Bɛ̈n 28:3 - JAM DE NHIALIC 2011

³ Cɔl atëët cä gäm tëët kedhie, ku tɔ ke lui Aron lupɔɔ, ke bï jɔ gäm luɔi de Nhialic, ke ye bɛ̈ny de kake Nhialic.

Bɛ̈n 28:3 ပူးပေါင်းရင်းမြစ်များ

1 Mel 7:14

Wun acï thou, ku aa ye raan wun ë Tayer, ku aa ye atën de maläŋ aya, ku man ee nyan dhiën ë Naptali. Ku Ɣuram aa pelnɔm arëët në tëët ë ŋïny de thäth ë maläŋ ëbɛ̈n. Go cɔ̈t de melik Tholomon gam, në luɔi bï yen nu e thäth ë maläŋ nɔm ëbɛ̈n.

Bɛ̈n 35:10

“Atëët nu në weyiic kedhie, ë ke mat kenïïm, ku loikï ka cïï Bɛ̈nydït lueel kedhie:

Bɛ̈n 35:25

Ku diäär atëët kedhie, acïk alɛɛth ke linɔn lɔ mot bɛ̈n bɛ̈ɛ̈i. Ku bïïkï alɛɛth aräu, ku alɛɛth amujuŋ, ku alɛɛth thith, alɛɛth cïk wi.

Bɛ̈n 35:30

Na wën, ke lëk ë Mothe kɔc ke Yithriɛl an, “Tiëŋkï, Bɛ̈nydït ë Bedhalel wën ë Yuri lɔc, Yuri ee wën ë Ɣur raan dhiën ë Juda.

Bɛ̈n 35:31

Ku acïï Bɛ̈nydït thiɔ̈ɔ̈ŋ në wëike, ku gëm tëët, ku nɔm pɛl ku riɛl de ŋïny de käŋ ëbɛ̈n, kë kɔɔr tëët.

Bɛ̈n 35:35

Acï keek gäm tëët de këriëëc ëbɛ̈n, në luɔi bï kek aa tëët, ku yek kɔc ee käŋ kiëët, ku yek linɔn lɔ mot gut, ku gutkï lupɔ aräu, ayï lupɔ amujuŋ, ayï lupɔ thith, ayï lupɔɔ kɔ̈k. Ayek atëët ŋic käŋ kiëët, ku alëukï bïk këriëëc ëbɛ̈n looi.

Bɛ̈n 36:1

“Ku Bedhalel kekë Yooliap, ku atëët kɔ̈kë kedhie, atëët cïï Bɛ̈nydït gäm tëët, ku nɔm pɛl ku ŋïny de käŋ, kɔc ŋic luɔi de këriëëc kɔɔr rɔt tëɣeric ëbɛ̈n, abïk këriëëc looi ëbɛ̈n cït man cïï Bɛ̈nydït e lueel.”

Bɛ̈n 36:2

Go Mothe Bedhalel cɔɔl kekë Yooliap, ku atëët kedhie, atëët cïï Bɛ̈nydït gäm riɛl, kɔc de piɔ̈ɔ̈th luɔi bï kek luui, ku lëk keek nɔn gɔl kek luɔi.

Kɛ̈ŋ 2:6

Ee Bɛ̈nydït Yen ee pɛlënɔm gam, ku ŋïnydekäŋ ee bɛ̈n tëde Yen, ayï yöŋ de käŋiic.

Yith 11:2

Wëi ke Bɛ̈nydït abïk En gäm pɛlënɔm, ku ŋïnydekäŋ ku tëët bï yen kɔcke ŋiëc mac. Abï këde Bɛ̈nydït piɔ̈u ŋic ku abïï riëëu,

Epethiei 1:17

ke Wun Bɛ̈nydan Yecu Kërtho, yen aye Wun de nɔm lɛc, ke bï we miɔɔc në wëi ke pɛlënɔm ku nyuuth bï we nyuöth käŋ, luɔi bä wek e ŋic apiɛth.

Nyöŋ 34:9

Ku Jocua wën de Nun aa pelnɔm aläl në baŋ cïï Mothe yen lɔc ke ee raan bï tëde lɔ̈ɔ̈k lak. Ku kɔc ke Yithriɛl aake riëëu Jocua ku dötkï lööŋ ke Bɛ̈nydït wään bï Mothe gäm keek.

Jakop 1:17

Miɔ̈c piɛth ëbɛ̈n, ku miɔ̈c cï dikëdik ëbɛ̈n, abɔ̈ tënhial tëde Nhialic, ke lööny piny tëde Aciëŋ de ɣɛɛrëpiny, Raan cïï yepiɔ̈u ee pɔ̈ɔ̈k, ku cïn atïptïïp de yäl de rɔt.