Bɛ̈n 23:17 - JAM DE NHIALIC 2011

¹⁷ Röör kedhie abïk aa bɛ̈n në Bɛ̈nydït Nhialic nɔm bïk En bɛ̈n lam raandiäk në ruöönic ëbɛ̈n në ee dhuëŋkë yiic kadiäk.

Bɛ̈n 23:17 ပူးပေါင်းရင်းမြစ်များ

Diɛt 122:4

Yen të ye dhiën bɛ̈n thïn kï dhiëën ke Yithriɛl bïk Bɛ̈nydït bɛ̈n leec cït man cï löŋde ye lueel.

Diɛt 42:2

Piɔ̈ndï ë yal ë Nhialic, ë yal në Nhialic pïïr. Ee nɛn, yen bän Nhialic tïŋ nyin?

Diɛt 42:3

Pïïu ke yanyin acïk aa këcamdï aköl ku wakɔ̈u, të ye kɔc ke aterdï a yɔ̈ɔ̈k aköölnyïïn an, “Nu Nhialicdu ë nou?”

Diɛt 84:7

Ayek lɔ ke ke ril të ciɛth kek, abïk Nhialic dït ë yiëth tïŋ në kuur ë Dhiɔn nɔm.

Bɛ̈n 23:14

“Yak dhuëŋ dït looi kadiäk në ruöönic dhuɛ̈ɛ̈ŋ wek Ɛn.

Bɛ̈n 34:23

“Röör kedhie në weyiic abïk Ɛn aa lam raandiäk në ruöönic ëbɛ̈n, Yɛn Bɛ̈nydït Nhialic de Yithriɛl.

Yith 1:12

Eeŋa cï we thiëëc bäk kakë ëbɛ̈n yiɛ̈n Ɛn të bä wek A bɛ̈n lɔ̈ŋ? Eeŋa cï we thiëëc bäk kakë looi ëbɛ̈n, ke ke dum ɣöndiën ɣeric yic?

Luk 2:42

Na wën, aacï runke thiëër ku rou, ke ke jɔ lɔ Jeruthalem cït man ee kek cool ë lɔ tëde dhuëëŋ.

Nyöŋ 12:5

Në wuöt ceŋ ë dhiëënkun kedhie Bɛ̈nydït abï të tök lɔc, të bïï kɔc aa bɛ̈n në Ye lɔ̈ɔ̈m ku lamkï Yen.

Nyöŋ 16:16

“Röör ke jurdun ëbɛ̈n abïk aa bɛ̈n, bïk Bɛ̈nydït bɛ̈n lam raan diäk në ruöönic, të töŋ de läm: Në Dhuëëŋ de Kuïn Cïnic Luɔu, ku Dhuëëŋ de Winythok, ku Dhuëëŋ de Tëm, ku Dhuëëŋ de Kɛ̈ɛ̈t. Ku raan ëbɛ̈n abï miɔ̈c aa bɛ̈ɛ̈i,

Nyöŋ 31:11

Të ye kɔc ke Yithriɛl kedhie bɛ̈n në Bɛ̈nydït Nhialicdun nɔm, tëdɛn bï lɔc, yɛn bï ee löŋë kueen në kenïïm kekë piŋ.