Bɛ̈n 21:1 - JAM DE NHIALIC 2011

¹ Na wën, ke lëk ë Bɛ̈nydït Mothe an, “Guïïrë kɔc ke Yithriɛl ee lööŋkë:

Bɛ̈n 21:1 ပူးပေါင်းရင်းမြစ်များ

1 Mel 6:12

“Në biäk de Luaŋ yiɛ̈k ë Yɛn, na ye cath në wëëtdï yiic, ku ye luɔidï looi, ku ye lööŋkï muk kedhie ku cathë në keyiic, ke jamdï abä tɔ ye yic tëde yïn, jam wään cä lɛ̈k Debid wuur.

2 Lëk 19:10

Na de mïthëkɔckuön cï göny bɛ̈ɛ̈i në pɛ̈ɛ̈nydït kɔ̈k yiic, göny de yic nääk, ku lööŋ ke piööc, ku nɔn ee ye kek lööŋ ke Bɛ̈nydït, ku lööŋ ke ciɛɛŋ, ayï lööŋ kɔ̈k, abäk keek dhil jääm apiɛth, bïk löŋ ŋiëc guiir apiɛth, agokï tɔ̈u ke ke cïn gup awɛ̈ɛ̈c tëde Bɛ̈nydït, ku na cäkï lɔ looi aya, ke Bɛ̈nydït abï piɔ̈u rac ke week në kɔckun. Ku na lak luɔidun lɔ looi, we bï gup ciɛ̈n awäc.

Neɣe 10:29

wok bï mat në bänykuɔ ku luelku gutguut an buk gup dɛk aciɛɛn të le wok e dhɔ̈ŋic. An buk tɔ̈u në löŋ de Nhialicic, löŋ ɣɔn cïï Bɛ̈nydït gäm wook në kueer ë lïmde Mothe an, buk lööŋkɛn cïï lueel ëbɛ̈n döt ku ka kɔɔr röt ëbɛ̈n.

Diɛt 147:19

Ee jamde lɛ̈k Jakop, ku lëk guiɛɛrde ku lööŋke Yithriɛl.

Bɛ̈n 19:7

Ago Mothe lɔ piny, le röördït ke Yithriɛl mät nïïm tëtök, ku guïïr ke këriëëc ëbɛ̈n, kë cïï Bɛ̈nydït lɛ̈k en.

Edhekiɛl 20:11

Acä ke yɔ̈ɔ̈k ku wɛ̈ɛ̈tke në lööŋkï, lööŋ ee raan ëbɛ̈n gäm pïïr, raan rïïu keek.

Edhekiɛl 20:25

“Guɔ ke gäm lööŋ cïï piɛth ku lɛ̈k keek ka cïï pïïr ee bɛ̈ɛ̈i.

Lebai 18:26

Ku wek bï wëëtdï dhil muk ku mɔ̈kkï lööŋkï. Raan de Yithriɛl ku raan bï rɛ̈ɛ̈r në weyiic, ë cïn kërɛɛc töŋ bï looi në ë kakë yiic.

Lebai 18:5

Dɔ̈tkï wëëtdï ku dɔ̈tkï lööŋkï yiic, në biäk ye raan ë keek döt pïïr në keek. Ee Yɛn Bɛ̈nydït.

Lebai 19:37

Yak Lööŋkï riëëu kedhie ayï wëëtdï, ee yɛn Bɛ̈nydït.”

Lebai 20:22

Go Bɛ̈nydït lueel an, “Dɔ̈tkï wëëtdï kedhie kekë lööŋkï ku kuanykï keek cök. Ago piny lɛɛr Ɛn week thïn, bäk lɔ cieŋ, ago week cïï gök bei.

Malakai 4:4

Takkï wenïïm në lööŋkï, lööŋ ɣɔn gäm awundiën Mothe në kuur ë Thinai, në biäk bïï kɔc ke Yithriɛl ke riëëu kedhie.

Kuɛ̈n 35:24

Ke akutnɔm abï lööŋkë dhil kuany cök të tïŋ kek gööny ë kaam de raan ë näk raan ku kɔc kɔɔr bïk raanden guöör,

Kuɛ̈n 36:13

Kakë ayek lööŋ cïï Bɛ̈nydït gäm kɔc ke Yithriɛl bï kek ke röt mac në kueer de Mothe, në riaaŋ de Mowapic, në wɛ̈ɛ̈r de Jordan lɔŋ tiëëm nɔm ke Jeriko.

Math 28:20

ku yak keek wɛ̈ɛ̈t, bïk käŋ aa döt kedhie ka cä thɔ̈n week, ku ya kï, yɛn ee cool ë tɔ̈u wo week ë aköölnyïïn kedhie, aɣët thök bï piny thök. Amiin.

Nyöŋ 15:12

“Na cï raanduön de Yithriɛl rɔt ɣöc yïn ke ee lïm moc ku nɔn ee tik, abä keek dhil lony të cï kek yïn luööi në run kadhetem (6) cök. Të cïï ruöön de dhorou bɛ̈n abä keek dhil gäm nɔm lääu.

Nyöŋ 4:14

Bɛ̈nydït acï ya yɔ̈ɔ̈k bä week wɛ̈ɛ̈t në lööŋ kedhie, löŋ bäk keek dhil riëëu në piny bäk lɔ rumë ku ɣapkï ë Jordan nɔm lɔɔk.

Nyöŋ 4:45

Kakë ayek wëët ku lööŋ ku cök ke piööc, ë gëmë Mothe keek mïth ke Yithriɛl, wään bï kek bɛ̈n bei ë Rip.

Nyöŋ 4:5

“Wek cä keek wɛ̈ɛ̈t ë lööŋ kedhie, cït man cïï Bɛ̈nydït Nhialicdï ya yɔ̈ɔ̈k an luɔi. Riëëukï keek në ee piny bäk lɔ rumë ku cieŋkï.

Nyöŋ 4:8

Acïn jur däŋ cakaa yen ë dït, jur de nɔm lööŋ cït lööŋ cän week wɛ̈ɛ̈t ee köölë.

Nyöŋ 5:1

Go Mothe kɔc ke Yithriɛl cɔɔl tëtök kedhie ku yöök keek, an, Wek kɔc ke Yithriɛl piɛŋkï lööŋ gäm ke week ee köölë, ŋiɛckï keek ëgɔk, ku dhiɛlkï keek riëëu.

Nyöŋ 5:31

Ku yïn Mothe, yïn bï rɛ̈ɛ̈r wekë yɛn eenë, ku yïn bä gäm lööŋkï kedhie kekë piööcdï. Wɛ̈ɛ̈t ë kɔc ë keek, agokï keek dhil aa riëëu në piny bä lɔ gäm keek.’

Nyöŋ 6:1

Go Mothe ŋoot ke jam an, “Kakë ayek lööŋ kedhie, lööŋ ë gëmë Bɛ̈nydït Nhialicdun yɛn, bä week bɛ̈n wɛ̈ɛ̈t. Riëëukï keek piny bä wek lɔ thïn ku ɣapkï.

Nyöŋ 6:20

“Në akööl bï bɛ̈n tueŋë, mïthkun abïk aa lop, an, ‘Eeŋö ee Bɛ̈nydït Nhialicda wook yɔ̈ɔ̈k, an buk lööŋkë riëëu kedhie?’

1 Theth 4:1

Cöök ciëën, wek mïthëkɔckuɔ, wek läŋku, ku lëkku week në Bɛ̈nydït Yecu an, Acït man cä wek jam yök tëde wook, jam de rëër bä wek dhil rëër, ke we bï Nhialic tɔ mit piɔ̈u, wek läŋku, ke rëërduön piɛth bï aa cool ë ŋuak e nyin.