Bɛ̈n 27:21 - JAM DE NHIALIC 2011

²¹ Aron kekë wɛ̈ɛ̈tke ë ke tɛ̈ɛ̈u manyëalath në paany de mätic në gëlgël kɔ̈u biic në athänduŋ de mät nɔm tueŋ. Ku ë ye tɔ dɛ̈p ë Yanɔm tueŋ ëtɛ̈ɛ̈n gɔl thëën agut cï run ë piny. Kɔc ke Yithriɛl ayï mïthkɛn bï lɔ̈ɔ̈k tɔ̈u në kecök ë ke döt ee löŋë ananden.”

Bɛ̈n 27:21 ပူးပေါင်းရင်းမြစ်များ

Cäk 1:5

Ku ciëk Nhialic ɣɛɛr an aköl, ku ciëk mɔ̈ɔ̈th an wakɔ̈u. Ku kënë aaye cool, ku wɛ̈ɛ̈r de kööl tueŋ.

Cäk 1:8

Go Nhialic gëlgël cäk an paannhial. Ku kënë aaye cool, ku wɛ̈ɛ̈r de kööl ë rou.

2 Lëk 13:11

Ku në aköölnyïïn kedhie miäk rial ku thëën, ayek Bɛ̈nydït miɔɔc në wal ŋïr, ku miɔ̈c ye nyop ëbɛ̈n. Ku gɛmkï kuïn cï pam në paam cï looi në adhäm awai nɔm, ku thëën ëbɛ̈n ayek mɛ̈ckealath kääc në kë cï looi adhääp dɛ̈ɛ̈p thook. Wok ee kë cïï Bɛ̈nydït lɛ̈k wook looi, ku week acäk nyääŋ piny.

Diɛt 134:1

Bäkkï bäk Bɛ̈nydït thieei, wek awuutke wedhie, wek kɔc ee lui wakɔ̈u Luaŋdït.

Bɛ̈n 12:14

Ku köölë, abäk döt ke ye kööl ë dhuëëŋ ë Bɛ̈nydït. Dɔ̈tkï ku yak dhuëëŋ thïn ë run ëbɛ̈n.

Bɛ̈n 16:34

Cït man cïï Bɛ̈nydït e lɛ̈k Mothe, acïï Aron en bɛ̈n tääu në cäätɔ nɔm tueŋ ke bïï döt.

Bɛ̈n 25:16

Ku tääukï pam ke kuur kaarou bä ke gäm yïn në athändukic, pam cïï ë lööŋ gɔ̈ɔ̈r në kekɔ̈ɔ̈th.

Bɛ̈n 28:43

Ku ë ke ye Aron ke cieŋ kekë wɛ̈ɛ̈tke të le kek në paany de mätic, ku nɔn le kek në yïïŋ nu tëɣeric lɔ̈ɔ̈m. Ke ke cïï bï wäc në awäny bï ke tɔ näk. Yen löŋ bï tɔ̈u ka kekë Aron, ku mïthkɛn bï lɔ̈ɔ̈k tɔ̈u në yecök.

Bɛ̈n 29:28

Kënë ee löŋ cä bï waar. Të cïï kɔckï miɔ̈c de mät nɔ̈k, ke aguöt nɔm kekë ɣäm de kë ë näk ee kake bäny ke kake Nhialic. Yen miɔ̈c bï kɔc aa gäm Ɛn ka Yɛn Bɛ̈nydït.

Bɛ̈n 29:42

Ku ye miɔ̈c ye nyop ëbɛ̈n aköölnyïïn gäm Ɛn në paany de mät thok. Të bän aa mat thïn wokë week, ku jääm week.

Bɛ̈n 29:44

Ku Yɛn bï paany de mät tɔ ɣeric kekë yïk. Ku kuëny Aron bei kekë wɛ̈ɛ̈tke bïk Ɛn aa luööi ke ke ye bäny ke kake Nhialic.

Bɛ̈n 30:21

Abïk kecin dhiɛl aa waak, ayï kecök, ke ke cï bï thou. Abïk ee löŋë döt aɣet athɛɛr kedhie ayï mïthkɛn bï lɔ̈ɔ̈k tɔ̈u në kecök.

Bɛ̈n 30:36

Ɣɔ̈l keek kedhie abïk lɔ mot. Ku lɛɛrë keek në Paany de Mätic, lɔ wiɛ̈ɛ̈thë në athänduŋ de mät nɔm tueŋ. Ye wɛ̈ɛ̈l ŋïr looi në luɔi de kë ɣeric.

Bɛ̈n 30:8

Ku ë lë thëën abï many alath bɛ̈n cuääny thok, ke be kë cït ee kënë nyɔk në luɔi. Miɔ̈c de wal ŋïr ë cath anande ke cïï kɔ̈u tɛɛm.

Bɛ̈n 40:3

Ku tääuwë athänduŋ de mät thïn ke de yic lööŋ kathiëër. Ku gël në lupɔ.

Lebai 10:9

an, “Yïn wekë wɛ̈ɛ̈tku, wek cïï mɔ̈u ayï mɔ̈n tuc bï dhil dek, të la wek ë Paany de Mätic. Na lak looi, ke we bï dhil thou, ku löŋë abï cath gɔl ënɔɔnë agut wadäŋ.

Lebai 16:34

Kënë abäk aa looi ë run nyïïn ëbɛ̈n. Kɔc ke Yithriɛl abïï keek aa teem gup raan tök në ruöön yic në baŋ de karɛcken, Go Mothe ke looi cït man cï Bɛ̈nydït e yɔ̈ɔ̈k.

Lebai 17:7

Kɔc ë ke cïï miɔ̈cden be näk yanh cɔl Bou, yanh wään cï kek röt gäm en yek lam, kënë abï aa ciɛɛŋden aɣet athɛɛr wadäŋ agut cï rɛm kɔ̈k bï lɔ̈ɔ̈k bɛ̈n.

Lebai 23:14

Du rap ë piac luɔk ee cam ëbɛ̈n, ayï rɛɛp cï thaal, aɣët të bï yïn ee miɔ̈cë yiɛ̈n Nhialic. Yen ee löŋë abïï mïthke mïthku dhil döt në aköölnyïïn kedhie aɣët akööl bï bɛ̈n.

Lebai 23:21

Ku yen ee köölë manë guöp wek bï lɔ̈ŋ ɣeric looi, ku duökï lui thïn, kënë ee kë bïï lɔ̈ɔ̈k aa looi alɔ gut rem bï lɔ̈ɔ̈k bɛ̈n, abäk aa looi në ɣäänkuön rɛ̈ɛ̈r wek thïn.

Lebai 24:2

an, “Yɔ̈ɔ̈kë kɔc ke Yithriɛl, agokï miök piɛth de olip cï dhiim bɛ̈ɛ̈i, ago manyalath dɛ̈p aköölnyïïn ke cï liu.

Lebai 24:3

Të ye cï piny aa thëën aköölnyïïn Aron abï mɛ̈ckealath dɛ̈ɛ̈p ku tɔ keek tɔ dɛ̈p aɣet të bïï piny ruu, abï looi ë gëlgël de athänduŋ de mät thok biic, ë paany de mätic. Yen ee löŋë abïï aa looi aköölnyïïn kedhie agut cï run bï lɔ̈ɔ̈k bɛ̈n.

Lebai 24:9

Ku kuïn cï pam ee këde Aron kekë kuatde. Ku abïk dhil cam tëɣeric në biäk ee yen baŋ de kuïn ɣeric aläl, kuïn cï gäm Bɛ̈nydït këde bäny ke kake Nhialic.

Lebai 3:17

Kënë ee ciɛɛŋ bï tɔ̈u athɛɛr agut cï rɛm bï lɔ̈ɔ̈k bɛ̈n, në ɣäänkuön rɛ̈ɛ̈r wek ke thïn, duökï kɔl ee cam ayï riɛm.

Lebai 3:8

Abï yeciin thany në miɔ̈cde nɔm, ku teem röl në paany de mät thok, ku ëtɛ̈ɛ̈n, wɛ̈ɛ̈t ke Aron bäny ke kake Nhialic, abïk riɛm jɔ wiɛ̈ɛ̈th në aguuk ke yïk kedhie,

Lebai 6:15

Ku bɛ̈ny de kake Nhialic abï aɣaar nem në yeciin ë miɔ̈c ë rap, kekë miök ku wal ŋïr tɔ̈u ë miɔ̈c ë rap nɔm, ku nyop ee kënë ë yïk nɔm, ke ye miɔ̈c de këcam, miɔ̈c ee looi në mac, miɔ̈c tum mit në Bɛ̈nydït piɔ̈u.

Lebai 7:36

Në kööl ɣɔn ë yoor ë keek nïïm, Bɛ̈nydït acï Yithriɛl bɛ̈n yɔ̈ɔ̈k an, Bïk ee kënë gäm keek, ke ye këdɛn de aköölnyïïn agut cï rɛm bï lɔ̈ɔ̈k bɛ̈n.

Malakai 2:7

Ku bäny ke kake Nhialic kek arɔ̈ŋ bïk kɔc aa wɛ̈ɛ̈t në yith ke Nhialic. Ku kɔc aröŋkï bïk lɔ piŋ në wëët de wël ke Nhialic tëde keek, në luɔi ye kek tuny de Bɛ̈nydït de rɛm.

Kuɛ̈n 18:23

Lebai kek abï luɔi de paany de mät aa looi ëbɛ̈n kapäc, ku ee kek ee nïïm këriëëcde ëbɛ̈n. Yen löŋ bï tɔ̈u ka anande agut cï mïthkun wadäŋ. Ku Lebai abïk nïïm ciɛ̈n kë bïk lak në Yithriɛl.

Kuɛ̈n 18:5

Ee yïn wekë wɛ̈ɛ̈tku wapäc, wek abï luɔi de tëɣeric aa looi, ku luɔi de Yïk. Ke Yɛn cï bï gɔ̈th wokë kɔc ke Yithriɛl.

Kuɛ̈n 19:21

Löŋë abäk döt anandun. Ku raan ee kɔc yuöör pïïu ka aɣɛɛr, abï lupɔɔke waak ayadäŋ. Ku raan cï pïïu ka aɣɛɛr jak, abï rëër ke cïï guöp piɛth agut cï thëën.

Kuɛ̈n 35:29

Lööŋkë abïk aa kakun ku kake kuatdun ë rɛmken yiic ëbɛ̈n, ku wuötkuniic ëbɛ̈n.

Kuɛ̈n 8:9

Ku tɔ Lebai kääc në paany de mät thok tueŋ, ku tɔ akutnɔm de kɔc ke Yithriɛl guëër kedhie.

Math 4:16

Ku kɔc wään ë rëër paan ë thuɔɔu ku yek rëër ë atiëp de thuɔɔuwic, ɣɛɛrëpiny acï tuöl tëde keek.”

Luk 12:35

Yak tɔ̈u ke we duööt yiic, ku dɛ̈p mɛ̈ckuön ë alath.

Jɔn 5:35

Yen aaye many ë dɛ̈p ku ye piny riaau: ku wek ë piɔ̈ɔ̈th dɛ luɔi bä wek piɔ̈ɔ̈th miɛt në maanyde tëthiinakäŋ.

2 Kor 4:6

Luɔi ee yen Nhialic, Raan ɣɔn yöök ɣɛɛrëpiny, an, “Bä bei tëcol, ye piny riaau!” Yen aa riau wopiɔ̈ɔ̈th, agoku riau de ŋïny de dhuëëŋ de Nhialic yök, riau nu ë Yecu Kërtho nyin.

2 Pet 1:19

Ku wo cath në jam de tït aya, jam yic ëgɔk, jam wär jamë, ku apiɛth tëde week të dɔ̈t wek jamë, luɔi ee yen ciët manyëalath ee riau tëcol, a ruu piny, ago ciëër ë runëpiny rɔt jɔt ë wepiɔ̈ɔ̈th.

Nyuuth 2:1

Gäärë tunynhial de ɣön ë Nhialic nu Epetho alë: Kakë aluel raan keek, raan muk kuɛl kadhorou ë ciin cuënyde, raan cath ë kuc ke mɛ̈ckealath ë adhääp kadhorou yiic cil:

1 Tham 3:3

Manyëalath ë Nhialic aa kën guɔ liu, ku Thamwɛl aa nin piny ë Luaŋdïtic, të ye Athänduŋ de Män ë Nhialic tɔ̈u thïn.

1 Tham 30:25

Kënë acï Debid looi ke ee löŋ, ku acï kɔc ke Yithriɛl bɛ̈n kuany cök agut cï ee köölë.