Bɛ̈n 20:17 - JAM DE NHIALIC 2011

¹⁷ “Du kalei ee woi në yïpiɔ̈u, kake raan rɛ̈ɛ̈r wek. Du piɔ̈u de tiiŋde, ayï lïïmke, lïïm röör ayï lïïm diäär, ayï ɣɔ̈kke, ayï mulke, ayï këriëëcdɛn tɔ̈u ke yen ëbɛ̈n.”

Bɛ̈n 20:17 ပူးပေါင်းရင်းမြစ်များ

Cäk 14:23

nɔn cän alanh ë kɔ̈c bï nööm, na cakaa aliprɔ, ku nɔn yen dɛ̈l thiin rukë waar thok, acä bï nööm. Në luɔi cïn e bï lueel an, ‘Ee yɛn ë tɔ Abram kueth.’

Cäk 3:6

Ago tik tim tïŋ ke läk, tim röŋ ë mïthke në cäm, ku ye tim bï kɔc tɔ ŋic käŋ. Ago meth tet ku ciɛm, ku gëm biäk monyde. Go monyde cam ayadäŋ.

Cäk 34:23

Ku ɣɔ̈kken, ayï këriëëcden ëbɛ̈n, cïkï bï ya kakuɔ wadäŋ? Töŋ buk looi ee luɔi bï wok gam, ku tɔku keek rɛ̈ɛ̈r në wook.”

Jop 31:1

Yɛn cï gutguut lueel cïn nyan dhueny bä woi në yapiɔ̈u,

Jop 31:9

Të ë piɔ̈ndï cï lɔ në tiiŋ lei guöp, abä tiit ke ya cï thiaan në ɣönde kut,

Diɛt 10:3

Kɔc rac ayek röt lɛɛc në kërɛɛc de kek piɔ̈ɔ̈th, röördït piɔ̈ɔ̈th ayek lam aciɛɛn ku reeckï Bɛ̈nydït.

Diɛt 119:36

Gämë yɛn kueer bän lööŋku riëëu awär kuɛthdï në kajuëc.

Kɛ̈ŋ 4:23

Kiɛmë yïnɔm piny në kueer yïn tɛk thïn, pïïrdu abï täŋdu ye kiɛm piny.

Kɛ̈ŋ 6:29

Yen täude ka kekë raan ee tiiŋ lei kɔɔr. Acïn raan duëër tiiŋ ë mony däŋ nööm ku rëër ke cïn këtuuc yök en.

Wɛ̈ɛ̈t 4:8

Ade raan rɛ̈ɛ̈r yetök, acïn nɔm meth, ku acïn nɔm mänhë, ku ee tɔ̈u aköölnyïïn, ke cïï piɔ̈u kueth në kajuëc tɔ̈u në yen, eeŋa jɔ luööi aläldïïtë aya ke cïï rɔt tɔ lɔ̈ŋ? Kënë ee ɣɔ̈ric ayadäŋ, ku ee pïïr de yic nuɛɛn.

Yith 33:15

Wek duëër pïïr të ya wek yic lueel ku luɔikï. Duökï riɛldun tɔ ye kë math wek kɔc kuanynyïïn ku duökï kumthok ee nööm. Duökï ee mat në kɔc loi kiɛɛr de nääk de raan, ku nɔn loikï karɛc kɔ̈k.

Yith 57:17

Yɛn aa göth wo keek në biäk de awɛ̈ɛ̈cken ku dït ë piɔ̈ɔ̈thken, ku ëtɛ̈ɛ̈n guɔ ke luöi këtuc ku päl keek. Ku ŋootkï ke ke ril nïïm, ku ŋootkï ke ke cath në kueerdɛn thɛɛric.

Jeremia 22:17

Ku yïn ee këde piɔ̈ndu yen ye kɔɔr, yïn ee kɔc cïn gup awɛ̈ɛ̈c nɔ̈k, ku ye kɔcku kuur ë yaaŋ. Acïï Bɛ̈nydït lueel.

Jeremia 5:8

Aake cït weŋ cï ŋiëc nyuääth, ku de piɔ̈u dhööm, ŋɛk aaye piɔ̈u dɛ tiiŋ de raan rëër kek.

Edhekiɛl 33:31

Ka kɔckï ayek kenïïm kut ke ke kɔɔr bïk kë bä lueel piŋ, ku acïkï kë cï lɛ̈k keek bïk looi ee looi. Wël ke nhiëër në kethook, ku ayek ŋoot ke ke cath në kuɛɛrkɛn ke dït de piɔ̈u yiic.

Maika 2:2

Na cïk piɔ̈ɔ̈th dɛ duum, ke rumkï keek, na kɔɔrkï ɣööt, ke nömkï keek. Acïn baai ayï raan bïï ë kake poth.

Ɣabakuk 2:9

Amawoou në week, wek ë bɛ̈ikun thiɔ̈ɔ̈ŋ në ka ya keek yak tëde kɔc në riɛl. Wek cï kuɛth ku yiɛ̈kï bɛ̈i ril bïk we gël në buɔ̈t!

Math 20:15

Kënë päl ɛn nɔn bän kë nu ë yapiɔ̈u looi në kakï? Ku cï tiɛɛl yï dɔm, në baŋ de piath ë yɛn piɔ̈u?”’

Math 5:28

Ku wek yɔ̈ɔ̈k an, “Raan ëbɛ̈n raan lɔ tik woi, ago ye dɔ̈m ŋɔ̈ɔ̈ŋ, ka ye guɔ lɔ kekë yen ë yepiɔ̈u.

Luk 12:15

Go keek yɔ̈ɔ̈k an, “Yak röt tïŋ, ku tiɛtkï röt në kɔ̈ɔ̈r ë kajuëc, juëc de ka nu ë raan cin acïï en ke ee pïïr.”

Luk 16:14

Go Parithai, kɔc nhiaar wëu, gokï kakë piŋ kedhie, ku jɔkï geet guöp.

Luɔi 20:33

Acïn ateek ke raan däŋ cä woi ë yapiɔ̈u, ayï adhääp ayï lupɔde aya.

Luɔi 5:4

Wään ŋoot en ke kënë ɣaac, ë cie këdu? Ayï wään cï e ɣaac aya, ë cïï tɔ̈u ë yïcin yïtök? Eeŋö täkë kënë ë yïpiɔ̈u? Acie kɔc kek ë tɔ̈ɔ̈rë lueth, ee Nhialic!”

Romai 13:9

Ku lööŋ an, “Du lɔ wekë tiiŋ de raan däŋ, Du raan näk abï thou. Du kuël, Du raan ciëk thok, Du kalei woi ë yïpiɔ̈u,” ku na de cöök däŋ, aye ke mat nïïm kedhie në löŋ töŋë an, “Yïn bï raan rɛ̈ɛ̈r kekë yïn nhiaar cït man nhiɛɛr yïn rɔt.”

Romai 7:7

Eeŋö buk jɔ lueel? Ee kërac en löŋ? Ei! Acie yen. Ku adï cä kërac jɔ kuc, tëë löŋ liu, ku adï cä ŋɔ̈ɔ̈ŋ de kërac kuc, tëë kënë löŋ lueel an, “Du kalei ee woi ë yïpiɔ̈u.”

1 Kor 6:10

ayï cuɛ̈ɛ̈r, ayï kɔc ee wëu nhiaar, ayï kɔc ye mɔ̈u wit, ayï kɔc ë kɔc läät, ayï kɔc ë kɔc rum, keek kedhie, acïkï ciɛɛŋ de Nhialic bï lɔ̈ɔ̈k lak.

Epethiei 5:3

Ku bal, ayï luɔi col ëbɛ̈n, ayï wui de kalei, duökï ke tɔ luel rin ë weyiic, acï piɛth tëde kɔc ɣerpiɔ̈ɔ̈th.

Epethiei 5:5

Kënë aŋiɛckï ëgɔk an, acïn raan ee diäär kɔɔr, ku cïn tiiŋ ee röör kɔɔr, ku cïn raan ee luɔi col looi, ku cïn raan ee kalei woi, yen aye raan ee yath lam, acïn raan ë keyiic, raan bï dɛ kë bï lɔ̈ɔ̈k lak ë Ciɛɛŋ de Kërtho yic kekë Nhialic.

Nyöŋ 5:21

‘Du tiiŋ de raan däŋ woi në yïpiɔ̈u, ku du ɣönde woi në yïpiɔ̈u, ayï pinyde, ayï lïïmke, ayï ɣɔ̈kke, ayï mulke, ayï këriëëcdɛn tɔ̈u kekë yen ëbɛ̈n du woi në yïpiɔ̈u.’

Nyöŋ 7:25

Nyuɔpkï yiëthken. Duökï piɔ̈ɔ̈th bï dɛ ateek ayï adhɛ̈p nu ë kekɔ̈ɔ̈th, ku duökï ke döm röt. Na lak looi wäkya abïk rac aläl, në baŋ mɛɛn ë Bɛ̈nydït Nhialic läm de yiëth.

Pilipoi 3:19

këdɛn bïk yök rial ee riääk ëliŋliŋ, yäc en aye yanhden, ku dhuëëŋden ee yäär ee kek yäär, ayek kepiɔ̈ɔ̈th tuöm ka ke piny nɔm.

Kolothai 3:5

Yak ka ke wegup tɔ thou, ka nu ë piny nɔm, kɔ̈ɔ̈rëdiäär, luɔi col, tum ee raan e piɔ̈u tuöm ka ke piny, ŋɔ̈ɔ̈ŋ de kërac, ku wui de kalei, yen aye läm de yiëth.

Ɣeberuu 13:5

Duökï piɔ̈ɔ̈th ee dït në nhiëër ë kajuëc kaarkï, yak piɔ̈ɔ̈th miɛt në ka tɔ̈u në week. Në luɔi cïï Nhialic e lueel an, “Yïn cä bï nyääŋ piny aya ku yïn cä bï kɔn pɔ̈l anandï.”

Jocua 7:21

Yɛn aa cï lupɔ läk tïŋ në ka wään pecku keek yiic. Lupɔ de kɔc ke Babilon, ku tiɛ̈ŋ ateek duëër thëmde aa kilɔɔ kaarou, ku tiɛ̈ŋ adhäm duëër thëmde aa biäk töŋ de kilɔ. Aguɔ piɔ̈u dɛ keek aläl, guɔ ke nööm. Acä keek wɛc piny në paanydï yic thïn, ka ateek anu në baŋ piny. Abäk keek lɔ yök ëtɛ̈ɛ̈n.”

1 Tham 12:3

Ya kï. Na de kë cä wööc, ke we gɔɔny yɛn ë Bɛ̈nydït nɔm ku lɔ melik cï piac lɔc. De weŋ de raan cä nööm ku nɔn ee yen mul? De raan cän këde rum ku nɔn de raan cä yɔŋ? De raan cän kum thok nööm tëde yen? Ku na de ka cä looi në ee kakë yiic, ka abä keek cool tëde yen ka cä nööm.”

1 Tham 15:19

Eeŋö kën yïn Bɛ̈nydït riëëu? Eeŋö go yïn rɔt baan ë pɛ̈cic, ku loi karɛc në Bɛ̈nydït nɔm?”