Bɛ̈n 23:2 - JAM DE NHIALIC 2011

² Du ee mat wekë kɔc juëc të cïï kek wööc, ku të gɛm kek löŋ lueth mɛ̈ɛ̈r kek yic.

Bɛ̈n 23:2 ပူးပေါင်းရင်းမြစ်များ

Cäk 19:4

Na wën, aŋoot kamaan ke ke kën guɔ tɔ̈c, ke kɔc ke Thɔdom ë ke geeu ɣöt piny kedhie: röör dït, ku dhuök kedhie, abïï ciën raan tök.

Cäk 6:12

Go Nhialic piny tïŋ nɔm ke cï riääk, në luɔi cï kɔc ke piny nɔm kërac looi kedhie.

Cäk 7:1

Go Bɛ̈nydït lɛ̈k Nowa an, “Lɔ abëlic wekë baaidu, yïn cä tïŋ nɔn yïn raan töŋ piɛth piɔ̈u, raan cï ya luɔi yith në kɔc ke piny nɔmiic ëbɛ̈n.

1 Mel 19:10

Go lueel, an, “Yɛn göth arëët ë baŋ de Bɛ̈nydït Nhialic de Rɛm, në kë cï kɔc ke Yithriɛl löŋduön cï mac pɔ̈l, ku thuurkï ɣäänkuön ke läm piny, ku näkkï tïtku në abätäu ku ja döŋ yatök ë giliŋ, ku akɔɔrkï wëikï, bïk a nɔ̈k.”

Jop 31:34

në biäk cän riɔ̈ɔ̈c në kë bïï kɔc lueel, ku nɔn bï kɔc ke wunda ya geet guöp, aguɔ mim ku rɛ̈ɛ̈r baai ke ya cïï lɔ biic.

Diɛt 72:2

Ago kɔcku muk në piathëpiɔ̈u ku muk kɔc yɔŋ keek në yic.

Kɛ̈ŋ 1:15

Du ee cath wekë kɔc cït ee kakë mɛnhdï. Ye rɔt mɛc wei në keek.

Kɛ̈ŋ 18:5

Kuny de raan ee karɛc looi ku pɛ̈n ye raan cïn kë cï wööc pɛ̈n yinyde arac.

Kɛ̈ŋ 4:14

Du kɔc rac ee käär thook, ku du ee lɔ të ye kek lɔ thïn.

Jeremia 37:15

Gokï göth ë yɛn arëët, agokï yɛn tɔ dui, ku tɔkï yɛn mac ɣön de Jɔnathan, raan ee göny gɔ̈ɔ̈r, raan cïï ë ɣönde tɔ ye alooc ye kɔc mac.

Jeremia 37:21

Go melik Dhedekia ya yɔ̈ɔ̈k bï ya guöör në kal de ɣön ë bääny yic. Guɔ rëër ëtɛ̈ɛ̈n, ku yɛn aaye gäm kuïn cï pam aköölnyïïn ëbɛ̈n, të ye ë ke thaal thïn, agut cï të wään cïï kuïïn cï pam jɔ thök ëbɛ̈n ë pänydït yic.

Jeremia 38:9

“Yïn melik, kë cï ee kɔckë looi ee awäc. Acïk tiët Jeremia tääu ë yithic, ku abï thou ëtɛ̈ɛ̈n në cɔk, në biäk cïn en këcam be nu ë pänydïtic.”

Edhekiɛl 9:9

Go ë Nhialic bɛ̈ɛ̈r an, “Baai de Yithriɛl ku Juda acïk awɛ̈ɛ̈c juëc looi. Ayek kɔc nɔ̈k piny ë piny yic ëbɛ̈n, ku acïk Jeruthalem thiɔ̈ɔ̈ŋ yic në luɔi rac. Ayek lueel an, Yɛn Bɛ̈nydït, Yɛn cï pinyden nyääŋ piny, ku nɔn cän keek ee tïŋ.

Lebai 19:15

Du yic ee dhɔ̈ŋic ë luɔi rac, du raan kuany nyin ee kuɛ̈ny bei, ku du ee riɔ̈ɔ̈c në raan kueth, ye gööny de kɔc rɛ̈ɛ̈r në yïn guiir në piathëpiɔ̈u.

Ɣagai 1:4

“Kɔckï, eeŋö tɔ we rɛ̈ɛ̈r në ɣöötkuön piɛth yiic, ku pälkï ɣöndï ke dhɔt piny ke cï riääk?

Mak 15:15

Na wën, akɔɔr Pilato luɔi bï en kut ë kɔc tɔ lɔ piɔ̈ɔ̈th yum, ke jɔ Barabath luöny keek. Go Yecu kɔn tɔ dui ë waat, ku yïn kɔc bï lɔ piäät ë tim cï rïïu nɔm kɔ̈u.

Luk 23:51

(raan kën löŋden gam ayï luɔidɛn cïk looi), ee raan ë Arimathia, pänydïït töŋ de Judai, ku yenguöp aŋäth ciɛɛŋ de Nhialic:

Luɔi 24:27

Na wën, aacï run kaarou thök, ke Porukio Petheto lööny ë nyin ë Pelikic, go Pelik piɔ̈u dɛk luɔi bï en Judai tɔ mit piɔ̈ɔ̈th, go Paulo nyääŋ piny amac.

Luɔi 25:9

Na wën, ke Petheto, ke kɔɔr luɔi bï en Judai tɔ mit piɔ̈ɔ̈th, go Paulo thiëëc an, “Duɛ̈ɛ̈rë lɔ Jeruthalem, bï jamdu lɔ guiir ë yanɔm ëtɛ̈ɛ̈n, në ka cï yï gaanyë?”

Romai 1:32

Kɔckë, të ciɛk kek löŋ ë lueel Nhialic ŋic an, kɔc ë ka cït ee kake looi aröŋkï ë thuɔɔu, ke ke ŋoot ë ke ye kakë looi, ku yek piɔ̈ɔ̈th rɔ̈m ayadäŋ në kɔc ë ke looi.

Nyöŋ 1:17

Ku të guiɛɛr wek löŋ, yak kɔc kiëët nïïm kedhie, ku duökï kɔc ee pɔ̈ɔ̈c yiic, cakaa raan yïndï ë cïn raan ya wek riɔ̈ɔ̈c ë yen në biäk ee guiëër ë löŋdun bɛ̈n tëde Nhialic. Ku bɛ̈ɛ̈ikï gööny rilic tëde yɛn ku abä keek bɛ̈n guiir.’

Nyöŋ 16:19

Abïk aa kɔc cïï löŋ ee kuöc guiir, ku cïkkï kɔc ee tekiic në kuömden yic, ku acïkï kumthok bï aa nööm, në baŋ ye miɔ̈c kɔc pelnïïm ku kɔc adööt tɔ cɔɔr, ku tɔ keek tɔ guiir löŋ ë kueer rac.

Nyöŋ 24:17

“Duökï yic de alɛi ku yic de mïth abɛɛr ee nööm, ku duökï lupɔ de tiiŋ abaar ee nööm mɛcë ë löny de kë cï dheen nɔm.

Jocua 24:15

Na cäkkï Bɛ̈nydït bï luööi, ke we lɔc raan bäk luööi ee köölë. Tɛk däŋ, bäk yiëth ɣɔn ye kuarkun lam piny de Yuparat lɔŋ tui kek bäk luööi, ku nɔn ee kek yiëth ke kɔc ke Amor, kɔc rɛ̈ɛ̈r wek pinyden. Na yɛn wokë baaidï, ee Bɛ̈nydït Yen abuk luööi.”

1 Tham 15:24

Na wën ke jɔ Thaulo lɛ̈k Thamwɛl an, “Yɛn cï kërac looi, yɛn kën lööŋ ke Bɛ̈nydït looi, yɛn aa riɔ̈c në kɔckï aguɔ keek tɔ loi kë kɔɔrkï.

1 Tham 15:9

Ku Thaulo kekë kɔcke acïk Agak bɛ̈n pɔ̈l, ku akënkï thök piɛth ayï ɣɔ̈k piɛth nɔ̈k, ayï daau piɛth, ayï amɛ̈l piɛth, kekë këriëëc piɛth ëbɛ̈n, ku riäkkï këriëëc cïn naamde ëbɛ̈n.