Bɛ̈n 28:2 - JAM DE NHIALIC 2011

² Luöiyë Aron wänmuuth lupɔɔ ɣeriic ke bääny de kake Nhialic, ke bï ye tɔ läk, ku tɔ ye rïïuwë guöp.

Bɛ̈n 28:2 ပူးပေါင်းရင်းမြစ်များ

Jop 40:10

Na ee yen, ë yï tiëŋ ke yï dhuëŋ guöp, ku lec yïn.

Diɛt 132:16

Yɛn bï bänykɛn ke kakë Nhialic thieei në ka yek looi yiic ëbɛ̈n, ku kɔcke abïk aa cööt ku kɛ̈tkï në miɛtëpiɔ̈u.

Diɛt 132:9

Tɔ bänykuön ke kake Nhialic loi kake Piathëpiɔ̈u ëceŋ, tɔ kɔcku cöt në miɛtëpiɔ̈u!

Diɛt 149:4

Bɛ̈nydït ee miɛtëpiɔ̈u yök tëde kɔcke, ee kɔc ee röt kuɔɔr piny dhuëëŋ gup ë tiëm.

Diɛt 96:6

Dhuëëŋde ku dïtde acïk ye gɛɛu cil, riɛl ku dik acïk tëdɛn ɣeric thiɔ̈ɔ̈ŋ.

Bɛ̈n 28:40

“Guötë wɛ̈ɛ̈t ke Aron aluluut, ku lupɔɔ ke duöt ë yic, ku atɛ̈ɛ̈ny ë kenïïm, ke bï ke tɔ läk, ku tɔ keek rïïuwë gup.

Bɛ̈n 29:28

Kënë ee löŋ cä bï waar. Të cïï kɔckï miɔ̈c de mät nɔ̈k, ke aguöt nɔm kekë ɣäm de kë ë näk ee kake bäny ke kake Nhialic. Yen miɔ̈c bï kɔc aa gäm Ɛn ka Yɛn Bɛ̈nydït.

Bɛ̈n 31:10

Ku luikï Aron lupɔɔ piɛth kekë wɛ̈ɛ̈tke, lupɔɔ ɣeriic ke bäny ke kake Nhialic cï ŋiëc gut, bïk keek aa cieŋ të looi kek luɔi de bäny ke kake Nhialic.

Bɛ̈n 40:13

Ku yiëkë Aron kɔ̈u lupɔɔ ɣeriic ke bɛ̈nydïït de kake Nhialic ku tɔc. Ku jɔ bɛ̈n gam ke bï luui ke ye bɛ̈nydïït de kake Nhialic.

Yith 4:2

Ade kööl bɔ̈, kööl bï Bɛ̈nydït tiim ee luɔk ë mïth piath ëbɛ̈n piny thiɔ̈ɔ̈ŋ tëdïït lääu, ku bïk yïth piath. Kɔc ke Yithriɛl cï döŋ apïr kedhie, abïk piɔ̈ɔ̈th miɛt ku yek kepiɔ̈ɔ̈th biɔ̈ɔ̈k në kɔ̈thiic kɔ̈th cï luɔk pinyden.

Yith 52:1

Jeruthalem, jɔ bɛ riɛl ku bɛ ë dït nyɔk! Pänydïït ɣeric de Nhialic, kum rɔt në piath! Kɔc kën Nhialic gam acïkï bï bɛ tëëk në thook ke kɛ̈lku.

Yith 61:10

Jeruthalem amit piɔ̈u në biäk de kë cïï Bɛ̈nydït looi. Cït man ye monythiëk lupɔ dik cieŋ, ku thiäŋ nyan thiak rɔt në adhɛ̈p ke thiëëk. Acïï Nhialic kum kɔ̈u në lupɔɔ ke piathëpiɔ̈u ku tiëm.

Yith 61:3

Bä kɔc dhiau në Dhiɔn tɔ mitpiɔ̈ɔ̈th, gäm miɛtëpiɔ̈u në nyin ë dhiëëuwic, Diɛt ke alɛɛc në nyin ë jiɛthëpiɔ̈uwic. Abïk ciët tiim ke ɣok de piathëpiɔ̈u, cïï Bɛ̈nydït ke com guöpde. Abïk yic aa looi, ku Nhialic abï dhuëëŋ yök ë baŋ ë kë cï looi.

Yith 64:6

Wok de gup awɛ̈ɛ̈c wodhie, cakaa nɔn ye luɔidan piɛth ŋoot ke rac. Në biäk de awɛ̈ɛ̈ckuɔ, wok cï ciët yïth ke tiim ee biɔɔr ku gɔp yom keek.

Lebai 8:30

Na wën ke Mothe ë nöm miök de tɔc biäk, ku riɛm biäk në yïk nɔm, ku wïïth ke në Aron kɔ̈u kekë lupɔɔ ke, ku wïïth në wɛ̈ɛ̈tke kɔ̈ɔ̈th kekë lupɔɔken. Ago Aron jɔ tɔ ɣer kekë lupɔɔke, ku tɔ wɛ̈ɛ̈tke ɣeriic kekë lupɔɔken.

Jɔn 1:14

Ago Jam aa guöp, ku tɔ̈u ë woyiic (agoku dhuëëŋde tïŋ dhuëëŋ cït dhuëëŋ ë Wën töŋ cïï Wun dhiëëth etök), acï piɔ̈u thiäŋ ke dhuëëŋ ku yic.

Romai 13:14

Jakkï Bɛ̈nydït Yecu Kërtho cieŋ cït lupɔ, ku duökï ee diɛɛr në karɛc kɔɔr guöp.

Romai 3:22

Yen aye piathëpiɔ̈u bɔ̈ tëde Nhialic në gäm de Yecu Kërtho, bï tëde kɔc kedhie, ku bï ë kɔc gup kedhie, kɔc gäm, ku acïn puny ee kɔc pɔ̈ɔ̈c yiic:

Galatai 3:27

We wedhie, we kɔc cï baptith ë Kërtho yic, we cï Kërtho tääu ë wekɔ̈ɔ̈th.

Ɣeberuu 2:9

Ku wok ë Yecu tïŋ acï tɔ koor ë määth në tuucnhial në kaam thiinakäŋ. Ku ënɔɔnë ë yiëk nɔm göl ë dhuëëŋ, në biäk cï Yen thuɔɔu guum në dhuëëŋ de Nhialic piɔ̈u, ke bï thuɔɔu thiëëp në këde raan ëbɛ̈n.

Ɣeberuu 7:26

Ɣɛɛ, Yen Bɛ̈nydïït ë kake Nhialic kɔɔrku ka. Yen aɣeric, acïn guöp awäc, acïn këthïïn cool nu ë Yeguöp, acï pɔ̈c bei ë kɔc ee karɛc looi yiic. Yen Yecu acï jat nhial.

2 Pet 1:17

Acï riëëu ku dhuëëŋ yök tëde Nhialic Wääda, kööl ɣɔn bï röl yïnya tëde dhuëëŋdïït läk, röl lueel en an, “Wëndiën nhiaar kï, Wën miɛt ɛn piɔ̈u wokë yen aläl!”

1 Jɔn 3:2

We kɔc nhiaar, wok ee mïth ke Nhialic ënɔɔnë, ku täudan bï wok tɔ̈u rial akën guɔ tïc. Ku aŋicku nɔn bï wo ciët en, kööl bï en tuöl, në tïŋ bï wok e tïŋ täu tɔ̈u en.

Nyuuth 19:8

Ku acï gäm piöth bï en rɔt piɔ̈th ë lupɔ piɛth lɔ mot, lupɔ ɣer ëpak ku le riauriau.” (Lupɔ piɛth lɔ mot en aye luɔi piɛth ee kɔc ɣerpiɔ̈ɔ̈th looi.)

Nyuuth 5:10

ku tɔ wook ee meliik ku bäny ke kake Nhialicda, ku wo bï piny cieŋ nɔm.”