Bɛ̈n 28:12 - JAM DE NHIALIC 2011

¹² Ku tääuwë në ajïpɔ kët ke ke bï juöör ke Yithriɛl aa nyuɔɔth. Ku ëtɛ̈ɛ̈n, abï Aron keek jɔ aa ɣääc rin në yekët ke bï ya aa täk nɔm në kɔckï, Yɛn Bɛ̈nydït.

Bɛ̈n 28:12 ပူးပေါင်းရင်းမြစ်များ

Jop 31:36

Aduɛ̈ɛ̈r kaar ë yakɔ̈u ku cieŋ ë yanɔm ke cït göl.

Diɛt 89:19

Yïn cï jam ɣɔn thɛɛr ë nyuuth, ku lɛ̈kë awunduön piɛthpiɔ̈u, an, “Yɛn cï kuɔɔny gäm jön de tɔŋ cï leec, yɛn cï thööc gäm raan töŋ cä lɔc në kɔc yiic.

Bɛ̈n 12:14

Ku köölë, abäk döt ke ye kööl ë dhuëëŋ ë Bɛ̈nydït. Dɔ̈tkï ku yak dhuëëŋ thïn ë run ëbɛ̈n.

Bɛ̈n 13:9

Yen abï week jɔ aa täk nïïm. Ka bï ciët kë duööt ë wecin, ku cït kë cï tääu në wenyïïn tueŋ. Abï week aa täk nïïm ë cieŋ, në baŋ bä wek lööŋ ke Bɛ̈nydït aa luɛɛl aköölnyïïn, në luɔi cï Bɛ̈nydït we bɛ̈ɛ̈i bei Rip në riɛl dïïtde.

Bɛ̈n 28:11

Tuɛŋë rin ke wɛ̈ɛ̈t ke Jakop kathiëër ku rou në kekɔ̈ɔ̈th kaarou cït man ye atën adhɛ̈p guela thɔ̈ɔ̈th abïï läk. Ku dir kethook në kuëër adhääp.

Bɛ̈n 28:29

“Të le Aron tëɣeric, abï lupɔ de yɔu aa cieŋ ke de kɔ̈u rin ke juöör ke Yithriɛl, ke bï Ya aa täk nɔm në kɔckï, Yɛn Bɛ̈nydït.

Bɛ̈n 28:7

Ku luöiyë kët ka bär kaarou ke bï ye aa duut.

Yith 12:2

Nhialic ee konydï, abä ŋɔ̈ɔ̈th ku cä riɔ̈c. Bɛ̈nydït Nhialic ee ya gäm gök de riɛl, Yen ee konydï

Yith 62:6

Yɛn cï kɔc ee tïït tääu në pɛ̈ɛ̈ny ke Jeruthalem kɔ̈ɔ̈th, acïï bï mim aköl ku wakɔ̈u, abïk Bɛ̈nydït aa täk nɔm në gutguutkɛn cï lueel ku cïkï bï tɔ mär nɔm në keek.

Yith 9:6

Wok cï dhiëth meth! Wok cï gäm mɛwä! Ku yen abï aa bɛ̈nyda. Abï aa cɔɔl an, “Këdïït ë gäi, Mony riit kɔc piɔ̈ɔ̈th,” “Nhialic Awärjäŋ” “Wäärdan Athɛɛr” “Bɛ̈ny de Mät.”

Lebai 24:7

Tuɛɛlë wal ŋïr piɛth kɔ̈k në aber yiic ke ee kë bï miɔ̈c de këcam gämë Bɛ̈nydït käär, ke bï tëde kuïn cï pam nööm.

Kuɛ̈n 16:40

Yen ee kënë, aaye jäny jiëënyë kɔc ke Yithriɛl, nɔn cïn en raan däŋ pei bï wɛ̈ɛ̈l ŋïïr ye nyop bï ya gam në yïk nɔm, të cïn kuat de Aron. Na lɔ raan däŋ ye gam, ka abï riɔ̈ɔ̈k cït man ë Kɔra kekë kɔcke. Go Eleyadhar këriëëc cïï Bɛ̈nydït lɛ̈k Mothe looi.

Kuɛ̈n 31:54

Ku ëtɛ̈ɛ̈n Mothe kekë Eleyadhar acïk adhääp bɛ̈n lɛɛr ë paany de mätic, ke Bɛ̈nydït ë bï kɔc ke Yithriɛl kony.

Luk 1:54

Acï Yithriɛl awunde kony, Në täŋ cï en kok de yenpiɔ̈u tak,

Luk 1:72

Bï kok ee yen piɔ̈u kok ke kuarkuɔ thöl, Ku be yenɔm tak në löŋ wään cï mac löŋ ɣeric,

Luɔi 10:4

Na wën, aacï woi guöp, ke päu piɔ̈u, ku lueel an, “Ee käŋö Bɛ̈nydït?” Go ë tunynhial yɔ̈ɔ̈k an, “Lɔ̈ŋdu ku miɔ̈cduön ë kɔc kuanynyïïn acïk ɣet nhial ë Nhialic nɔm an, bïk aa ka bï Nhialic aa tak.

1 Kor 11:24

ku të cï en thieithieei lueel, ke wɛ̈kic, lueel an, “Ŋäkï, camkï, kënë ee guöpdiën cï dhuööŋ në baŋdun: yak kënë looi në täŋ bä wek ɛn aa tak.”

Nyöŋ 33:12

Ku lueel jamë në biäk de dhiën de Benjamin, an: “Kënë ee dhiën nhiɛɛr Bɛ̈nydït ku ye göl, aye tiit aköölnyïïn kedhie, ku ee rëër në keyiic cil.

Jocua 4:7

Abäk aa lɛ̈k keek nɔn ë cïï wɛ̈ɛ̈r de Jordan kɔ̈ɔ̈c në wat ɣɔn tëëm athänduŋ de män ë Bɛ̈nydït kiir kɔ̈u. Ka kurkë, abïk kɔc ke Yithriɛl aa täk nïïm ë caaŋden, në kë ë cï rɔt looi eenë.”