Bɛ̈n 24:6 - JAM DE NHIALIC 2011

⁶ Go Mothe biäk de riɛm de läi cï nɔ̈kë nööm, ku tɛ̈ɛ̈u abïïny yiic, ku piɛɛk biäk cï döŋ ë yïk kɔ̈u.

Bɛ̈n 24:6 ပူးပေါင်းရင်းမြစ်များ

2 Mel 17:15

Acïk lööŋke dhɔɔtiic, ku akënkï löŋ ɣɔn cï mac ke kuarken riëëu. Acïk yiëth rac lam, agokï jɔ rac gupken, ku jɔkï ciɛɛŋ de juöör thiääk në keek kuany cök, ku akënkï löŋ de Bɛ̈nydït wään cï lɛ̈k keek riëëu an cïkkï keek bï kuany cök.

Diɛt 99:6

Mothe kekë Aron aake ye bänykɛn ke kake Nhialic, ku Thamwɛl aa ye raan ee yen lɔ̈ŋ, ayek Bɛ̈nydït cɔɔl, ku ee lɔ̈ŋden bɛ̈ɛ̈r.

Bɛ̈n 12:22

Ku nɔ̈mkï wal, në wal ke ɣathopiic, ku juɔɔlkï ke në riɛm de nyök nu abïny yic, ku wiɛ̈ɛ̈thkï riɛm në ɣööt thook, ɣöt thok baŋ cuëc, ku baŋ cam ku ɣöt thok nhial. Ku ë cïn raan lɔ biic ɣönde aruu piny.

Bɛ̈n 12:7

Ku kɔc ë ke nöm riɛm, ku wïïthkï ë ɣööt thook, ɣööt cuet kek nyök thïnë, ɣöt thok baŋ cuëc ku baŋ cam, ku yethok nhial.

Bɛ̈n 24:8

Na wën, ke Mothe ë nöm riɛm nu në abïïny yiic, ku wïïth ë kɔc gup. Ku lueel an, “Kënë ee riɛm de löŋ cï Bɛ̈nydït mac ke week cït man ë lööŋke kedhie.”

Bɛ̈n 29:16

Ku näk, ku nöm riɛmde ku wiɛ̈ɛ̈thë në biäk ke yïk kaŋuan.

Bɛ̈n 29:20

Ku näk, ku nöm riɛmdɛn biäk tɔc yïn Aron yïnh cuëc thok nhial. Ku tɔc yïth ke wɛ̈ɛ̈tke thook. Ku tɔc riöpkɛn butbut de ciin cuëëcken ëbɛ̈n. Ku tɔc riöp butbut ke kecök kedhie. Ku wälë biäk de riɛm cï döŋë në biäk ke yïk kaŋuan.

Jeremia 31:32

Acïï bï ciët löŋ thɛɛr ɣɔn bä mac wo kuarken, wään dam Yɛn keek cin ku bɛ̈ɛ̈i ke bei ë Rip. Cakaa wään ciët Yɛn moc tëde keek, akënkï ee löŋë bɛ̈n döt.

Lebai 1:11

Abïï nɔ̈k në yïk nɔm ë biäk lɔ të lɔ rut ë Bɛ̈nydït nɔm.

Lebai 1:5

Ku abï miɔɔr koor nɔ̈k në Bɛ̈nydït nɔm. Na ëlë, ke wɛ̈ɛ̈t ke Aron, bäny ke kake Nhialic, abïk riɛm nööm ku wïïthkï në aguuk ke yïk kedhie, të lɔ paany de mät thok.

Lebai 3:2

Abï yeciin thany në miɔ̈cde nɔm, ku jɔ teem röl në paany de mät thok. Ku ëtɛ̈ɛ̈n, wɛ̈ɛ̈t ke Aron, bäny ke kake Nhialic abïk riɛm jɔ wiɛ̈ɛ̈th në aguuk ke yïk kedhie.

Lebai 3:8

Abï yeciin thany në miɔ̈cde nɔm, ku teem röl në paany de mät thok, ku ëtɛ̈ɛ̈n, wɛ̈ɛ̈t ke Aron bäny ke kake Nhialic, abïk riɛm jɔ wiɛ̈ɛ̈th në aguuk ke yïk kedhie,

Lebai 4:6

Abï yecin juɔɔl në riɛmic, ku wïïth riɛm biäk piny raan dhorou në Bɛ̈nydït nɔm, në lupɔ de tëɣeric yic.

1 Kor 11:25

Ku yen ee nɔ̈m nööm en bïny aya, të cï kɔc thök ë cäm, ku lueel an, “Bïnyë ee löŋ cï piac mac ë riɛmdï yic: yak kënë looi, të de yen të dɛ̈k wek ë ye, në täŋ bä wek ɛn aa tak.”

Kolothai 1:20

ago käŋ tɔ luukë kedhie në yen, në luɛl cï en mät lueel në riɛm de timdɛn cï rïïu nɔm, nɔn ee kek ka nu ë piny nɔm, ku nɔn ee kek ka nu paannhial, ee Wënde yen aa luuk ke.

Ɣeberuu 12:24

Ku yïn bï Yecu yök raan ee kɔc määt në löŋ cï piac mac, ku lëu cï Ye lɛ̈u riɛm, aluel kë ŋuän wär riɛm de Abel.

Ɣeberuu 8:9

Ku acïï bï ciët löŋ wään cä kɔn mac wokë kuarken, wään dam Ɛn kecin ku bɛ̈ɛ̈i ke bei Paan ë Rip. Keek acïk löŋ ë cïk mac në Yɛn dhoŋ kɔ̈u, guɔ ke nyääŋ piny!

Ɣeberuu 9:18

Yen akënë löŋ cï mac tueŋ cak thar të cïn riɛm.

Ɣeberuu 9:19

Aŋicku wään Mothe të cïï cök ke lööŋ ëbɛ̈n kuɛ̈n kɔc ago ke riëëu, ke jɔ rim ke miöör ku nyök bɔɔth cï liääp ë pïïu, ku nööm këër ë wɛ̈ɛ̈l cɔl ɣathop cï nhïm thith ke thök dɛɛr ë yenɔm ku joolë ke ku wïïthë ke në awerek de löŋ kɔ̈u ku kɔc gup kedhie.

Ɣeberuu 9:21

Ku yen nööm ë Mothe riɛm cït man awën ku wïïth ë paany ë lɔ̈ŋ kɔ̈u ku lɔ kake läm nu thïn kedhie.

1 Pet 1:19

ee riɛm piɛth de naamde, cït riɛm de nyɔɔŋ amääl lɔ guöp kuiny ku cïn tëthiin col, en aa wëërë we bei, yen aye riɛm de Kërtho.

1 Pet 1:2

Kɔc cï lɔc në ŋïny ee Nhialic Wääda ka ŋoot tueŋ ŋic, ku cï Wëidït ke tɔ piɛthpiɔ̈ɔ̈th, bïk këde Yecu Kërtho aa piŋ ku bïke yoor në riɛmde. Ë dhuëëŋdepiɔ̈u ku mät ë ke ŋuak nyïïn tëde week.