Bɛ̈n 20:4 - JAM DE NHIALIC 2011

⁴ “Du rɔt lui yanh thöŋ guöp kekë kë nu nhial, ku nɔn ee yen kë nu ë tiɔp nɔm, ku nɔn ee yen kë nu në pïïuwiic në tiɔp thar piny.

Bɛ̈n 20:4 ပူးပေါင်းရင်းမြစ်များ

1 Mel 12:28

Na wën aacï ciët, ke cuëc miöör ke adhääp kaarou, ku lëk kɔcke, an, “Wek ë cieŋ aläl ke we ye lɔ Jeruthalem, ku ënɔɔnë kɔc ke Yithriɛl, yiëthkun kï, yiëth wään bïï we bei paan ë Rip!”

2 Mel 17:12

akënkï löŋ de Bɛ̈nydït riëëu, löŋ wään lueel an cïkï yiëth bï lam.

2 Lëk 33:7

Ku tɛ̈ɛ̈u kë cï cuëëc ë ɣön ë Nhialicic, të cïï Bɛ̈nydït Nhialic lɛ̈k Debid ku wënde Tholomon an: “Në Jeruthalem eenë, në ɣön ë Bɛ̈nydïïtë, yen ee të cä lɔc në wuöt ke dhiëën ke Yithriɛl yiic ëbɛ̈n kathiëër ku rou, ke ee të bï ë Yɛn aa lam thïn.

Diɛt 78:58

Acïk yen tɔ gɔ̈th, në biäk de ɣäänkɛn ye kek yiëth lam thïn, ku yiëthken acïk en tɔ diu piɔ̈u.

Diɛt 97:7

Kɔc ee yiëth lam abïk gup yäär, yiëth kedhie ayek kenïïm guöt piny në Bɛ̈nydït nɔm.

Bɛ̈n 20:23

Duökï röt lui yiëth bäk keek aa lam në Yɛn ëtök. Yiëth ke ateek, ku nɔn ee kek yiëth ke adhääp.

Bɛ̈n 32:1

Na wën aa tïŋ kɔc en nɔn cïï Mothe lɔ gääu nhial ë kuur nɔm, ke ke guëër në Aron lɔ̈ɔ̈m, ku lëkkï yen an, “Akucku kë cï Mothe raan ɣɔn wët wo bei Rip lɔ yök, ka yïn, luöiyë wo yanh wat wook.”

Bɛ̈n 32:23

Aa lëkkï yɛn an, ‘Akucku kë cï Mothe raan wään wët wo bei paan ë Rip lɔ dɔm. Ka yïn, cuɛ̈cë wo yanh bï wo wat!’

Bɛ̈n 32:4

Na wën, ke ke nööm Aron keek, ku lëëŋ ke, ku luuŋ adhäm cï lɛ̈ɛ̈ŋ në këde cuɛ̈cic, ku cuëëc en dan adhääp.” Na wën, ke lueel ë kɔc an, “Yithriɛl, Nhialicduön wään bïï we bei paan ë Rip kï!”

Bɛ̈n 32:8

Acïk kueer wään lɛ̈k keek puɔ̈l. Acïk röt lɔ̈ɔ̈k luöi dan adhääp, ku gëmkï miɔ̈c, ku lamkï. Ayek lueel an ee yen nhialicdɛn wään wët keek bei Rip ka.

Bɛ̈n 34:17

“Duökï röt lui yiëth ke wëëth, ku lamkï keek.

Yith 42:17

Raan ëbɛ̈n raan ee yath ŋɔ̈ɔ̈th, raan ee ka cï käär tɔ ee yath, abï ke kuɔɔr piny ku tɔ ke yäär gup.”

Yith 42:8

“Ee Yɛn Yatök, Yɛn aye Bɛ̈nydït Nhialicdun. Acïn yanh däŋ rɔm ɛn ke dhuëëŋ wo yen, Yɛn cïï lɛcdï duëër rɔm wo yiëth.

Yith 45:16

Kɔc ee yiëth looi abïk yäär kedhie, keek kedhie abïï ke yɔ̈ɔ̈r gup.

Edhekiɛl 20:7

Acä lɛ̈k keek bïk yiëth rackë cuat wei, yiëth nhiaarkï, ku cïkkï röt bï tɔ de acuɔl, në yiëth alueth ke Rip, në biäk yan Bɛ̈nydït Nhialicden.

Edhekiɛl 8:10

Guɔ lɔ thïn ku tiëŋ. Pɛ̈ɛ̈ny acïk kɔ̈ɔ̈th thiäŋ, në giɛɛt de karɛc ku lɔ kɔ̈k de acuɔl: ku jɔ aa yiëth kɔ̈k ye baai de Yithriɛl ke lam.

Edhekiɛl 8:3

Go kë cït cin riɛny tueŋ, ku dɔm ɛn në nhïm ke yanɔm. Ku në ee nyuuthë yic, wëi ke Nhialic acïk a bɛ̈n gap nhial në yomic ku leerkï yɛn Jeruthalem. Leer ɛn kueer ee tëëk në kal thok biäk thïn de Luaŋdït, të lɔ rut, të tɔ̈u ë yanh ee Nhialic tɔ göth.

Lebai 19:4

Duökï röt ee luöi ka ye lam, ka cï guaŋ në tiim ayï yiëth. Ee Yɛn Bɛ̈nydït Nhialicdun.

Lebai 26:1

Acïï Bɛ̈nydït lueel an, “Duökï röt lui yiëth, ku duökï wal loi ayï kuur yaath duökï keek lui röt. Ku duökï kuur cï guaŋ tɛ̈ɛ̈u pinydun ku yak keek lam. Ee yɛn Bɛ̈nydït Nhialicdun.

Kuɛ̈n 12:8

Të jiɛɛm wok, wok ee wothook tuööm, ku jamku në ka yökiic, acie kën muɔɔny, ka acï tɔ̈u de Bɛ̈nydït tïŋ. Ka eeŋö tɔ week jiëëm awundiën Mothe guöp ke wek cïï gup riɔ̈c?

Luɔi 17:29

Ku luɔi ee wok mïth ke Nhialic, ka cïï piɛth luɔi duëër wok e lueel an, Nhialic acït man ë adhääp, ku ateek, ku kuur, kë ye kɔc cuëëc ëtëët ku në cäp ee raan cak.

Romai 1:23

ku aake ye dhuëëŋ de Nhialic cïï duëër dhiap puk tɔkï cït kë cï cuëëc cït guöp raan bï dhiap, ayï diɛt, ayï läi de cök kaŋuan, ayï ka mol piny.

Nyöŋ 16:22

Ku duökï wai de kuur, wai de läm ë yiëth ee looi, amɛɛn Bɛ̈nydït keek.

Nyöŋ 27:15

‘Aciɛɛn de Nhialic abï tɔ̈u ë raan yeth, raan ee yiëth looi në kuur, ku tim, ku wëëth, ku ye keek lam në cuëër, Bɛ̈nydït aman läm de yiëth.’ “Ku abïï kɔc kedhie jɔ bɛ̈ɛ̈r an, ‘Amiin!’

Nyöŋ 5:8

“Duökï röt lui yiëth cït gup ka nhial, ayï ka nu piny, ayï ka nu wïïr, ayï ka nu ë piny thar.

Nyuuth 16:2

Go tunynhial tueŋ lɔ, le ku luuŋ gulde piny, go të rɛɛc tök aläldït tïc ë kɔc gup, kɔc de gup gäär ë lɛ̈n rac, ku yek këcïcuëëc cït guöp en lam.

Nyuuth 9:20

Ku kɔc cï döŋ, kɔc kënë jɔɔkkë nɔ̈k, aŋootkï ke ke kën kepiɔ̈ɔ̈th puk në luɔidɛn yek looi ë kecin, ke ke cïï jɔɔk rac bï aa lam, ayï ka cï cuëëc ë adhääp, ku ateek, ku maläŋ, ku kuur, ku tim, ka cie daai, ku cïkï ye piŋ, ku cïkï ye cath:

Bäny 17:3

Go wëu pɔ̈k nïïm man, ago man lueel an, “Në luɔi bän aciɛɛn pëën ke cïï lööny ë wëndï guöp, yɛn bï gutguut looi, ku gäm ee wëukë Bɛ̈nydït. Tim de yath abïï guaŋ ku kum kɔ̈u në ateek. Ku ënɔɔnë yɛn bï wëukë bɛ pɔ̈k nɔm yïn.”