Bɛ̈n 23:14 - JAM DE NHIALIC 2011

¹⁴ “Yak dhuëŋ dït looi kadiäk në ruöönic dhuɛ̈ɛ̈ŋ wek Ɛn.

Bɛ̈n 23:14 ပူးပေါင်းရင်းမြစ်များ

1 Mel 9:25

Tholomon aaye miɔ̈c ye nyop ëbɛ̈n ku miɔ̈c de mät gäm Bɛ̈nydït, në ruöön tökic raandiäk në yïïŋ ɣɔn cï luöi Bɛ̈nydït nɔm. Ku aaye wal ŋïr nyuöp Bɛ̈nydït aya. Ago Luaŋdït jɔ thöl në yïk.

2 Lëk 8:13

Ku gɛm miɔ̈c ye nyop ëbɛ̈n cït man ë kë cï lööŋ ke Mothe lueel në kööl ɣer yiic ëbɛ̈n. Akööl ke Thabath, ku akööl ke pɛɛi ë piɛc wil, ku akööl ke dhuëëŋ kadiäk: kööl de Dhuëëŋ de Kuïn Cïnic Luɔu, ku kööl de dhuëëŋ de Tem, ku kööl de Dhuëëŋ de Kɛ̈ɛ̈t.

Bɛ̈n 23:17

Röör kedhie abïk aa bɛ̈n në Bɛ̈nydït Nhialic nɔm bïk En bɛ̈n lam raandiäk në ruöönic ëbɛ̈n në ee dhuëŋkë yiic kadiäk.

Bɛ̈n 34:17

“Duökï röt lui yiëth ke wëëth, ku lamkï keek.

Bɛ̈n 34:18

“Dɔ̈tkï Dhuëëŋ de Kuïn Cïnic Luɔu. Ku yak kuïn cï pam cïnic luɔu cam në nïniic kadhorou në pɛɛi de Abib, cït man cän e lɛ̈k week ɣɔn, në luɔi yen pɛɛi ë jäl wek Rip.

Edhekiɛl 46:9

“Të bïï kɔc ke piny tëde de Bɛ̈nydït në akööl ke dhuëŋ cï mac, kɔc wën ee lɔ thïn në thoŋ të lɔ rut lek lam abïk aa bɛ̈n bei në thoŋ nu të lɔ wöuwic, ku kɔc ee lɔ thïn në thoŋ nu të lɔ wöuwic, abïk aa bɛ̈n bei në thoŋ nu të lɔ rut. Acïn raan bï aa lɔ biic në thoŋ wën ë bïï yen thïn, raan ëbɛ̈n abï dhil aa lɔ biic ke cök yenɔm.

Lebai 23:16

Ku në kööl de thiërdhïc në kööl lɔ në dhorou de thabath cök, gämë Bɛ̈nydït miɔ̈c ë rap në rɛɛp ë piac luɔk yiic.

Lebai 23:34

“lɛ̈kë kɔc ke Yithriɛl an, ‘Në kööl de thiëër ku dhïc në pɛɛi de dhorou, Dhuëëŋ de Kɛ̈ɛ̈t abï rɔt gɔl, ku abï nïn kadhorou lɛɛr.

Lebai 23:4

Kakë ayek dhuëŋ cï Bɛ̈nydït keek lɔc, kek amɛɛt ɣeriic, abä keek caal në aköölkɛn cï mäc keek.

Lebai 23:5

Ku Winythok de Bɛ̈nydït abï looi në kööl ye pɛɛi de tök thok thiëër ku ŋuan gɔl thëën.

Nyöŋ 16:1

Go Mothe lueel an, “Riëëukï Bɛ̈nydït Nhialicdun, në luɔi bä wek dhuëëŋ de Winythok aa looi në pɛɛi de Abib, në biäk yen wakɔ̈uwë yic, në ee pɛɛiyë yic, yen aa luɛ̈k Yen week ë Rip.

Nyöŋ 16:16

“Röör ke jurdun ëbɛ̈n abïk aa bɛ̈n, bïk Bɛ̈nydït bɛ̈n lam raan diäk në ruöönic, të töŋ de läm: Në Dhuëëŋ de Kuïn Cïnic Luɔu, ku Dhuëëŋ de Winythok, ku Dhuëëŋ de Tëm, ku Dhuëëŋ de Kɛ̈ɛ̈t. Ku raan ëbɛ̈n abï miɔ̈c aa bɛ̈ɛ̈i,

1 Tham 1:3

Në ruöön thok ëbɛ̈n Elekana aaye jäl paande në Rama le Cilo, lee Bɛ̈nydït de rɛm lam, ku le gäm miɔ̈c ë Cilo. Ku wɛ̈ɛ̈t ke Eli kaarou yï Ɣopni kekë Pineɣath, aake ye bäny ke kake Bɛ̈nydït ëtɛ̈ɛ̈n,