Bɛ̈n 22:22 - JAM DE NHIALIC 2011

²² Duökï diäär abaar ee kuöc luööi, ayï mïth abɛɛr.

Bɛ̈n 22:22 ပူးပေါင်းရင်းမြစ်များ

Jop 31:16

Na ë ya cï kɔc kuanynyïïn pɛ̈n ka kɔɔrkï, ku ta diäär abɛɛr jël në kecin ke ke cï nïïm mum,

Jop 34:28

Ayek kɔc kuanynyïïn tɔ yïn dhiëëu Nhialic, ku Yen ee cɔ̈tdɛn kɔɔr kek kuɔny piŋ.

Diɛt 10:14

Ku yïn ee yaaŋ tïŋ ku tïŋ nuan ku yïn ee kuɔɔny bɛ̈ɛ̈i. Kɔc yɔŋ keek ayek röt gäm yïn, ee yïn ee kɔc cïn käŋ kony.

Diɛt 34:7

tunynhial ë Bɛ̈nydït ee kɔc ee Nhialic riëëu gɛɛu cil, ku kony keek në kë dhal keek.

Kɛ̈ŋ 22:23

Bɛ̈nydït abï göönyden nööm ku tɔ kɔc wään cï kaken peec bɛ tɔ pec.

Kɛ̈ŋ 23:10

Päl aken thɛɛr tëde ku du aken de mïth abɛɛr ee lïïr nɔm, Awärjäŋ Raan ril, abï göönyden nööm.

Yith 1:17

ku wɛ̈ɛ̈tkï bäk yic aa looi. Abäk dhil tïŋ ke yic ye looi, ku kuɔnykï kɔc cï yɔŋ, ku yak mïth abɛɛr gäm yicden ku kuɔnykï diëër abɛɛr.”

Yith 1:23

Bänyku ayek A rɛɛc, ku mɛ̈ɛ̈thkï në cuɛ̈ɛ̈r, ku ayek miɔ̈c ku kumthok nööm kedhie. Acïkï mïth abɛɛr ee kony ë gööny yic, ku cïkï gööny de diëër abɛɛr cï yiɛ̈n keek ee piŋ.

Yith 10:2

Yeka cä wek löŋ de kɔc kuanynyïïn ee ŋiëc guiir, ku pɛ̈nkï ke yicden. Yeka tɔ we nöm kake mïth abɛɛr ku diëër abɛɛr.

Jeremia 7:6

Duökï alɛi ee cam, ku mïth abɛɛr, ku diëër abɛɛr. Ku duökï kɔc cïn gup awɛ̈ɛ̈c ee nɔ̈k ee pinyë. Duökï yiëth kɔ̈k ee lam, kënë abï week riɔ̈ɔ̈k.

Jeremia 7:7

Të la wek röt waar, wek bä tɔ rɛ̈ɛ̈r eenë, piny cä gäm wärkun bïk lɔ̈ɔ̈k lak athɛɛr.

Edhekiɛl 22:7

Wek kɔc tɔ̈u në pänydïtic we cïï wärkun ku märkun ee riëëu. Wek ee alɛi math ku yak kake diëër abɛɛr ku mïth abɛɛr nööm.

Dhek 7:10

Duökï diäär cïn nïïm röör ee yɔŋ, ayï abɛɛr, ku kamaan, ku kɔc kuanynyïïn. Ku cïn raan ee mänhë kiëër kiɛɛr rac në yepiɔ̈u.’

Malakai 3:5

Ku lueel ë Bɛ̈nydït de rɛm an, “Ku Yɛn bï lɔ bɛ̈n ë welɔ̈m, bä löŋdun week bɛ̈n guiir, Yɛn bï tït ke yiëth dap bɛ̈n gaany, ku kɔc ee diëër lei kɔɔr, ku kɔc ee kuëëŋ në lueth, ayï kɔc ee kɔc luui keek cam në ariöp de luɔiden, ku kɔc ee diëër cïn nïïm röör yɔŋ, ku yɔŋkï abɛɛr, ku pënkï kamaan yinyden, ku cïkï riɔ̈c në Yɛn.

Math 23:14

Amawoou në week wek kɔc ë löŋ gɔ̈ɔ̈r ku Parithai kɔc de yäc aguk! We ye ɣööt ke diëërthum cam, ku jakï käŋ aa moony në lɔ̈ŋduön aa wek lɔ̈ŋ, lɔ̈ŋ bäär, yen abä wek këtuc gök yök ëkööl ë guiëërëlöŋ.

Nyöŋ 10:18

Aye kɔɔr ë yic nɔn bïï mïth abɛɛr ku tiiŋ abaar aa luööi apiɛth, yen anhiaar alɛi rɛ̈ɛ̈r në kɔckuɔ, aye keek gäm kacaam, ku lupɔɔ.

Nyöŋ 15:9

Duökï pën dheen në biäk cïï ruöön de päl ë käŋ thiɔ̈k. Duökï täŋ rɛɛc cït ee kënë tɔ lɔ në wenïïm. Na lɔ lɔ jaai ke cïï gëm dheen, abï piɔ̈u dhiau kekë yïn në Bɛ̈nydït nɔm, ku yïn bï guöp dɛ gääk.

Nyöŋ 24:17

“Duökï yic de alɛi ku yic de mïth abɛɛr ee nööm, ku duökï lupɔ de tiiŋ abaar ee nööm mɛcë ë löny de kë cï dheen nɔm.

Nyöŋ 24:18

Takkï wenïïm wek ye lïïm në Rip go Bɛ̈nydït Nhialicdun we gäm nɔm lääu, yeka gäm Ɛn week ee löŋë.

Nyöŋ 27:19

‘Aciɛɛn de Nhialic abï tɔ̈u ë raan yeth, raan lɔ yic de kɔc lei, ku mïth abɛɛr, ku tiiŋ abaar cam.’ “Ku abïï kɔc kedhie jɔ bɛ̈ɛ̈r an, ‘Amiin!’

Jakop 1:27

Riëëu de Nhialic kï, riëëu lɔ yic wai, ku cïnic tënhiany ë Nhialic Wääda nɔm an: Nɛ̈m ee raan abɛɛr ku diëër cïn nïïm röör neem në këdɛn tuc dhal keek, ku luɔi ee raan rɔt ŋiëc muk ke cïn piɔ̈u tëcol ë bïïyë ka ke piny nɔm.