Bɛ̈n 26:33 - JAM DE NHIALIC 2011

³³ Tääuwë gëlgël në joth cï dhookiic thäär piny në paanyic, joth kuɛɛr kɔ̈ɔ̈th në paany nɔm nhial në biäk thïn. Ku tääuwë athänduŋ de mät në gëlgël kɔ̈u ciëën, Athänduŋ de yic kur cï gɔ̈ɔ̈r kɔ̈ɔ̈th kaarou. Gëlgël abï tëɣeric pääk kekë tëɣeric aläl.

Bɛ̈n 26:33 ပူးပေါင်းရင်းမြစ်များ

1 Mel 6:16

Go ɣön thïn cɔl tëɣeric aläl yïk në luak thar ciëën. Bɛ̈ɛ̈rde ee mitïïr kadhoŋuan ku aa cï kumic në tim de thidar gɔl në yiɛɛude leer ë ɣöt dol.

1 Mel 8:10

Ku wën aa jɔ bäny ke kake Nhialic bɛ̈n bei tëɣeric, ke luäät ë thiäŋ Luaŋdït ë thiäu,

1 Mel 8:6

Go bäny ke ka ke Nhialic athänduŋ de män ë Bɛ̈nydït bɛ̈ɛ̈i tëde, ku leerkï ɣöt në biäk thïn de tëɣeric aläl, ku tɛ̈ɛ̈ukï ë wuök ke cerubiim thäär.

2 Lëk 3:8

Ku ɣön tɔ̈u thïn cɔl Tëɣeric aläl, aaye bɛ̈ɛ̈r de yen kɔ̈u mitïïr kadhoŋuan ku ye dït de yen yic mitïïr kadhoŋuan, yen aye dït de yic de Luaŋdït. Ku ka wär tɔn kathiërrou de adhääp acï ë Tëɣeric aläl gël kɔ̈u.

Bɛ̈n 25:16

Ku tääukï pam ke kuur kaarou bä ke gäm yïn në athändukic, pam cïï ë lööŋ gɔ̈ɔ̈r në kekɔ̈ɔ̈th.

Bɛ̈n 26:32

Ku kaakë në mën ke tim akacia kaŋuan kɔ̈ɔ̈th, wai cï rɔɔth kɔ̈ɔ̈th në adhääp, ku cï keek gɔn në joth cï dhook nïïm. Ku ciëpë kethäär piny në kuc ke ateek kaŋuan nïïm.

Bɛ̈n 27:10

Ku luöiyë tiim kathiërrou, ku kuc ke maläŋ kathiërrou. Ku tääuwë joth ke ateek cï dhook nïïm ë tiim kɔ̈ɔ̈th ku thiliik.

Bɛ̈n 27:21

Aron kekë wɛ̈ɛ̈tke ë ke tɛ̈ɛ̈u manyëalath në paany de mätic në gëlgël kɔ̈u biic në athänduŋ de mät nɔm tueŋ. Ku ë ye tɔ dɛ̈p ë Yanɔm tueŋ ëtɛ̈ɛ̈n gɔl thëën agut cï run ë piny. Kɔc ke Yithriɛl ayï mïthkɛn bï lɔ̈ɔ̈k tɔ̈u në kecök ë ke döt ee löŋë ananden.”

Bɛ̈n 36:36

Ku luikï wai kaŋuan në tim de aluii, wai bï gëlgël muk. Ku rɔthkï kekɔ̈ɔ̈th në adhääp, ku luikï kekɔ̈ɔ̈th joth ke adhääp cï dhook nïïm. Ku loikï kuc ke ateek kaŋuan, kuc bï wai cäp thäär thïn.

Bɛ̈n 40:21

Ku leer athänduk ë paanyic, ku gël në gëlgël ee yen kony. Yen luɔi ë gël en athänduŋ de mät ka cït man cïï Bɛ̈nydït e lɛ̈k en.

Bɛ̈n 40:3

Ku tääuwë athänduŋ de mät thïn ke de yic lööŋ kathiëër. Ku gël në lupɔ.

Edhekiɛl 41:4

Go ɣöt bɛ them guöpde, go yök ke ye mitïïr kathiëër në aguuk kaŋuan. Yen ee ɣönë atɔ̈u në ɣön nu cilë kɔ̈u. Na wën, ke lɛ̈k ɛn an, “Kënë ee tëɣeric aläl.”

Lebai 16:2

Go Bɛ̈nydït Mothe yɔ̈ɔ̈k, an, “lɛ̈kë wänmuuth Aron, në ë cie bɛ̈n Tëɣeric aläl të cï yen ye tak tei, abï dhil lɔ thïn ke ceŋ lupɔ në akööl röŋ, në biäk yen të wään tiëc ɛn në luätic, në akum de Athänduŋ de mät nɔm. Na le lɔ rɛɛc ka abä nɔ̈k.