Bɛ̈n 23:31 - JAM DE NHIALIC 2011

³¹ Ku pinydun abï rɔt gɔl në Wɛ̈ɛ̈r Thith agut cï Wɛ̈ɛ̈rdïït ɣer. Ku gɔl në wɛ̈ɛ̈r ë Yuparat ale guööt ë jɔ̈ɔ̈ric. Ku wek bä gäm riɛl bä wek kɔc cieŋ ee pinyë cuɔp wei.

Bɛ̈n 23:31 ပူးပေါင်းရင်းမြစ်များ

Cäk 15:18

Ago Bɛ̈nydït mät looi kekë Abram ee köölë, lueel ë Bɛ̈nydït an, “Pinyë acä gäm mïthku, gɔl në aken ë Rip agut cï wɛ̈ɛ̈r ë Yuparat.

1 Mel 11:2

Aake thiɛɛk ke Bɛ̈nydït ë cï jaai, ɣɔn cï Yen ke yɔ̈ɔ̈k an duökï thiëk në duet ke juöör kɔ̈k, kënë abï Yithriɛl tɔ lam yiëth kɔ̈k.

1 Mel 20:13

Na wën ke tiët ë lɔ tëde Aɣap melik de Yithriɛl ku lueel, an, “Acï Bɛ̈nydït lueel an duökï riɔ̈c në remdïït de tɔŋ bɔ̈yë, abä ke tääu në yïcin ee köölë, yen abä wek e ŋic nɔn ee Yɛn Bɛ̈nydït.”

1 Mel 4:21

Melik Tholomon aa mac ciɛɛŋ ëbɛ̈n, gɔl në wɛ̈ɛ̈r ë Yuparat lee piny de Pilithiin, ku ɣeet aken de Rip. Ku kɔc mɛc ëtɛ̈ɛ̈n ëbɛ̈n aake ye athölböden yiɛ̈n Tholomon ku yek luööi në akööl ɣɔn pïïr en ëbɛ̈n.

1 Mel 4:24

Tholomon aa mac piny ëbɛ̈n, gɔl në aköl athɛ̈i de wɛ̈ɛ̈r ë Yuparat në Tipatha ɣeet Gadha, ku meliik ë mac ëtɛ̈ɛ̈n kedhie aake ye yen luööi ku piŋkï thok, ku aa de mät ke wuöt thiääk në yen ëbɛ̈n.

1 Mel 8:65

Go Tholomon kekë amatnɔm dïït de Yithriɛl ëbɛ̈n Dhuëëŋ de Kɛ̈ɛ̈t looi në Bɛ̈nydït Nhialic nɔm ëtɛ̈ɛ̈n ë luaŋdït yic, në nïniic kadhorou. Go kɔc juëc kenïïm mat ëtɛ̈ɛ̈n, kɔc ëbɔ̈ në Ɣamath të lɔ rut, në aken ë Rip të lɔ wöuwic.

2 Lëk 9:26

Tholomon aaye melik dït aläl në meliik nïïm, gɔl në piny nu ë wɛ̈ɛ̈r ë Yuparat kekë Pilithiin leer në aken de Rip.

Diɛt 72:8

Ciɛɛŋde abïï gɔl në wɛ̈ɛ̈r leer ë wɛ̈ɛ̈r däŋë, ku gɔl ë Yuparat leer ë piny thar.

Kuɛ̈n 21:34

Go Bɛ̈nydït lɛ̈k Mothe an, “Duk riɔ̈c në yen. Abä tɔ luöikï kë cït kë wään bäk kɔn luöi Thiɣon, meliŋ de kɔc ke Amor, ɣɔn cieŋ Ɣecbon.

Kuɛ̈n 34:2

ë wël bɔ̈ yë bïï ke lɛ̈k, kɔc ke Yithriɛl an, “Wek lɔ Kanaan, piny gäm week, akɛɛth ke pinydun abïk tɔ̈u alë.

Nyöŋ 1:7

Cuɔckï röt ku lakï piny ë kuur de kɔc ke Amor, ku lɔ ɣään thiɔ̈k ëtɛ̈ɛ̈n në Araba ku Jordan yɔu kedhie, ku kur nïïm ku lɔ të lɔ aköl athɛ̈i ku të lɔ wöuwic, ku të lɔ Wɛ̈ɛ̈rdïït ɣer yɔu ku piny de Kanaan kekë Lebanɔn lɔɔr abä ɣet wɛ̈ɛ̈r dït yɔu, wɛ̈ɛ̈r ë Yuparat.

Nyöŋ 1:8

Tiëŋkï wek cä gäm piny ka week lakï thïn, ku nämkï takï ee këdun. Acïï Bɛ̈nydït thɔ̈n kuarkun yï: Abraɣam ku Yithaak ku Jakop kekë mïth ke mïthken.’

Nyöŋ 11:24

Piny bä wek cath thïn ëbɛ̈n abï ya pinydun. Akɛɛthken abïk rɔt gɔl në jɔ̈ɔ̈ric të lɔ wöuwic leer kur ke Lebanɔn të lɔ rut, ku gɔl në wɛ̈ɛ̈r ë Yuparat të lɔ aköl amiäk leer në Wɛ̈ɛ̈r Ɣer të lɔ aköl athɛ̈i.

Nyöŋ 2:33

Go Bɛ̈nydït Nhialic Thiɣon tääu ë wocin, agoku nɔ̈k ku nɛ̈kku wɛ̈ɛ̈tke kekë remdɛn de tɔŋ ëbɛ̈n.

Nyöŋ 2:36

Acïn wun töŋ cï bɛ̈n riɛl tëde wook. Acïï Bɛ̈nydït Nhialicda ke gäm wook kedhie. Gɔl në Aroyer në wak de Arnon këc, ku gɔl në wun nu ee wakë yic aɣët cï Giliyad ya.

Nyöŋ 20:16

“Ku të la wek pɛ̈ɛ̈nydït lɔ peec, piny gëmë Bɛ̈nydït Nhialicdun week, näkkï kɔc kedhie.

Nyöŋ 3:2

Go Bɛ̈nydït ya yɔ̈ɔ̈k, an, ‘Du riɔ̈ɔ̈c në yen, në luɔi cän ye tääu në wecin kekë remdɛn ë tɔŋ ëbɛ̈n, ayï paande. Luɔikï kë cït kë wään, bäk luöi Thiɣon melik de kɔc ke Amor, wään ceŋ Ɣecbon.’

Nyöŋ 6:19

Ku we bï kɔc ke aterdun cuɔp wei. Cït man cï ë lueel.

Nyöŋ 9:3

Ku ënɔɔnë, abäk tïŋ ë wenyïïn wapäc, luöi bïï Bɛ̈nydït Nhialicdun cath ë wenïïm tueŋ cït many dɛ̈p. Abäk keek tiaam, të la wek ke we lɔ tueŋ, aguɔkï keek cuɔp wei, ku riäärkï keek nyïïn ëthiäu, cït man cïï Yen e lueel.

Jocua 1:4

Pinydun abï rɔt gɔl në jɔ̈ɔ̈ric agut cï Lebanɔn, aɣet cï wɛ̈ɛ̈r ë Yuparat. Abï piny ë kɔc ke Ɣit nööm ëbɛ̈n, lee në Wɛ̈ɛ̈rdïït ɣer nu aköl athɛ̈i.

Jocua 10:19

Ku duökï kääc ëtɛ̈ɛ̈n. Barkï yic ke we cop kɔc ke ater, yak ke tɛɛm thïn, duökï ke tɔ cuup pɛ̈ɛ̈nydïtken. Acïï Bɛ̈nydït Nhialicdun ke gäm week.”

Jocua 10:8

Go Bɛ̈nydït lɛ̈k Jocua an, “Du riɔ̈c në keek. Acä ke tääu në yïcin. Acïn raan töŋ bï kɔ̈ɔ̈c lëu në yïnɔm.”

Jocua 13:6

Ku mɛt piny ë kɔc ke Thidon thïn ëbɛ̈n ayï kurkɛn rëër kek thïn, në kaam de piny ë kuur ë Lebanɔn kekë Mithapoth Maim. Kɔckë kedhie abä keek cuɔp wei, të le Yithriɛl ke bɔ̈ thïn. Ku piny abä tɛ̈k kɔc ke Yithriɛl cït man cän e lɛ̈k yïn.

Jocua 2:24

Agokï Jocua lɔ guiëër këriëëc cïk yök ëbɛ̈n, luelkï an, “Acuk yök ë gök luɔi cïï Bɛ̈nydït wo gäm piny ëbɛ̈n. Kɔc nu ëtɛ̈ɛ̈n kedhie, ariɔ̈ckï aläl në wook.”

Jocua 21:44

Ago Bɛ̈nydït ke gäm mät cït man wään cï en ë thɔ̈n kuarken. Acïn raan tök në kɔc de kek ater cï kɔ̈ɔ̈c bɛ̈n lëu në kenïïm, në biäk ë cïï Bɛ̈nydït ke gäm tiëm.

Jocua 23:14

“Ku yɛn ë thiɔ̈k wokë thuɔɔu ënɔɔnë. Ku raan ëbɛ̈n në weyiic, aŋic në piɔ̈nde ëbɛ̈n, ka piɛth kiith cïï Bɛ̈nydït Nhialicdun looi, në luɔi cï yen we gäm këriëëc ë cï than ëbɛ̈n.

Jocua 24:11

“Ku ëtɛ̈ɛ̈n, wek ë Jordan bɛ̈n teem kɔ̈u, ku lakï Jeriko. Na wën, ke kɔc ke Jeriko ë ke gäm në week, ayï kɔc ke Amor, ayï kɔc ke Peridh, ayï kɔc ke Kanaan, ayï kɔc ke Ɣit, ayï kɔc ke Girgac, ayï kɔc ke Ɣib, ayï kɔc ke Jebuth. Guɔ keek tɔ tiamkï kedhie.

Jocua 24:12

Yɛn ë meliik ke kɔc ke Amor bɛ̈n muum ɣɔn në wenïïm tueŋ, ku ta ke tiamkï. Acie wek ë cop keek në abätɛ̈ɛ̈ukun, ku nɔn ee yen dhɛ̈ŋkun, ee Yɛn ë cop keek.

Jocua 24:18

Bɛ̈nydït ë kɔc ke Amor bɛ̈n cuɔp wei në wonïïm tueŋ, të ɣɔn bïï En wook ee pinyë. Ka yen, ee Bɛ̈nydït Yen abuk aa luööi, në luɔi Yen Nhialicda.

Jocua 24:8

“Na ɣɔn, ke we bɛ̈ɛ̈i keek piny de kɔc ke Amor në wɛ̈ɛ̈r de Jordan kɔ̈u të lɔ aköl amiäk. Guɔkï piɔ̈t në kɔc ke Amor, guɔ we tɔ tiëm. Acä keek bɛ̈n riɔ̈ɔ̈k në wenïïm tueŋ ku ta we nöm pinyden.

Jocua 8:18

Ku tëthiin ë yɔɔk ë Jocua yeciin, ke ŋuɛɛŋ tɔŋ Ai.

Jocua 8:7

Ku ëtɛ̈ɛ̈n, wek bï lɔ̈ɔ̈k bɛ̈n bei të cä wek thiaan, ku ruömkï pänydït. Ku Bɛ̈nydït Nhialicdun abï we gäm pänydït.

Jocua 9:7

Ago kɔc ke Yithriɛl lɛ̈k kɔc ke Ɣib an, “Eeŋö tɔ wo loi mät në week? Buk ŋic adï na jakï guɔ aa kɔc rëër në wolɔ̈m tëthiɔ̈k?

Bäny 1:4

Go Nhialic Juda tɔ tiam kɔc ke Kanaan ku kɔc ke Peridh, arëk abïk aguum kathiëër 10,000 nɔ̈k ë Bedhek.

Bäny 11:21

Go Bɛ̈nydït Nhialic de Yithriɛl Thiɣon kekë kɔcke tɔ tiɛɛm ë Yithriɛl. Go Yithriɛl akɛɛth ke piny de kɔc ke Amor ɣɔn rɛ̈ɛ̈r ëtɛ̈ɛ̈n nööm.

1 Tham 23:4

Ago Debid Bɛ̈nydït bɛ lɔ luɔp, go Bɛ̈nydït lɛ̈k en an, “Lɔɔr Keila ku yïn bä tɔ tiam Pilithiin ee köölë.”