Bɛ̈n 21:14 - JAM DE NHIALIC 2011

¹⁴ Ku na tɛk raan bï raan nɔ̈k, ku nɛ̈k raan ke ŋic, ke näk, na cakaa yen ë cï kat le thiaan në yïïŋdï thar piny.

Bɛ̈n 21:14 ပူးပေါင်းရင်းမြစ်များ

2 Tham 3:27

Na wën aacï Abener ɣëët Ɣebron, ke jɔ Jowap këde thɛl të lɔ agäu thok, ku jɔ rɔt looi cï raan de jam kɔɔr bïï lɛ̈k Abener në kɛm ken kaarou, go Jowap Abener guɔ gutic në tɔŋ, ku jɔ Abener guɔ thou. Go Jowap Abener nɔ̈k guur mänhë, në baŋ yen Abener yen ë näk Athaɣel mänhë Jowap.

2 Mel 11:15

Jeɣoyada bɛ̈ny de kake Nhialic, aa cïï kɔɔr në luɔi bïï Athalia nɔ̈k në Luaŋdït yic, go bɛ̈ny nu në rem de tɔŋ nɔm yɔ̈ɔ̈k an, “Bɛ̈ɛ̈ikï bei në kɔciic, ku na de raan kɔɔr bï ye kony, ke näkkï.”

Diɛt 19:13

Gël ɛn në awäny de kuöc luɔi, du awɛ̈ɛ̈c tɔ ceŋ awundu. Yen abän aa raan cïn guöp gääk ku ciɛ̈n guöp awänydït.

Bɛ̈n 21:15

“Raan yup wun ku nɔn yen man ke näk.

Kɛ̈ŋ 28:17

Raan cï riɛk yök në këde raan cï nɔ̈k, abï dhil aa pɔ̈l ke kuany piny ke cïn raan kony en.

Kuɛ̈n 35:16

Ku na näk raan në kë moth thok, ee wëëth ku nɔn ee tim, ke yen aduëër guöp dɛk awäny cï yen raan luc, ke yen abï nɔ̈k.

Nyöŋ 1:43

Na wën ke we yɔ̈ɔ̈k, aguɔkï kan piŋ wek cï jam de Bɛ̈nydït rɛɛc gam, ku në ciën piɔ̈ndun, wek cï bɛ̈n lɔ tueŋ lakï piny ë kuur.

Nyöŋ 18:22

Na cï tiët jam në rin ke Bɛ̈nydït, ku kë cï lueel akën bɛ̈n ke ee yic, ka jamë acie jam de Bɛ̈nydït. Yen ee tiëtë aa jam në riɛlde, ku wek cïï bï riɔ̈ɔ̈c në yen.

Nyöŋ 27:24

‘Aciɛɛn de Nhialic abï tɔ̈u ë raan yeth, raan ee kɔc nɔ̈k ë cuëër.’ “Ku abïï kɔc kedhie jɔ bɛ̈ɛ̈r an, ‘Amiin!’

Ɣeberuu 10:26

Të looi wok kërac në reec reec wok En adɛɛi wok, ke wo cï ŋïny de yic kɔn yök, ka cïn kë cï bɛ döŋ, kë näk bïï ë karɛckuɔ nyaai.

2 Pet 2:10

ku kɔc bï këdɛn tuc dït yök kek aye kɔc ee ka ke yäc kɔɔr, në döm cï ke dɔm ë ŋɔ̈ɔ̈ŋ de luɔi col, ku yek bäny baar nyïïn. Ee kɔc dham gup, kɔc ril nïïm, ayek adhuëŋ lat gup ku cïkï ee riɔ̈ɔ̈c.