Bɛ̈n 23:23 - JAM DE NHIALIC 2011

²³ Tunynhialdï abï cath ë wenïïm tueŋ, ku abï we lɛɛr piny de Amor, ku Ɣit, ku Peridh, ku Kanaan, ku Ɣib, ku Jebuth, ku abäk keek riɔ̈ɔ̈k.

Bɛ̈n 23:23 ပူးပေါင်းရင်းမြစ်များ

Cäk 24:7

Bɛ̈nydït, Nhialic de paannhial ë ya jɔt piny ë yï wää, piny ë dhiëëth ë ya thïn. Ku bïï ɛn ee pinyë. Ku thɔn ɛn an, ‘Pinyë abä gäm mïthku.’ Abï tunynhialde tuɔɔc ë yïnɔm tueŋ. Ku abï yï lɔ tɔ yök wëndï tik ëtɛ̈ɛ̈n.

Cäk 34:2

Na wën, atïŋ ë Cekem en, wën ë Ɣamor, bɛ̈ny de ee wunë, raan ë Ɣib, ke lɔ ku dɔm, ku wit piny, ku nööm ë nɔ̈m ayäär.

Bɛ̈n 18:8

Go Mothe Jethro tɛ̈t këriëëc ëbɛ̈n, ka wään cïï Bɛ̈nydït luöi melik ë Rip, kekë kɔc ke Rip ɣɔn luɛ̈k en kɔc ke Yithriɛl bei. Ku tët katuc thook wään cï ke yök kueer, ku luɔɔi cïï Bɛ̈nydït ke kony.

Bɛ̈n 23:20

“Tunynhial abä tuɔɔc në wenïïm tueŋ, gël week në cäthdunic abä wek ɣet të cä kiëët në këdun.

Bɛ̈n 3:17

Ka yen acï Yen en tak nɔn bï Yen week bɛ̈ɛ̈i bei piny ë Rip, ku leer week piny ë kɔc ke Kanaan, ku kɔc ke Ɣit, ku kɔc ke Amor, ku kɔc ke Peridh, ku kɔc ke Ɣib, ku kɔc ke Jebuth, piny ee wat ë ca ku miök ë kiëc!’ ”

Bɛ̈n 32:2

Go Aron lɛ̈k keek an, “Bɛ̈ɛ̈ikï joth ke adhääp bei në diäärkun yïth, ayï duetkun, ayï wɛ̈ɛ̈tkun, ku yiɛ̈nkï ke yɛn.

Yith 5:13

ka wek bï peec ke we mac. Bänykun abïk thou në cɔk, ku näk rou kɔc ke baai.

Nyöŋ 9:3

Ku ënɔɔnë, abäk tïŋ ë wenyïïn wapäc, luöi bïï Bɛ̈nydït Nhialicdun cath ë wenïïm tueŋ cït many dɛ̈p. Abäk keek tiaam, të la wek ke we lɔ tueŋ, aguɔkï keek cuɔp wei, ku riäärkï keek nyïïn ëthiäu, cït man cïï Yen e lueel.

Jocua 23:9

“Bɛ̈nydït ë göök dït ke juöör ril cop në wenïïm tueŋ, wuöt juëc aläl. Ku acïn wun töŋ cï we tiaam.

Jocua 5:13

Na ɣɔn ë kööl tök, në akööl ɣɔn rëër ë Jocua në Jeriko lɔ̈ɔ̈m, ke Jocua ë tïŋ raan muk abätäu ëthiäu akääc ë yenɔm tueŋ. Go Jocua rɔt cuöt en ku lop an, “Ye raanda, ku ye raan de kɔckuɔn ke ater?

Jocua 9:1

Na ɣɔn, aa lɔ meliik ee kënë piŋ kedhie, meliik nu në wɛ̈ɛ̈r de Jordan kɔ̈u në wuöt ke piny ë kuur, ku meliik nu në kur ke wakic yiic, në Wɛ̈ɛ̈rdïït ɣer yɔu alɔ guut Lebanɔn. Meliik ke kɔc ke Ɣit kekë kɔc ke Amor, ku Kanaan, ku Peridh, ku Ɣib, ku Jebuth.