Bɛ̈n 25:22 - JAM DE NHIALIC 2011

²² Yïn bä lɔ yök ëtɛ̈ɛ̈n, ku la yï gäm lööŋkï kedhie në biäk de kɔc ke Yithriɛl ke yï nu në akum de athänduŋ de mät nɔm në kɛm ke cerubiim.

Bɛ̈n 25:22 ပူးပေါင်းရင်းမြစ်များ

Cäk 18:33

Na wën, aa lɔ Bɛ̈nydït thök në jam kekë Abraɣam, ke jël ku puk Abraɣam enɔm baaide.

2 Tham 6:2

Go Debid kekë kɔckɛn cath ë yen kedhie lɔ Baala në Juda, bïk lɔ athänduŋ de Nhialic lɔ bɛ̈ɛ̈i ëtɛ̈ɛ̈n, athänduŋ de yic rin ke Bɛ̈nydït de rɛm, raan tɔ̈u ë thööcde në Cerubiim nïïm.

2 Mel 19:15

Ku läŋ Ɣedhekia an, “Bɛ̈nydït Awärjäŋ, Nhialic de Yithriɛl, thöönydu anu ë cerubiim kaarou nïïm nhial, ee Yïn ee Nhialic Yïtök, Yïn amac ciɛɛŋ ke piny nɔm. Yïn aa cak piny ku tënhial.

1 Lëk 13:6

Go Debid lɔ pänydït de Baala kekë kɔcke, të lɔ Kiriath Jiriim piny de Juda, bïk Athänduŋ de Män ë Nhialic lɔ bɛ̈ɛ̈i, kë de yic rin ke Bɛ̈nydït tɔ̈u ë thööc nɔm nhial ë Cerubiim nïïm.

Diɛt 80:1

Piŋ wo röt, Yïn Tïn de Yithriɛl, Ye wo piŋ röt wok bäny ke lunydu. Yïn raan rɛ̈ɛ̈r në thöönydu nɔm në wuök ke cerubiim lɔ bilbil kɔ̈u,

Diɛt 80:2

Nyuöthë rɔt dhiën de Eparaim ku Benjamin ku Manatha, nyuöthë wo riɛldu, ku bä luäk wook!

Diɛt 90:1

Bɛ̈nydït, Yïn aaye ɣöndan ë thiaan në akööl ke rɛmkuɔ yiic ëbɛ̈n.

Diɛt 99:1

Bɛ̈nydït ee melik, kɔc abï ke lath ë këde. Ee nyuc ë cerubiim nɔm ago piny rɔt nieeŋ.

Bɛ̈n 20:24

Yiëkkï ya yïïŋ ë tiɔp. Ku yak thökkun gam në yenɔm, ayï ɣɔ̈k ke ke ye miɔ̈c ye nyop ëbɛ̈n, miɔ̈c de mät. We cä gäm ɣään juëc bä wek Ɛn aa lam thïn. Ku Yɛn bï ya bɛ̈n ëtɛ̈ɛ̈n bä we bɛ̈n thieei.

Bɛ̈n 27:21

Aron kekë wɛ̈ɛ̈tke ë ke tɛ̈ɛ̈u manyëalath në paany de mätic në gëlgël kɔ̈u biic në athänduŋ de mät nɔm tueŋ. Ku ë ye tɔ dɛ̈p ë Yanɔm tueŋ ëtɛ̈ɛ̈n gɔl thëën agut cï run ë piny. Kɔc ke Yithriɛl ayï mïthkɛn bï lɔ̈ɔ̈k tɔ̈u në kecök ë ke döt ee löŋë ananden.”

Bɛ̈n 30:36

Ɣɔ̈l keek kedhie abïk lɔ mot. Ku lɛɛrë keek në Paany de Mätic, lɔ wiɛ̈ɛ̈thë në athänduŋ de mät nɔm tueŋ. Ye wɛ̈ɛ̈l ŋïr looi në luɔi de kë ɣeric.

Bɛ̈n 30:6

Ku tääuwë ee yïïŋë në gëlgël de lupɔ kɔ̈u biic, bï kaak në akum de athänduŋ de mät nɔm tueŋ. Yen të bän aa mat wokë week ka.

Bɛ̈n 31:18

Na wën, aacï Nhialic thök në jam jiëëm en Mothe, në Kuur ë Thinai nɔm, ke gëm Mothe pɛɛm ke kur cï gɔ̈ɔ̈r kɔ̈ɔ̈th kaarou, kur cï Nhialic guöpde lööŋ gäär ë kekɔ̈ɔ̈th.

Bɛ̈n 31:6

Ku Yɛn ë Yooliap lɔc wën de Aɣithamak, raan dhiën de Dan bïï luui ke yen. Ku atëët kɔ̈k juëc acä keek gäm riɛl ëbɛ̈n bï kek këriëëc cä lueel ëbɛ̈n looi.

Yith 37:16

“Bɛ̈nydït de rɛm, Nhialic de Yithriɛl, thöönydu anu ë kaam de wuök ke cerubiim kaarou nïïm nhial, ee Yïn ee Nhialic Yïtök, Yïn amac ciɛɛŋ ke piny nɔm. Yïn aa cak piny ku tënhial.

Edhekiɛl 43:6

Go raan kɔ̈ɔ̈c në yalɔ̈ɔ̈m ëtɛ̈ɛ̈n, ku piɛŋ Bɛ̈nydït ke jam ke yɛn biic Luaŋdït kɔ̈u: an,

Lebai 1:1

Na wën, ke Bɛ̈nydït ë cɔl Mothe, ku jiɛɛm ke yen ke nu ë Paany de Mätic, ku gëm ee lööŋkë

Lebai 16:2

Go Bɛ̈nydït Mothe yɔ̈ɔ̈k, an, “lɛ̈kë wänmuuth Aron, në ë cie bɛ̈n Tëɣeric aläl të cï yen ye tak tei, abï dhil lɔ thïn ke ceŋ lupɔ në akööl röŋ, në biäk yen të wään tiëc ɛn në luätic, në akum de Athänduŋ de mät nɔm. Na le lɔ rɛɛc ka abä nɔ̈k.

Kuɛ̈n 17:4

Nöm keek, ku lɔ tɔ̈u keek në paany de mätic në Athänduŋ de Löŋ cï Mac nɔm tueŋ, të ye wok mat thïn wokë yïn.

Kuɛ̈n 7:89

Na wën, alɔ Mothe në paany de mätic, le jam kekë Bɛ̈nydït, ke piŋ röl ajam në kɛm ke cerubiim në akum de athänduŋ de mät nɔm. Go röl Mothe jääm.

Bäny 20:27

Ku në aköölkë yiic athänduŋ de män ë Bɛ̈nydït aa nu ë Bethel ëtɛ̈ɛ̈n, ku Pineɣath wën ë Eleyadhar, wën ë Aron, aa lui ke ye bɛ̈ny de kake Nhialic ë yenɔm. Go kɔc Bɛ̈nydït luɔp an, “Duëërku bɛ lɔ thɔ̈ɔ̈r në mïthëkɔckuɔ kɔc ke Benjamin, ku buk mɔ̈l?” Go Bɛ̈nydït bɛ̈ɛ̈r an, “Lak thäärkï, miäk wek bä gäm tiëm bä wek keek tiaam.”

1 Tham 4:4

Agokï kɔc tuɔɔc Cilo lek athänduŋ de män ë Bɛ̈nydït de rɛm nu në kɛm ke cerubiim lɔ bɛ̈ɛ̈i. Ago wɛ̈ɛ̈t ke Eli yï Ɣopni kekë Pineɣath lɔ në athänduŋ de män ë Nhialic.