Bɛ̈n 2:23 - JAM DE NHIALIC 2011

²³ Ku në ee runkë yiic, melik ë Rip ë bɛ̈n thou, ku ŋoot kɔc ke Yithriɛl ke ke dhiau piɔ̈ɔ̈th në ciɛɛŋ cieŋ ë keek, ku yek kuɔɔny dhiëëu. Go Nhialic dhiënden piŋ.

Bɛ̈n 2:23 ပူးပေါင်းရင်းမြစ်များ

Cäk 16:11

Ago tunynhial ë Bɛ̈nydït ë bɛ lɛ̈k en an, “Ënɔɔnë, yïn bï mɛwä dhiëëth, ku abä cäk an Yicmiɛl (ku ee rinkë në thoŋda aluelkï an acï Nhialic piŋ), në luɔi cï Bɛ̈nydït kiɛɛu de këtuc piŋ, këtuc cï yï dhal.

Cäk 4:10

Ago Bɛ̈nydït lɛ̈k en an, “Eeŋö jɔ luöi ë kërɛɛc dïït cït ë kënë? Acä tïŋ luɔi cïn wänmuuth nɔ̈k. Yɛn ë riɛmde tïŋ piny cït man ë kë kɔɔr guur.

Neɣe 9:9

“Acï tïŋ guöm cïï kuarkuɔ gum ɣɔn piny de Rip, Yïn cï cɔ̈tdɛn kɔɔr kek kuɔɔny piŋ në Wɛ̈ɛ̈r Thith nɔm.

Jop 35:9

Na cï kɔc miɛn ayek teer, ke ke dhiëëu raan bï ke luök

Diɛt 102:1

Bɛ̈nydït, piŋ lɔ̈ŋdï, ku piŋ dhiëndiën kaar ɛn kuɔɔny tëde Yïn!

Diɛt 102:2

Të täu ɛn ë nuanic, du Yïnɔm ee wɛl wei ë yɛn! Piŋ kë lɛ̈k Yïn, ku dap yɛn piŋ thok të caal ɛn Yïn!

Diɛt 12:5

Go Bɛ̈nydït lueel an, “Yɛn bï jɔ bɛ̈n ënɔɔnë në luɔi cïï kɔc kuanynyïïn yɔŋ ku kɔc yɔŋ keek ayek teer në arɛɛm. Abä ke gam lɔ̈ŋ kɔɔrkï ë caŋ ɣɔn.”

Diɛt 18:6

Aguɔ Bɛ̈nydït cɔɔl në jiɛthëpiɔ̈u, ku caal Nhialicdï bï ya kony. Ago ya piŋ röl luaŋde, ku piŋ dhiëndiën kaar ɛn kuɔɔny.

Bɛ̈n 1:14

Ku tɔkï pïïrden rac në luɔɔi tuc thok. Ku yek keek tɔ yïk ɣööt, ku tɔkï ke lui në duumiic. Aake yek tɔ loi luɔɔi tuc thok ke ke cïï piɔ̈ɔ̈th kok në keek.

Bɛ̈n 4:19

Ku të ɣɔn ŋoot ë Mothe Midian, aa cïï Bɛ̈nydït lɛ̈k en an, “Dakë yïnɔm Rip, kɔc wään kɔɔr nɔn nɛ̈k kek yïn acïk thou kedhie.”

Bɛ̈n 6:5

Yɛn ë dok de kɔc ke Yithriɛl piŋ, kɔc cïï kɔc ke Rip lïïm, aguɔ mändï tak wo keek.

Bɛ̈n 6:9

Go Mothe jamë lɔ guiëër kɔc ke Yithriɛl, gokï jamde cuök piŋ. Në baŋ ë cï kek piɔ̈ɔ̈th riääk në yöŋ yɔŋë keek.

Bɛ̈n 7:7

Ku run ke Mothe aake ye thiërbɛ̈t, të ɣɔn jiɛɛm kek në melik. Ku run ke Aron aake ye thiërbɛ̈t ku diäk.

Yith 19:20

Abïk aa kïn nyooth rëër ë Bɛ̈nydït de rɛm në Rip. Na le kɔc tɔ̈u ëtɛ̈ɛ̈n yɔŋ ku lek kuɔɔny cɔɔl tëde Bɛ̈nydït, abïï ke tuöc raan bï keek luök.

Yith 5:7

Baai de Yithriɛl ee dom de tiim de Bɛ̈nydït de rɛm, kɔc ke Juda ee kek ee tiim cï piith ee Ye miëët piɔ̈u. Aake ŋɛ̈ɛ̈th nɔn duëër kek yic aa looi, ke ke päl yic ku yek kɔc nɔ̈k. Aa ŋɛ̈ɛ̈th bï piathëpiɔ̈u yök tëde keek, ku kɔc yɔŋkï keek adhiëëukï yic.

Kuɛ̈n 20:16

Na ɣɔn acuk luääk lip tëde Bɛ̈nydït, ke piŋ wothook, ku tuc wook tunynhial bï wo bɛ̈n bɛ̈ɛ̈i bei Rip. Ku ënɔɔnë, wokï rɛ̈ɛ̈r Kadecë, wun tɔ̈u në aken ë pinydun nɔm.

Luɔi 7:30

Na wën, aacï run kathiërŋuan thök, ke tunynhial ë Bɛ̈nydït tul tëde yen ë jɔ̈ɔ̈ric jɔ̈ɔ̈r thiääk ke kuur de Thinai, tul ke ye many dɛ̈p ë tim cekic.

Nyöŋ 24:15

Yak keek gäm ariöpdɛn de luɔi ee köölë, ë kööl thok ëbɛ̈n, të ŋoot aköl ke kën lɔ piny, ku acïk keek ŋic nɔn bï kek keek dɔm, akɔɔrkï wëu. Na cïkkï keek tɔ dɔm wëuken, abïk dhiɛɛu ë wegup ë Bɛ̈nydït nɔm, ku we bï nïïm dɛ kërɛɛc bïï ë we gɔ̈k.

Jakop 5:4

Wɔikï, ariöp de kɔc ee luui kɔc ee duumkun tem, ariöp cäk pɛ̈n keek ë cuëër, amoc kiɛɛu, ago kiɛɛu de kɔc tëm jɔ ɣet ë Bɛ̈nydït yïc, Bɛ̈nydït Awärjäŋ.

Bäny 4:3

Ku yen ade nɔm bot kadhoŋuan ke abëël ke tɔŋ ke wëëth, ku yen aa yɔŋ kɔc ke Yithriɛl në yaaŋ rac ë run kathiërrou. Go kɔc ke Yithriɛl dhiau në Bɛ̈nydït nɔm bïï keek luök.

1 Tham 12:8

Ɣɔn cï Jakop kekë dhiënde lɔ Rip, ago kɔc ke Rip ke yɔŋ, kuarkun acïk bɛ̈n dhiau ku lëkkï Bɛ̈nydït bï keek kony, ago Mothe kekë Aron tuöc keek, ago keek tɔ jël ë Rip, ku jɔ keek tɔ rɛ̈ɛ̈r piny tɔ̈u kek ënɔɔnë.

1 Tham 9:16

lueel an, “Në kaam cït ee kaamë miäk. Yïn bä tuöc raan bɔ̈ dhiën de Benjamin, tɔc nɔm ke ye melik de kɔckiën ke Yithriɛl, abï kɔckï luök në kɔc ke Pilithiin cin, Yɛn cï nuan de kɔckï tïŋ, ku Yɛn cï dhiëndɛn kɔɔr kek kuɔɔny piŋ.”