Bɛ̈n 20:24 - JAM DE NHIALIC 2011

²⁴ Yiëkkï ya yïïŋ ë tiɔp. Ku yak thökkun gam në yenɔm, ayï ɣɔ̈k ke ke ye miɔ̈c ye nyop ëbɛ̈n, miɔ̈c de mät. We cä gäm ɣään juëc bä wek Ɛn aa lam thïn. Ku Yɛn bï ya bɛ̈n ëtɛ̈ɛ̈n bä we bɛ̈n thieei.

Bɛ̈n 20:24 ပူးပေါင်းရင်းမြစ်များ

Cäk 12:2

Yïn bä gäm mïth juëc. Ku abïk aa jur dït. Ku yïn bä thieei, ku rinku abä ke tɔ ŋic ë kɔc juëc. Ku yïn bä tɔ ya athiɛɛi.

2 Tham 6:12

Na wën ke lëk ë kɔc Debid an Bɛ̈nydït acï paan de Obed Edom thieei kekë kajuëc tɔ̈u në yen, në biäk tɔ̈u ë athänduŋ de Nhialic ëtɛ̈ɛ̈n, ago Debid athänduŋ de Nhialic lɔ diëc paan de Obed Edom ku leer pänydït de Debid në dhuëëŋdït arëët.

1 Mel 8:29

Liep Yïnyin ku ye Luaŋë woi wakɔ̈u ku aköl, yen të ɣɔn cï lueel an, bï rinku tɔ̈u ëtɛ̈ɛ̈n, luɔi duëër Yïn lɔ̈ŋ aa piŋ, lɔ̈ŋ bï raanduön ee Yï luööi aa lɔ̈ŋ ee tënë.

1 Mel 8:43

ke Yï jɔ lɔ̈ŋden piŋ. Paannhial të rëër Yïn thïn, ku luöiyë ke kë cïk thiëc tëde Yïn, ago kɔc ke pinynɔm ëbɛ̈n Yïn ŋic, ku rïïukï Yïn cït nɔn ye kɔckuön ke Yithriɛl ye looi, ku ëtɛ̈ɛ̈n abïk ŋic an Luaŋdïït cä looiyë, ee të bï Yïn aa lɔ̈ŋ thïn.

1 Mel 9:3

Acï Bɛ̈nydït lɛ̈k en an, “Yɛn cï lɔ̈ŋdu piŋ. Ku ka cï thiëc Ɛn. Yɛn cï Luaŋdïït cï yïkë tɔ ɣeric, ke rinkï ë ke bï aa dhuëëŋ thïn ëtɛ̈ɛ̈n aɣet athɛɛr. Abä aa tiit ku gɛ̈l ë caŋ awään.

2 Mel 5:17

Go Naaman lueel, an, “Na cï miɔ̈cdï rɛɛc, ke yï tɔ ya nöm tiɔɔm bïï mul kaarou ɣääc, yïn läŋ, në kë cïn en yanh däŋ bä aa gäm miɔ̈c nyop, ku miɔ̈c nɔ̈k, ee Bɛ̈nydït etök.

2 Lëk 12:13

Reɣobowam aa muk bääny ë Jeruthalem go riɛlde ŋuak nyin ke ye melik. Aa ye run thiërŋuan ku tök ɣɔn dɔm en bääny ke ye melik, ago bääny muk ë run kathiëër ku dhorou ë Jeruthalem, pänydïït cï Bɛ̈nydït lɔc ë dhiëën ke Yithriɛl yiic ëbɛ̈n, bïï ë yen aa lam thïn. Man Reɣobowam acɔl Naama, nyan wun ë Ammon.

2 Lëk 6:6

Ku ënɔɔnë Yɛn cï Jeruthalem lɔc ke ee të bïï ë Yɛn aa lam thïn, ku lac Debid, bïï kɔckï wat.”’

2 Lëk 7:16

në biäk cän ee tënë lɔc ku thiɛɛi ke ee të bïï ë yɛn aa lam thïn aɣet athɛɛr. Abä aa woi ku gël akööl yiic ëbɛ̈n.

Edhr 6:12

Ku Nhialic, Raan ee tɔ rinke tiëc ëtɛ̈ɛ̈n, abï Melik ëbɛ̈n aa nyaai, Melik ku nɔn yen kɔc kɔɔr bïk löŋë dhɔ̈ŋic ku riäkkï ɣön ë Nhialic nu në Jeruthalem. Ee yɛn Dariouth raan ë tɛ̈ɛ̈u ee löŋë piny ku abï dhil looi apiɛth.”

Neɣe 1:9

ku na dɔ̈kkï röt Ɛn, ku luɔikï lööŋ cä lɛ̈k week, të ciɛk ë we thiäi të lee piny thar guut, ke wek bä bɛ bɛ̈ɛ̈i të wään cä lɔc bä wek Ɛn aa lɔ̈ŋ thïn.’

Diɛt 101:2

Yɛn bï cath ë kueer cïn yic awäc. Ee nɛn yen bï Yïn bɛ̈n tëde yɛn? Yɛn bï rëër ë piɛth paandï

Diɛt 122:2

Ku ënɔɔnë wok nu eenë wok kääc në kal de Jeruthalem yic!

Diɛt 128:5

Yïn bïï Bɛ̈nydït thieei ë Dhiɔn! Abï yïn tɔ tïŋ dhuëëŋ ë Jeruthalem në akööl ke pïïrdu yic ëbɛ̈n!

Diɛt 134:3

Bɛ̈nydït abï yïn thieei në Dhiɔn, raan ë cak paannhial kekë piny!

Diɛt 74:7

Acïk tëduön ɣeric thuöör piny ku nyopkï në mac, acïk të ye ë Yïn lam thïn riɔ̈ɔ̈k.

Diɛt 76:2

Ade nɔm paande ë Jeruthalem, arɛ̈ɛ̈r në kuur ë Dhiɔn nɔm.

Diɛt 78:68

Go dhiën de Juda lɔc, ku kuur de Dhiɔn ee yen nhiɛɛr aläl.

Bɛ̈n 10:25

Go Mothe gam lɛ̈k en an, “Yïn bï wo päl ka buk lɔ nɔ̈k, ayï miɔ̈c ye nyop ëbɛ̈n. Ke wo bï Bɛ̈nydït Nhialicda lɔ näk.

Bɛ̈n 18:12

Na wën, ke Jethro bïï miɔ̈c bï bɛ̈n nyop ëbɛ̈n. Ku bïï miɔ̈c däŋ bï bɛ̈n gäm Nhialic! Go Aron lɔ ke yen ku lɔ röördït ke Yithriɛl, lek këcam cam në Nhialic nɔm.

Bɛ̈n 20:25

Ku të kaar wek bäk Ɛn yiëk yïïŋ ë kuur, ke duökï yïk në kur cï tueŋ ë wëëth. Të la wek en tueŋ në wënh ye kur tueŋ, ka cäk jɔ riɔ̈ɔ̈k ka acï bï bɛ röŋ nɔn bä wek Ɛn yiëk yïk në keek.

Bɛ̈n 24:4

Go Mothe ka cï Bɛ̈nydït lueel gäär piny kedhie. Na ɣɔn amiäk aduduur, ke ke yïk yïk në kuur thar, ku ciëp kur thäär piny kathiëër ku rou mɛ̈c kenïïm dhiëën ke Yithriɛl kathiëër ku rou.

Bɛ̈n 24:5

Ku tooc wɛ̈ɛ̈t dhuök ke Yithriɛl, agokï Bɛ̈nydït lɔ gäm miɔ̈c ye nyop ëbɛ̈n, ku gëmkï ɣɔ̈k ayadäŋ ke ye miɔ̈c de mät.

Bɛ̈n 27:1

Na wën, ke lëk ë Bɛ̈nydït Mothe an, “Yïk yïk në tim de aluii. Luöiyë aguuk kaŋuan. Tɔ bɛ̈ɛ̈r de yekɔ̈u ee mitïïr kaarou ku biäk. Ku tɔ dït ë yeyic ee mitïïr kaarou ku biäk ayadäŋ. Ku bɛ̈ɛ̈r de yekɔ̈u ke lɔ nhial tɔ ee mitïr ku biäk.

Yith 64:5

Wek ee kɔc loor nïïm kɔc ee miɛtëpiɔ̈u yök në luɔi de piathëpiɔ̈u, kɔc ee kathɛɛr tak në kueer kɔ̈ɔ̈rë keek bïk pïïr. Yïn aa göth we wook, ku lokku ke wo loi awɛ̈ɛ̈c, cakaa wään cï yïn göth aläl, wo cï bɛ̈n lɔ tueŋ në luɔi de awɛ̈ɛ̈c gɔl ee të thɛɛr ɣɔn.

Lebai 17:9

Ku raan cïï miɔ̈c ee bɛ̈ɛ̈i në paany de mät thok, bïï bɛ̈n näk Bɛ̈nydït yen ee raanë abïï dhil tɛ̈ɛ̈m bei në kɔckï yiic.

Malakai 1:11

Juöör ke piny nɔm ëbɛ̈n, gɔl të lɔ aköl amiäk lee të lɔ aköl athɛ̈i, adhuëŋkï rinkï. Yɛn ye nyuöp wal ŋïr, ku yïnë ya miɔ̈c lɔ wai në piny nɔm ëbɛ̈n. Në biäk ye rinkï dhuëëŋ në juöör ke piny nɔm kedhie, kë lueel ë Bɛ̈nydït de rɛm ka.

Math 18:20

Ku të nu kɔc kaarou ayï diäk kɔc cï guëër në rinkï, ya ka, ë keyiic cil ëtɛ̈ɛ̈n.”

Math 28:20

ku yak keek wɛ̈ɛ̈t, bïk käŋ aa döt kedhie ka cä thɔ̈n week, ku ya kï, yɛn ee cool ë tɔ̈u wo week ë aköölnyïïn kedhie, aɣët thök bï piny thök. Amiin.

Nyöŋ 12:11

Bɛ̈nydït abï të tök lɔc, të bï ë Yen aa lam thïn, ku abäk aa yiɛ̈n käŋ ëtɛ̈ɛ̈n, ka cä lɛ̈k week, miɔ̈cduön näk miɔ̈c ye nyop ëbɛ̈n, ku miɔ̈cduön kɔ̈k, ku töŋ de thiëër, ku miɔ̈c, ku miɔ̈cduön kɔ̈k cï ke thön Bɛ̈nydït.

Nyöŋ 12:21

Na cï të töŋ de läm mɛc aläl, të kaar wek bäk näk, wek duëër näk në ɣɔ̈kiic ku thökiic, ka cïï Bɛ̈nydït gäm week, ku wek duëër rïïŋ cuet ë wuötkuniic cït man cän e lɛ̈k week.

Nyöŋ 12:5

Në wuöt ceŋ ë dhiëënkun kedhie Bɛ̈nydït abï të tök lɔc, të bïï kɔc aa bɛ̈n në Ye lɔ̈ɔ̈m ku lamkï Yen.

Nyöŋ 14:23

Ku jakï lɔ të töŋ cïï Bɛ̈nydït Nhialicdun lɔc bï ë Yen aa lam thïn, në Yelɔ̈ɔ̈m ëtɛ̈ɛ̈n, jakï töŋ de thiëërdun cam, töŋ de thiëër de anyuɔl, ku mɔ̈u, ku miök de olip, ku kɛ̈i de weŋ kekë thök. Luɔikï ee kënë ke we bï riëëu de Bɛ̈nydït Nhialicdun ŋic ë aköölnyïïn ëbɛ̈n.

Nyöŋ 16:11

Yak piɔ̈ɔ̈th miɛt në Bɛ̈nydït lɔ̈ɔ̈m, yak piɔ̈ɔ̈th miɛt në mïthkun ëtök, ku kɔc ee we luööi, ku Lebai, ku kɔc lei, ku mïth abɛɛr, ku tiiŋ abaar rɛ̈ɛ̈r ë wuötkuniic, yak ee kënë looi të töŋ de läm, të bïï ë Bɛ̈nydït Nhialicdun lɔc, ago rinke tɔ rɛ̈ɛ̈r thïn.

Nyöŋ 26:2

raan ëbɛ̈n ë we yiic, abï biäk ë tëm tueŋ në rɛɛpke yiic ëbɛ̈n aa tääu në diöny yic, ku abäk dhil jɔt në week ëtök, lɛɛrkï të töŋ de läm.

Nyöŋ 7:13

Abï we nhiaar ku thieei week, aguɔkï juëc ku dɛkï mïth juëc, abï duumkun thieei aguɔkï nïïm dɛ rap, ku mɔ̈u, ku miök de olip, ku abï we thieei në miɔ̈c bï yen we miɔɔc në ɣɔ̈k juëc ku amɛ̈l. Abï week gäm athiɛɛiyë ëbɛ̈n në piny cï lɛ̈k kuarkun an bïï gäm week.

1 Tim 2:8

Yen a dɛ yɛn piɔ̈u luɔi bï röör aa lɔ̈ŋ ë baai nɔm ëbɛ̈n, ke ke ye kecin jat nhial cin ɣeriic, ke cïn agɔ̈th ku cïn teer ë wël.