Bɛ̈n 19:9 - JAM DE NHIALIC 2011

⁹ Go Bɛ̈nydït lɛ̈k Mothe an, “Yɛn bï bɛ̈n të nu wekë në gök dïït ë luätic, ke kɔc ke Yithriɛl ë ke bï Ya piŋ röl të jaam ɛn wo yïn, ke ke bï jɔ gam aɣet athɛɛr.” Go Mothe Bɛ̈nydït guiëër kë cïï kɔc puk nɔm.

Bɛ̈n 19:9 ပူးပေါင်းရင်းမြစ်များ

1 Mel 8:12

Go Tholomon lɔ̈ŋ, an, “Bɛ̈nydït Yïn cï akɔ̈l tääu paannhial, ku acï dhel nɔn bïï Yïn rëër ë mɔ̈ɔ̈th aduric.

2 Lëk 20:20

Na ɣɔn amiäk adurduur në kööldäŋë, go kɔc lɔ biic në jɔ̈ɔ̈r thiääk kekë Tekowa. Na wën aa jɔkï lɔ biic, go melik Jeɣocapat keek jääm në ee wëlkë an, “Kɔc ke Juda ku Jeruthalem! Tääukï aŋäthdun në Bɛ̈nydït Nhialinydun guöp, yen abä wek kɔ̈ɔ̈c aril. Gamkï kë cïï tïtke lɛ̈k week, ku wek bï tiam.”

2 Lëk 6:1

Go melik Tholomon lɔ̈ŋ an, “Bɛ̈nydït acï lɔc nɔn bïï yen tɔ̈u ë luäät yiic ku mɔ̈ɔ̈th yic.

Diɛt 97:2

Acïï luät kekë mɔ̈ɔ̈th gɛɛu cil, piathëpiɔ̈u ku yic kek aye këërkëër de thönyde.

Diɛt 99:7

Aa ye jam ke keek në mën de luätic, acïk lööŋ ku wɛ̈ɛ̈t cï gäm keek riëëu.

Bɛ̈n 14:31

Na wën, aa tïŋ kɔc ke Yithriɛl riɛl dïït de Bɛ̈nydït, riɛl cï Yen kɔc ke Rip tiaam, ke ke riɔ̈c në Bɛ̈nydït ku gamkï, ku gamkï Mothe lïmde ayadäŋ.

Bɛ̈n 19:16

Na ɣɔn amiäk, në kööl ye akööl diäk, ke deŋ ë ye rel ku wil deŋ, ku tiëc gökdïït ë luät në kuur nɔm, ku piŋ röl de kaaŋ cï lɔ gaŋgaŋ. Go riɔ̈ɔ̈c kɔc nu në pɛɛny yiic lath kedhie.

Bɛ̈n 20:21

Go kɔc ŋoot ke ke kääc tëmec go aa Mothe yetök yen lɔ në luät lɔ̈ɔ̈m luän cool dïït lɔcɔ̈t, luän ë nu Nhialic thïn.

Bɛ̈n 34:5

Na wën, ke Bɛ̈nydït ë bɔ̈ piny ke nu ë luätic, ku kɛ̈ɛ̈c kekë Mothe ëtɛ̈ɛ̈n, ku lueel rinke an Bɛ̈nydït.

Bɛ̈n 4:31

Agokï gam. Na wën, aa piŋkï luɔi cïï Bɛ̈nydït ciɛɛŋ cieŋ ë keek arac tïŋ, acïk kenïïm bɛ̈n guöt piny, ku läŋkï.

Bɛ̈n 4:5

Go Bɛ̈nydït lɛ̈k en an, “Lɔ luöiyë kɔc ke Yithriɛl ee kënë ke bïk gam nɔn ee yen Bɛ̈nydït, Nhialic de kuarken yen ë cï tuöl tëde yïn, Nhialic de Abraɣam kekë Yithaak, ku Jakop.”

Yith 19:1

Kënë ee jam në biäk de Rip. Bɛ̈nydït abɔ̈ Rip ke riŋ arëët ë luät kɔ̈u. Yiëth ke Rip alɛthë keek në Ye nɔm, go kɔc ke Rip röt päl wei ë riɔ̈ɔ̈c.

Yith 7:9

Yithriɛl acïï ril në Thamaria pänydɛn dït, ku Thamaria acïï ril në melik Peka wën ë Remalia. “Na cïï gämdun ee kɔ̈ɔ̈c ke wek cïï bï kɔ̈ɔ̈c.”

Kuɛ̈n 12:5

Go Bɛ̈nydït bɛ̈n piny në mën de piööl ë luätic, ku kɛ̈ɛ̈c në paany thok ëgök, ku cɔɔl Aron kekë Miriam. Gokï lɔ tueŋ kaarou.

Math 17:5

Na wën, të ŋoot en ke jam, ke luän ɣer ëwic kum ke piny, ku jɔ röl bɛ̈n ë luätic röl luel en an, “Wëndiën nhiaar kï, wëndiën mit ë yapiɔ̈u arëët, yak kake piŋ!”

Mak 9:7

Na wën, ke luät bɔ̈ ku kum ke piny: ku bɔ̈ röl ë luätic, röl lueel en an, “Wëndiën nhiaar kï, eekënë: yak këde piŋ!”

Luk 10:16

Go Yecu kɔckɛn ë piööcë yɔ̈ɔ̈k an, “Raan piŋ këdun, ka piŋ këdï, ku raan reec week, ka reec ɛn, ku raan reec ɛn, ka reec raan ë toc ɛn.”

Nyöŋ 4:10

Abäk keek lɛ̈k kööl ë kääc wek ë Bɛ̈nydït Nhialicdun nɔm ë kuur ë Thinai nɔm, wään yɔ̈ɔ̈k En yɛn an, ‘Kut kɔc nïïm. Akaar bïk kë bä lɛ̈k keek piŋ, agokï piööc në riëëu bï kek Yɛn aa riëëu ë pïïrdenic, ku agokï mïthken aa wɛ̈ɛ̈t bïk yɛn aa riëëu.’

Nyöŋ 4:36

Acï week tɔ piŋ rölde paannhial ke bï week wɛ̈ɛ̈t, ku tɔ week tïŋ manydïïtde në pinynɔm, ku jɔ week jääm ë wëlke ë macic cil.

Nyuuth 1:7

Tiëŋkï, abɔ̈ kekë luäät, ku abï tïŋ ë kɔc nyïïn kedhie, ayï kɔc ɣɔn guut en aya, ku dhiëën ke piny nɔm ëbɛ̈n abïk dhuöör në biäkde. Ee yen. Amiin.