Bɛ̈n 23:24 - JAM DE NHIALIC 2011

²⁴ Duökï wenïïm gut piny në yiëthken nïïm ku duökï ke lam. Ku duökï kuɛɛrkɛn ke läm dɔmiic. Riäkkï yiëthken ku dhuööŋkï kur ke yïïkken.

Bɛ̈n 23:24 ပူးပေါင်းရင်းမြစ်များ

2 Mel 17:11

ku yek miɔ̈c de wal ŋïr nyop në ɣään thöny ëbɛ̈n, cït juöör ɣɔn copë Bɛ̈nydït wei në kenïïm. Acïk agönh ë Bɛ̈nydït tɔ jɔt rɔt, në baŋ de karɛc cïk looi,

2 Mel 17:8

ku yek cath në ciɛɛŋ de juöör kɔ̈kiic, juöör ɣɔn cop ë Bɛ̈nydït wei në Yithriɛl nɔm, go meliik ke Yithriɛl ciɛɛŋden dɔmic.

2 Mel 18:4

Acï ɣään thöny nyaai, ku dhoŋ mëën yaath piny, ku yep yanh tiiŋ cɔl Acera piny. Ku dhuuŋ kërɛɛc de maläŋ ɣɔn bïï Mothe looi ayadäŋ, ku aa ye cɔl Neɣuctan. Agut cï aköölkë, kɔc ke Yithriɛl aake ye wal ŋïr nyop dhuëëŋ kek en.

2 Mel 3:2

Acï karɛc looi në Bɛ̈nydït nɔm, ku aa cïï cït wun ku man, acï mën de Baal ɣɔn cï wun looi riɔ̈ɔ̈k.

2 Lëk 14:2

Atha acï këpiɛth looi ë Bɛ̈nydït Nhialicde nyin.

2 Lëk 25:14

Na wën cï Amadhia bɛ̈n ciëën të wään cï en kɔc ke Edom lɔ tiaam tɔŋ, go yiëthken bɛ̈ɛ̈i ë yen ëtök ku ye ke lam, ku nyup keek wal ŋïr

2 Lëk 33:2

Acï karɛc ye juöör keek looi looi, kɔc ɣɔn bïï Bɛ̈nydït keek cuɔp wei, wään bïï ë kɔc ke Bɛ̈nydït thïn, go Manatha karɛc luöi Bɛ̈nydït.

2 Lëk 33:9

Go Manatha kɔc ke Juda tɔ loi karɛc wär karɛc wään, cï juöör wään bïï ë Bɛ̈nydït keek cuɔp wei piny yic looi, ɣɔn jɔ kɔc lɔ ke ke bɔ̈ thïn.

Diɛt 101:3

ku yɛn cïï kërac bï gam. Yɛn man luɔi de kɔc ee Nhialic pɔ̈l, acïn këdiën bä looi wo keek.

Bɛ̈n 20:3

“Yïn cïï nɔm bï dɛ yiëth kɔ̈k të cïn Ɛn.

Bɛ̈n 20:5

Du yïnɔm kɔn guöt piny në yath nɔm, ku du läŋ. Yɛn aye Bɛ̈nydït Nhialicdun, ku Yɛn ee mantil. Kɔc man ɛn aya ke luöi këtuc, ayï mïthken agut cï rem ye rɛm diäk, ayï ŋuan, rɛm man Ɛn.

Bɛ̈n 23:13

“Piŋ kë lɛ̈k yïn ëbɛ̈n, Yɛn Bɛ̈nydït. Du yiëth kɔ̈k ee lam, ayï rinken du ke ee lueel.

Bɛ̈n 23:32

Duökï de män matkï në keek, ayï yiëthken.

Bɛ̈n 23:33

Duökï keek tɔ rɛ̈ɛ̈r pinydun. Të la we ke tɔ rɛ̈ɛ̈r pinydun, abïk week meet në läm de yiëthken, ku tɔkï we lui Ɛn kërac. Të la wek yiëthken lam, abï aa dɛ̈p dïït deepë week.

Bɛ̈n 32:20

Na wën, ke nöm miɔɔr cïk cuëëc, ku le lëëŋ, ku tiɔp abï lɔ mot, ku riir ë pïïuwiic, ku tɔ dek ë kɔc ke Yithriɛl.

Edhekiɛl 16:47

E yï kën piɔ̈u kuɛth we luɔi kuɛny yïn keek cök në pïïrdɛn rac yic? Ei, yïn aa nöm kaam thiinakäŋ, ku go karɛc wär ka wään yek looi ëbɛ̈n guɔ looi.

Ɣodh 10:2

Adekï yiic aguuk, ka abïk awänyden dhil thiëëp thok. Bɛ̈nydït abï yïïkken riäär piny, ku riëëk mënkɛn yaath.

Lebai 18:3

Duökï ciɛɛŋde kɔc ke Rip kuanyic, të wään rɛ̈ɛ̈r wek thïn, ku duökï ciɛɛŋ de kɔc ke Kanaan kuanyic, të wään lɛɛr Ɛn we thïn. Duökï ciɛɛŋden kuanyic taitai.

Lebai 26:1

Acïï Bɛ̈nydït lueel an, “Duökï röt lui yiëth, ku duökï wal loi ayï kuur yaath duökï keek lui röt. Ku duökï kuur cï guaŋ tɛ̈ɛ̈u pinydun ku yak keek lam. Ee yɛn Bɛ̈nydït Nhialicdun.

Kuɛ̈n 25:2

Ago duet keek aa caal në miɔ̈c de yiëthkeniic. Agokï aa lɔ cam ku lamkï yiëthken.

Kuɛ̈n 33:52

wek bï kɔc ceŋ ëtɛ̈ɛ̈n lɔ cuɔp biic kedhie, riäkkï kuurden ayï yiëth kɛn cïk deer kɔ̈th në joth, ku ɣäänkɛn ke läm.

Nyöŋ 12:3

Wek bï yïkken dhil thuöör piny, ku riäk wai ke kurkɛn yaath abïk lɔ thorthor, nyop kïn de yanh de tik Acera ku yɛpë yiëthken piny, ago keek cïï bï bɛ lam në ee ɣäänkë yiic.

Nyöŋ 7:5

Ka ënɔɔnë, jakï yïkken thuöör piny, ku dhuɔŋkï waike kur yaath kɔ̈ɔ̈th, ku yiɛpkï yanh tik Acera piny, ku nyuɔpkï yiëthken.