Bɛ̈n 25:16 - JAM DE NHIALIC 2011

¹⁶ Ku tääukï pam ke kuur kaarou bä ke gäm yïn në athändukic, pam cïï ë lööŋ gɔ̈ɔ̈r në kekɔ̈ɔ̈th.

Bɛ̈n 25:16 ပူးပေါင်းရင်းမြစ်များ

1 Mel 8:9

Acïn kë nu athändukic, ee pɛɛm ke kur kaarou ɣɔn cïï Mothe ke tääu ëtɛ̈ɛ̈n në kuur ë Thinai nɔm, të ɣɔn mɛcë Bɛ̈nydït löŋ kekë kɔc ke Yithriɛl, ɣɔn bïï kek bei ë Rip.

2 Mel 11:12

Ëtɛ̈ɛ̈n go Jeɣoyada wën ë melik lɛɛr biic, ku tɛ̈ɛ̈u göl në yenɔm, ku gëm awerek de lööŋ këde muŋ de ciɛɛŋ, ku jɔ Jowac tɔc, ku cɛɛlë ke ye Melik. Go kac kecin pam, ku cötkï në röldït an, “Abï pïïr anande yen melik!”

2 Lëk 23:11

Na wën ke Jeɣoyada bɛ̈ny de kake Nhialic ë leer Jowac biic, ku tɛ̈ɛ̈u göl ë yenɔm, ku gëm awereŋ töŋ de yic lööŋ ke luɔi de meliik. Ku jɔ bɛ̈n caal ke ee melik, go Jeɣoyada bɛ̈ny de kake Nhialic kekë wɛ̈ɛ̈tke Jowac tɔc ë miök, ago kɔc kedhie cööt ë röldït an, “Melik yïn bï pïïr athɛɛr!”

Bɛ̈n 16:34

Cït man cïï Bɛ̈nydït e lɛ̈k Mothe, acïï Aron en bɛ̈n tääu në cäätɔ nɔm tueŋ ke bïï döt.

Bɛ̈n 25:21

Tääuwë paam ke kuur kaarou athändukic thïn, ku kum nɔm në akum.

Bɛ̈n 26:33

Tääuwë gëlgël në joth cï dhookiic thäär piny në paanyic, joth kuɛɛr kɔ̈ɔ̈th në paany nɔm nhial në biäk thïn. Ku tääuwë athänduŋ de mät në gëlgël kɔ̈u ciëën, Athänduŋ de yic kur cï gɔ̈ɔ̈r kɔ̈ɔ̈th kaarou. Gëlgël abï tëɣeric pääk kekë tëɣeric aläl.

Bɛ̈n 27:21

Aron kekë wɛ̈ɛ̈tke ë ke tɛ̈ɛ̈u manyëalath në paany de mätic në gëlgël kɔ̈u biic në athänduŋ de mät nɔm tueŋ. Ku ë ye tɔ dɛ̈p ë Yanɔm tueŋ ëtɛ̈ɛ̈n gɔl thëën agut cï run ë piny. Kɔc ke Yithriɛl ayï mïthkɛn bï lɔ̈ɔ̈k tɔ̈u në kecök ë ke döt ee löŋë ananden.”

Bɛ̈n 30:36

Ɣɔ̈l keek kedhie abïk lɔ mot. Ku lɛɛrë keek në Paany de Mätic, lɔ wiɛ̈ɛ̈thë në athänduŋ de mät nɔm tueŋ. Ye wɛ̈ɛ̈l ŋïr looi në luɔi de kë ɣeric.

Bɛ̈n 30:6

Ku tääuwë ee yïïŋë në gëlgël de lupɔ kɔ̈u biic, bï kaak në akum de athänduŋ de mät nɔm tueŋ. Yen të bän aa mat wokë week ka.

Bɛ̈n 31:18

Na wën, aacï Nhialic thök në jam jiëëm en Mothe, në Kuur ë Thinai nɔm, ke gëm Mothe pɛɛm ke kur cï gɔ̈ɔ̈r kɔ̈ɔ̈th kaarou, kur cï Nhialic guöpde lööŋ gäär ë kekɔ̈ɔ̈th.

Bɛ̈n 32:15

Na wën, ke Mothe ë dɔk enɔm piny ë kuur nɔm ke ɣɛ̈ɛ̈c kur kaarou cï gäär kɔ̈ɔ̈th lööŋ në biäk kaarou.

Bɛ̈n 34:29

Na wën, aa bɔ̈ Mothe piny në Kuur ë Thinai nɔm ke muk kur pätiic kaarou në yecin, kur ke cäätɔ, Mothe aa riau nyin në luɔi ë jiɛɛm en kekë Nhialic, ku akuc ë Mothe luɔi riɛɛu en nyin.

Bɛ̈n 38:21

Kuën ë wëth ë looi ë paany de mät kï: Paany ɣɔn ye kur pätiic kaarou döt thïn, kur cïï lööŋ kathiëër gäär në kekɔ̈ɔ̈th. Kuënë aa cɔɔl ë Mothe tëde Lebai ɣɔn ye Yithamar wën ë Aron bɛ̈nyden, ku bɛ̈ny de kake Nhialic.

Bɛ̈n 40:20

Ku jɔ kur cï gɔ̈ɔ̈r kɔ̈ɔ̈th kaarou tääu në athänduŋ de mätic. Ku rïïu akum në athänduk nɔm.

Kuɛ̈n 17:4

Nöm keek, ku lɔ tɔ̈u keek në paany de mätic në Athänduŋ de Löŋ cï Mac nɔm tueŋ, të ye wok mat thïn wokë yïn.

Luɔi 7:44

“Kuarkuɔ aake ye cath në paany de cäätɔ ë jɔ̈ɔ̈ric, acït man cï Nhialic e lueel, wään yöök en Mothe an, bï dhil looi cït man ë këde cuɛ̈c cï tïŋ.

Romai 3:2

Piathden adït në cök ëbɛ̈n. Ku cöök dït, kï, tɛ̈ɛ̈u cï wël ke Nhialic tääu ë Judai cin.

Nyöŋ 31:26

lueel an, ‘Nämkï awerek de Löŋ de Nhialic ku tääukï keek në athänduŋ de män ë Bɛ̈nydït Nhialicdun lɔ̈ɔ̈m ago ya cäätɔ në biäkdun.

Ɣeberuu 9:4

Ku kak ee nu thïn ee yïïŋ de nyum ë wal ŋïr cï cuëëc adhääp, ku athänduŋ de mät cï paat kɔ̈u piny në adhääp ëbɛ̈n ku ade yic käŋ kadiäk, kë tueŋ ee tööny adhääp de yic kuïn cɔl mana, kë ye kek rou ee thieny ë Aron wään cï kɔn nyok ku moc gaak, ku jɔ ya pɛɛm cï löŋ cï mac gäär ë kekɔ̈ɔ̈th.

Jocua 4:16

“Tɔ bäny ke kake Nhialic ɣɛ̈ɛ̈c athänduŋ de mät bɔ̈ bei në Jordanic.