Bɛ̈n 21:20 - JAM DE NHIALIC 2011

²⁰ “Ku na dui raan lïmde në thieec abï thou, lïm moc ku nɔn ee yen lïm tik, ke raanë ë kum.

Bɛ̈n 21:20 ပူးပေါင်းရင်းမြစ်များ

Cäk 4:15

Go Bɛ̈nydït puɔ̈k nɔm en an, “Ei, acie yeka. Të le raan yï nɔ̈k, ke kɔc kadhorou abï ke nɔ̈k guurë ke yïn.” Ku tɛ̈ɛ̈u ë Bɛ̈nydït kït në Kain nyin, kïn bï kɔc aa lɛ̈k ke ke cï ye bï nɔ̈k.

Cäk 4:24

Na cï lueel an bï kɔc kadhorou nɔ̈k, guurë Kain të le raan e nɔ̈k, ke kɔc kathiërdhorou ku dhorou abï keek nɔ̈k, guurë yɛn të le raan a nɔ̈k.”

Cäk 9:6

Ku raan lɔ raan nɔ̈k, abï nɔ̈k aya në raan däŋ. Në luɔi cï Nhialic raan cak ke thöŋ rɔt.

Bɛ̈n 21:19

Raan ë yup en acïn guöp gääk. Na cï raan ë yup guöp duɛ̈ɛ̈r ŋuɛ̈ɛ̈n tëthiinakäŋ, ku cï piny gut ku thel rɔt biic, ke raan ë yup en abï wëu cuat piny në baŋ de nïn cïï raan cï gutë thöl piny ke cïï lui. Ku kony agut cï kööl bï yen guöp pial.

Bɛ̈n 21:21

Ku na kën lïm thou ee kööl ë dui ë yen thïnë, ku jɔ bɛ̈n thou të cït miäk ku nɔn thou en ke cï nïn aa rou, ke bɛ̈ny ë dui yen ë cïï kum. Määr bï kake määr yetök ë kuöm dït.

Kɛ̈ŋ 29:19

Acie liep yetök yen duëërë lïm dɔk, cakaa yen ee piŋ ka acïï bï yökic.

Kuɛ̈n 35:19

Raan cïï ke raande nɔ̈k, acï gäm nɔm lääu bïï raan ë näk raande nɔ̈k, të cï yen ë yök ke nɛ̈k.

Romai 13:4

ee raan ë ka ke Nhialic looi në këde piathdu. Ku na ye kërac looi, ke yï jɔ riɔ̈ɔ̈c, abätäu acie mɔ̈k ɣɔ̈ric, ee raan ë ka ke Nhialic looi, raan ë agönh ë Nhialic nyuöth kɔc ee kërac looi.

Nyöŋ 19:21

Në lööŋ cït ee kakë yiic, duökï kokdepiɔ̈u ee nyuɔɔth, kuöm abï ya, pïïr ee nɔm pïïr, ku nyin ee nɔm nyin, ku lëc ee nɔm lëc, ku ciin ee nɔm ciin, ku cök ee nɔm cök.