mel 18:38

Go Bɛ̈nydït mac tɔ bɔ̈ piny, go miɔɔr nyup, ku nyop tiim, ku nyop kur, ku nyop tiɔp, ku jiic pïïu awuölic.

1 Mel 3:4

Në akööl kɔ̈k go melik lɔ Gibiɔn bïï Nhialic lɔ näk, në baŋ nu ë yïïŋ de naamde ëtɛ̈ɛ̈n. Acï bot ke miɔ̈c ye nyop ëbɛ̈n kɔn gam ëtɛ̈ɛ̈n wään tueŋ.

Diɛt 50:8

Ku wek cä ye jɔ̈ɔ̈ny në biäk de miɔ̈cduön ye nɔ̈k kekë miɔ̈c ye nyop ëbɛ̈n yak cool ë bɛ̈ɛ̈i wek keek në Yanɔm.

Bɛ̈n 29:17

Ku tɛmë nyɔk në thïïm, ku wak cök, ku cïïn, ku mat keek në nɔm, ku tääuwë keek në rïŋiic.

Bɛ̈n 29:25

Ku jɔ ke bɛ̈n nööm në kecin, ku nyop keek në yïk nɔm në miɔ̈c ye nyop ëtök. Atuɔ̈mde abï Ya miët piɔ̈u.

Yith 1:11

Acï Bɛ̈nydït lueel an, “Yak tak eeŋö duëër e miɔ̈cduön yak nɔ̈k ëbɛ̈n luöi Yɛn? Yɛn ë dɛk miɔ̈c juëc ke amɛ̈l yak gäm Ɛn ke ke ye miɔ̈c ye nyop ëbɛ̈n, ku lɔ kɔl de ɣɔ̈kkuön cuɛi. Yɛn cïï piɔ̈u ee miɛt në rim ke miöör, ku rim ke amɛ̈l ku nyök bɔɔth.

Jeremia 6:20

Eeŋö bï Ya tɔ diɛɛr në wal ŋïr yek bɛ̈ɛ̈i në Ceba, ku nɔn ee wal tum ye keek bɛ̈ɛ̈i piny mec? Yɛn cïï miɔ̈cdɛn ye nyop ëbɛ̈n bï gam ku cä piɔ̈u bï miɛt wo miɔ̈ckɛn näk.

Lebai 1:17

Abï dit pakic cil dɔm në yewuök ku cïï tekic taitai. Ku abïï bɛ̈ny de kake Nhialic jɔ nyop në many de tiim nu ë yïk nɔm, ee miɔ̈c ye nyop ëbɛ̈n, miɔ̈c ee looi ë mac, miɔ̈c tum mit në Bɛ̈nydït piɔ̈u.

Lebai 1:9

Ku abï yäc dhil waak kekë cök në pïïu, ku jɔ bɛ̈ny de kake Nhialic keek nyop kedhie në yïk nɔm, ke ee miɔ̈c ye nyop ëbɛ̈n, miɔ̈c ee looi në mac, miɔ̈c tum mit në Bɛ̈nydït piɔ̈u.

Lebai 4:31

Abï kɔɔl bɛ̈ɛ̈i bei kedhie, cït man ye kɔɔl ke miɔ̈c de mät bɛ̈ɛ̈i bei, ku abïï bɛ̈ny de kake Nhialic keek nyop në yïk nɔm, ke ye miɔ̈c tum mit në Bɛ̈nydït piɔ̈u, ku jɔ bɛ̈ny de kake Nhialic teem guöp, ku abï ja päl awɛ̈ɛ̈c.

Lebai 9:24

Ago mac bɛ̈n bei në Bɛ̈nydït lɔ̈ɔ̈m, ku thöl miɔ̈c ye nyop ëbɛ̈n kekë biäk cuai nu ë yïk nɔm. Na wën aa tïŋ ë kɔc kedhie, agokï kiɛɛu de miɛt de piɔ̈u moc, ku gutkï kenïïm piny lamkï Bɛ̈nydït.

Mak 12:33

ku nhiëër nhiɛɛrë raan en ë yepiɔ̈u ëbɛ̈n, ku yenɔm ëbɛ̈n, ku wëike ëbɛ̈n, ku riɛlde ëbɛ̈n, ku nhiëër nhiɛɛr en raan rɛ̈ɛ̈r ke ye acït man nhiɛɛr en rɔt, yen adït awär ka cï gäm Nhialic, ke ye miɔ̈c ye nyop ëbɛ̈n, ayï ka cï lam ku näk keek kedhie.”

Epethiei 5:2

Ku rɛ̈ɛ̈rkï në nhiëëric, acït man cï Kërtho wook nhiaar, ago rɔt gaam në biäkda, tɔ rɔt ë kë cï gäm Nhialic, ku näk, ago awäu cï tumëtum bɛ̈ɛ̈i.

Pilipoi 4:18

Ku yɛn cath wo këriëëc ëbɛ̈n, ku yɛn cï bäny: yɛn ë kuɛth, yɛn ë käŋ yök tëde Epaprodito, kak ë bɔ̈ tëde week, ee awäu cï tumëtum, ee läm piɛth, läm ë Nhialic tɔ mit piɔ̈u.

1 Tham 7:9

Na wën ke Thamwɛl ë näk nyɔɔŋ thiin de amääl ku nyop ëbɛ̈n në mac ke ye miɔ̈c de Bɛ̈nydït. Ago Thamwɛl Bɛ̈nydït lɔ̈ŋ në biäk bï Yen kɔc ke Yithriɛl kony, ago Bɛ̈nydït lɔ̈ŋde piŋ.