Bɛ̈n 20:2 - JAM DE NHIALIC 2011

² “Ee Yɛn Bɛ̈nydït Nhialicdun, Nhialic ɣɔn bïï we bei Paan ë Rip, të ɣɔn lïïmë week thïn.

Bɛ̈n 20:2 ပူးပေါင်းရင်းမြစ်များ

1 Mel 18:39

Na wën aa tïŋ kɔc ee kënë, ke ke cuɛt röt piny, ku luelkï, an, “Bɛ̈nydït Yen aye Nhialic, Bɛ̈nydït Yetök Yen aye Nhialic!”

2 Mel 17:12

akënkï löŋ de Bɛ̈nydït riëëu, löŋ wään lueel an cïkï yiëth bï lam.

2 Mel 17:7

Kënë aa loi rɔt aya, në biäk cï kɔc ke Yithriɛl kërac luöi Bɛ̈nydït Nhialicden, Raan ɣɔn bïï ke bei piny de Rip, në melik de Rip ciin. Acïk yiëth kɔ̈k lam,

2 Lëk 28:5

Ku në biäk cïï Aɣadh awɛ̈ɛ̈c juëc looi, acï Bɛ̈nydït Nhialicde nyääŋ piny, ago tiaam në melik de Thiriya ku peec kɔc juëc ë Juda ku leer keek Damathko ke ke mac. Bɛ̈nydït acï Peka wën de Remalia melik de Yithriɛl tɔ tiam Aɣadh melik de Juda ku nɛ̈k agum ku bot kathiërrou 120,000 de rem de tɔŋ ë Juda ë kööl tök.

Diɛt 50:7

“Piëŋkï kɔckï ku Yɛn bï jam, Yɛn bï aa cäätɔ lueel këdun, Yɛn ee Nhialic, Nhialicdun.

Diɛt 81:10

Yɛn ee Bɛ̈nydït Nhialicdun, raan ë bïï we bei ë Rip. Liepkï wethook, ke we bä cääm.

Diɛt 81:11

“Ku kɔckï acïkï jamdï ee kɔn piŋ, kɔc ke Yithriɛl acïkï yɛn ee riëëu.

Diɛt 81:7

Wään nu Yïn ë nuanic, yïn cï ya cɔɔl, guɔ yï kony. Yɛn cï lɔ̈ŋdu bɛ̈ɛ̈r tëdiën cän thiaan thïn. Ku thɛm yïn në nyin de Meriba.

Bɛ̈n 13:14

Na lɔ mïthkun we luɔp wadäŋ, an kë yak looiyë ee nɔm ŋö? Ke tɛ̈tkï keek an, ‘Bɛ̈nydït abïï wo bei Rip ɣɔn në riɛl dïïtde, piny ɣɔn cieŋ ë wo thïn.

Bɛ̈n 13:3

Go Mothe lɛ̈k kɔc an, “Dɔ̈tkï kööl ë jäl wek Rip, piny wään cieŋ ë week thïn. Yekï, yen kööl wään bïï ë Bɛ̈nydït we bei piny ë Rip në riɛl dïïtde. Duökï kuïn cï pam mäth cam.

Bɛ̈n 15:13

Yïn ë nhiëërduön agɔk döt apiɛth, go kɔc cï luök kuaath, ku wat keek në riɛldu, abïk ɣet piny ɣeric.

Bɛ̈n 15:16

Aake tïŋ riɛldu Bɛ̈nydït, gokï riɔ̈ɔ̈c arëët, ku kɛ̈ɛ̈ckï ke ke thany kethäär atëëk ë kɔcku. Kɔc ɣɔn lunyë bei në lïïmic.

Bɛ̈n 15:26

Lëk keek an, “Na bäk röl de Bɛ̈nydït Nhialic gam ë yic, ku bäk yic aa looi, ku dɔ̈tkï lööŋkï, wek cä bï tuöc jɔɔk cït jɔɔk wään cä tuöc kɔc ke Rip. Ee Yɛn Bɛ̈nydït raan ee we tɔ dem.”

Bɛ̈n 20:1

Na wën, ke Nhialic jam lueel ë kakë kedhie an,

Bɛ̈n 29:46

Ku abïk Ɛn jɔ ŋic nɔn Yan Bɛ̈nydït Nhialicdɛn wään bïï ke bei paan ë Rip, ka abïk Ɛn tɔ rɛ̈ɛ̈r në keyiic. Ee Yɛn aye Bɛ̈nydït Nhialicden.

Bɛ̈n 6:6

Ka yïn lɛ̈kë kɔc ke Yithriɛl an, ‘Yɛn aye Bɛ̈nydït, wek bä luäk bei në kɔc ke Rip cin. Wek bä kony wëi. Yɛn bï ciin riildï yaak nhial, ku luöi kɔc ke Rip këtuc.

Yith 43:3

Në biäk ee Yɛn Bɛ̈nydït Nhialicdu, Nhialic Ɣeric de Yithriɛl ɣɔn kony yïn. Yɛn bï Rip pɔ̈l ke bï yï tɔ lääu nɔm, Yɛn bï Ethiopia pɔ̈l kekë Theba.

Jeremia 16:14

Aye Bɛ̈nydït lueel an, “Akööl abïkï, akööl cïï kɔc bï bɛ aa kuëëŋ në Yɛn, ke ya ye Nhialic pïïr, Raan ë bïï kɔc ke Yithriɛl bei piny de Rip.

Jeremia 2:6

Akënkï diɛɛr në Yɛn, cakaa nɔn cän ke luäk bei në Rip, ku caath keek në jɔ̈ɔ̈ric, piny ril cïnic pïïu, të cïn raan rɛ̈ɛ̈r thïn, ku cïn raan ee cath thïn.

Jeremia 31:1

Aye Bɛ̈nydït lueel an, “Në ee köölë, Yɛn bï aa Nhialic de ɣööt ke Yithriɛl kedhie, ku abïk aa kɔckï.”

Jeremia 31:33

Ku Löŋ cï piac mac bä looi wo baai de Yithriɛl yekï: Yɛn bï löŋdï tääu ë keyiic ku gäär ë kepiɔ̈ɔ̈th. Yɛn bï aa Nhialicden, ku abïk aa kɔckï.

Jeremia 34:13

Nhialic de Yithriɛl, ya yɔ̈ɔ̈k bä lɔ lɛ̈k kɔc an: “Yɛn cï löŋ mac wo kuarkun wään bän ke luäk bei ë Rip, ku ta ke lääu nïïm ë lïïmic. Acä lɛ̈k keek an,

Edhekiɛl 20:19

Yɛn ee Bɛ̈nydït Nhialicdun. Riëëukï lööŋkï ku ka cä lɛ̈k week.

Edhekiɛl 20:5

lɛ̈kë keek kë ya lueel. Wään lac ɛn Yithriɛl, acä ke gäm gutguut. Yɛn cï rɔt nyuöth keek ë Rip ku lɛ̈k keek: an yɛn ee Bɛ̈nydït Nhialicdun.

Edhekiɛl 20:7

Acä lɛ̈k keek bïk yiëth rackë cuat wei, yiëth nhiaarkï, ku cïkkï röt bï tɔ de acuɔl, në yiëth alueth ke Rip, në biäk yan Bɛ̈nydït Nhialicden.

Ɣodh 12:10

“Yɛn ë cï jam wokë tït ke Nhialic, ku gäm keek nyuuth juëc. Ku jääm kɔc ke Yithriɛl në kɛ̈ŋ, në liëp ke tït ke Nhialic.

Ɣodh 13:4

Aye Bɛ̈nydït lueel an, “Yɛn aye Bɛ̈nydït Nhialicdun, raan ɣɔn bïï week bei paan ë Rip. Duökï bï dɛk Nhialic däŋ kaarkï pei, të cïn Ɛn. Ku cïn kony de wëi däŋ kɔ̈ɔ̈rkï röt, të cïn Ɛn.

Lebai 11:45

Ee yɛn Bɛ̈nydït Raan ë bïï week bei paan ë Rip, ke ya bï aa Nhialicdun. Wek bï yiic dhil ɣɛɛr në luɔi ɣɛɛr Ɛn yic.

Lebai 19:36

Yak athëm piɛth looi, ee Yɛn Bɛ̈nydït Nhialicdun.

Lebai 23:43

Ago kuatdun ŋic nɔn cän Yithriɛl tɔ rɛ̈ɛ̈r në kɛ̈ɛ̈t yiic, wään bɛ̈ɛ̈i Yɛn keek bei paan ë Rip. Ee Yɛn Bɛ̈nydït Nhialicdun.

Lebai 25:38

Na cï raan wundun tök nyin kuany në weyiic, ku ɣɔ̈c rɔt week, duökï tɔ lui cït man ë lïm.

Lebai 25:42

Duökï keek ceŋ arac. Yak riɔ̈ɔ̈c në Nhialicdun.

Lebai 25:55

Raan de Yithriɛl acïï duëër aa lïm athɛɛr, në biäk ye kɔc ke Yithriɛl lïïm ke Bɛ̈nydït. Acï ke bɛ̈ɛ̈i bei ë Rip, ee Yɛn Bɛ̈nydït Nhialicden.

Lebai 26:1

Acïï Bɛ̈nydït lueel an, “Duökï röt lui yiëth, ku duökï wal loi ayï kuur yaath duökï keek lui röt. Ku duökï kuur cï guaŋ tɛ̈ɛ̈u pinydun ku yak keek lam. Ee yɛn Bɛ̈nydït Nhialicdun.

Lebai 26:13

Ee Yɛn Bɛ̈nydït Nhialicdun, raan ë bïï we bei ë Rip, aguɔkï cïï be aa lïïm ke kɔc ke Rip. Yɛn cï joth rɛk wek dhoŋ kɔ̈ɔ̈th, ku ta week cath ke we tɔ̈u nïïm nhial në nɔm lääu.”

Amoth 2:10

Ee yɛn ë bïï week bei paan ë Rip, ku caath week në jɔ̈ɔ̈ric në run kathiërŋuan 40. Ku gäm week piny de kɔc ke Amor, ke ye këdun.

Romai 10:12

Acïn të cï kɔc keyiic tek, Judai ayï Girikii, ee Bɛ̈nydïït töŋë Bɛ̈ny nu ë kɔc nïïm kedhie, yen ee piɔ̈u adhuɛ̈ŋ ke kɔc cɔl en kedhie.

Romai 3:29

Ku ye Nhialic de Judai kapäc? Cie Nhialic de Juöör ayadäŋ? Ɣɛɛ, ee këde Juöör ayadäŋ,

Nyöŋ 13:10

Biääkkï keek abïk thou! Acïk them bïk week thɛl wei në Bɛ̈nydït Nhialicdun lɔ̈ɔ̈m, raan ë kony week ë Rip, të wään ya wek lïïm thïn.

Nyöŋ 15:15

Takkï wenïïm, we cï kɔn aa lïïm në Rip, go Bɛ̈nydït Nhialicdun we gäm nɔm lääu, yen kë gäm ɛn week ee löŋë ka.

Nyöŋ 20:1

Go Mothe lueel an, “Të la wek biic, lak thɔ̈ɔ̈r në kɔc ke aterdun, ku lak abëël ke tɔŋ tïŋ, jöŋgöör ku remdïït de tɔŋ wär week në juëc, duökï riɔ̈c në keek, Bɛ̈nydït Nhialicdun Raan wään luäk week në Rip, abï tɔ̈u ke week.

Nyöŋ 5:15

Takï wenïïm wään, wek aaye lïïm ë Rip. Aguɔ week luäk bei në riɛldiëndït, Yɛn Bɛ̈nydït Nhialicdun. Yen aa jan week yɔ̈ɔ̈k an riëëukï kööl de Thabath.

Nyöŋ 5:6

‘Yɛn ee Bɛ̈nydït Nhialicdun, Nhialic ɣɔn bïï week bei paan ë Rip, të wään ya wek lïïm thïn.

Nyöŋ 7:8

Bɛ̈nydït anhiaar week, ku akɔɔr bï gutguut cï yen kuëëŋ ke kuarkun aa döt. Yeka, cï yen week kony, në riɛldɛndït ku wëër week bei në lïïmic, lïïm de melik ë Rip.

Bäny 2:1

Go tunynhial ë Bɛ̈nydït jäl në Gilgal le Bokim ku yöök kɔc ke Yithriɛl an, “Wek cä bɛ̈ɛ̈i bei në Rip ku lɛɛr wek paan ɣɔn cä gäm kuarkun. Guɔ lueel an, “Yɛn cïï löŋdiën cä mac bï dhoŋ kɔ̈u wo week.

Bäny 6:10

Acä lɛ̈k week an, “Yɛn ee Bɛ̈nydït Nhialicdun, duökï yiëth kɔ̈k ke kɔc ke Amor ee lɔ̈ŋ, kɔc de pinydɛn rɛ̈ɛ̈r wek. Ku wek kën apiŋ thok.”