Bɛ̈n 19:5 - JAM DE NHIALIC 2011

⁵ Ku ënɔɔnë, na bäk Ɛn piŋ thok ku dɔ̈tkï löŋdï, ke we bï aa kɔc ke naamdï. Piny nɔm ëbɛ̈n ee këdï, ku we bï ya kɔckï kɔc cä ke lɔc.

Bɛ̈n 19:5 ပူးပေါင်းရင်းမြစ်များ

Cäk 17:9

Go Nhialic lɛ̈k Abraɣam an, “Ku yïn ayadäŋ, abä dhil gam nɔn bä wek mät döt në Yɛn wekë mïthku wedhie, ku rɛm bï lɔ̈ɔ̈k bɛ̈n.

1 Mel 8:53

Bɛ̈nydït Awärjäŋ, ɣɔn bïï Yïn kuarkuɔ bei paan ë Rip, acï lɛ̈k Mothe raanduön ee Yïn luööi an cï ke lɔ̈c bei në juöör ke piny nɔm yiic bïk aa kakuön cï lɔc.”

1 Lëk 17:22

Yïn cï kɔc ke Yithriɛl looi ke ke ye kɔcku aɣet athɛɛr, ku Yïn Bɛ̈nydït Yïn cï aa Nhialicden.

Jop 41:11

Eeŋa duëër en mak ku bï ŋoot ke poth? Acïn raan ë pinynɔm duëër e lëu.

Jop 41:3

Duëër jäl lim të de yïn, ku ee kok de piɔ̈u yen bï lim?

Diɛt 135:4

Bɛ̈nydït acï dhiën de Jakop lɔ̈c rɔt, ku lɔc kɔc ke Yithriɛl ke ke ye kɔcke.

Diɛt 24:1

Pinynɔm ayï këriëëc tɔ̈u thïn ëbɛ̈n, ee këde Bɛ̈nydït, Piny ëbɛ̈n ayï këriëëc cieŋ en ee kake Bɛ̈nydït.

Diɛt 25:10

Kuɛɛr ke Bɛ̈nydït kedhie ee kuɛɛr ke nhiëër agɔk ku piɔ̈n adöt, në baŋ de kɔc ee löŋde döt ku dötkï wëëtde.

Bɛ̈n 15:26

Lëk keek an, “Na bäk röl de Bɛ̈nydït Nhialic gam ë yic, ku bäk yic aa looi, ku dɔ̈tkï lööŋkï, wek cä bï tuöc jɔɔk cït jɔɔk wään cä tuöc kɔc ke Rip. Ee Yɛn Bɛ̈nydït raan ee we tɔ dem.”

Bɛ̈n 23:22

Na lak gam thok, ku luɔikï këriëëc thɔ̈n week ëbɛ̈n, Yɛn bï gɔ̈m wokë kɔc de ater në week kedhie.

Bɛ̈n 24:7

Ku nööm awerek de löŋ cï mac, awerek cïï lööŋ ke Bɛ̈nydït gäär thïn, ku kuën kɔc në röl dït. Gokï puk nɔm an “Bɛ̈nydït abuk piŋ thok, ku loiku këriëëc cï lueel ëbɛ̈n.”

Bɛ̈n 34:9

Ku lueel an, “Bɛ̈nydït, na mit ë piɔ̈u ë yic we yɛn, ke yï pɛ̈l wook awɛ̈ɛ̈ckuɔ ku karɛckuɔ, ku gam wook tɔ wook ee kɔcku. Ku lɔ wekë wook. Kɔckë arilkï nïïm.”

Bɛ̈n 6:7

Të lan week luäk bei në kɔc ke Rip cin, ku gäm week nɔmlääu, abäk jɔ ŋic ëgɔk nɔn ee Yɛn Bɛ̈nydït Nhialicdun ë yic. Wek bä tɔ ye kɔc ke naamdï, ku Yɛn bï ya Nhialicdun.

Bɛ̈n 8:22

Ku piny ë Gocen nu kɔckï thïn, abä gël ka acïn luaŋ bï lɔ thïn. Abä luöi week aya, ke bäk jɔ ŋic nɔn Yan Bɛ̈nydït, ku ŋiɛckï nɔn nuö Yɛn ee pinyë.

Bɛ̈n 9:29

Go Mothe lueel an, “Të lan jäl wut eenë, yɛn bï yacin lɔ yaak nhial läŋ Bɛ̈nydït tɔ rel kääc, kekë deŋ, ku abïk kɔ̈ɔ̈c. Yen abï yïn en jɔ ŋic nɔn ye piny piny ë Bɛ̈nydït.

Diɛt ke 8:12

Tholomon aduëër agumdɛn de wëu nööm, ku nöm kɔc ee pur bot kaarou de wëu ke ye biäkden. ku yɛn de nɔm domdiën de enap.

Yith 1:19

Na lak A lɔ riëëu, ke wek bï kapiɛth bïï piny ke luɔk aa cam.

Yith 41:8

“Ku wek, Yithriɛl awuutkï, wek ee kɔckiën cä ke lɔc, kuat de Abraɣam raan mɛ̈ɛ̈th wok.

Yith 43:1

Yithriɛl, Bɛ̈nydït ë cak week alueel, “Duökï riɔ̈c, wek bä ke kony, we cä ke cɔɔl në rin, wek ee kɔckï.

Yith 56:4

Aye Bɛ̈nydït lɛ̈k rooc an, “Të yak wek ɛn riëëu, në dön aa wek kööl de Thabath döt, ku yak kë bï ya miët piɔ̈u looi, ku yak mändï muk në piɔ̈n adöt,

Jeremia 10:16

Nhialic de Jakop acïï cït keek, ee Yen ee Raan ë loi këriëëc ëbɛ̈n, ku lɔc Yithriɛl bïï aa kɔcke. Bɛ̈nydït de rɛm Yen aye rinke.

Jeremia 13:11

Cït man ye lupɔɔ lɔ dekdek ë raan kɔ̈u, yen ayan baai de Yithriɛl kekë baai de Juda kɔɔr bïk röt muɔ̈k ë Yɛn ë dekdek. Yɛn aa loi ee kënë agokï aa kɔckï, ku agokï dhuëëŋ ku riëëu alɛɛc yiɛ̈n rinkï, ku akënkï Ya riëëu.”

Jeremia 7:23

Ku acä ke yɔ̈ɔ̈k bïk Ɛn aa riëëu, aguɔ aa Nhialicden ku bïk aa kɔckï. Ku acä ke yɔ̈ɔ̈k bïk aa rëër cït man cän keek yɔ̈ɔ̈k, ago käŋ täu apiɛth në keek.

Edhekiɛl 16:8

“Na wën aa bɛ tëëk nyɔk, ke ya tïŋ luɔi cï kööl bïï yïn nhiëër looi bɛ̈n. Guɔ guöpduön cïn lupɔ kum në lupɔdiën ya cieŋ, ku lɛ̈k yïn gutguut luɔi bän yïn nhiaar. Ɣɛɛ, yïn cï löŋ de thiëëc mak wo yïn yïn, ago jɔ aa këdï.” Yen kë lueel ë Bɛ̈nydït Awärjäŋ ka.

Lebai 20:24

Ku wek cä yɔ̈ɔ̈k an, ‘Wek bï pinyden nööm. Abä gäm week ke ee kë bäk lɔ̈ɔ̈k lak piny, yen ee wat ë ca ku miök ë kiëc. Ee yɛn Bɛ̈nydït Nhialicdun, raan ë lɔ̈c week bei ë juööriic.

Amoth 3:2

“Ee wek cä lɔc wapäc në juöör ke pinynɔm yiic kedhie, ku tiɛɛt week. Yen kë tɔ we loi kërac ka arëët. Ka wek bä luöi këtuc në biäk de karɛc juëc cäk looi.

Amoth 6:1

Amawoou në week, wek kɔc cï rëër lɔ läŋ yök në Dhiɔn, ku kɔc cï gup a päl piny në kuur ë Thamaria nɔm. Wek bänydït ke baai de Yithriɛl ee röt yök cït ka wär bäny ke juöör ëbɛ̈n. Wek kɔc ye kɔc ke kuɔɔny kɔɔr tëde keek!

Malakai 3:17

Ku lueel ë Bɛ̈nydït de rɛm an, “Abïk aa kɔc piɛthkï, në kööl bï Yɛn luɔi looi. Yɛn bï piɔ̈u kok wo keek arëët cït man ye wun meth piɔ̈u kok ke wëndɛn ee yen ŋiëc luööi.

1 Kor 10:26

në kë ye piny këde Bɛ̈nydït, ayï ka ye piny thiɔ̈ɔ̈ŋ, ee kake ayadäŋ.

1 Kor 10:28

Ku na de raan lëkë week an, “Kënë aa nɛ̈kë yath,” ke we duökï cäm ë ye, në biäk de raan ë nyuth e week, ku në biäk de jam bïï raan yök ë yepiɔ̈u: në kë ye piny këde Bɛ̈nydït, ayï ka ye piny thiɔ̈ɔ̈ŋ, ee kake ayadäŋ:

Nyöŋ 10:14

Paannhial ya ee këde Bɛ̈nydït, ku piny nɔm ee këde aya, ayï këriëëc tɔ̈u thïn ëbɛ̈n.

Nyöŋ 11:27

ë Athiɛɛi të la wek lööŋ ke Bɛ̈nydït Nhialicdun gäm week ee köölë riëëu,

Nyöŋ 14:2

Wek ee kɔc ɣeriic ke Bɛ̈nydït Nhialicdun, acï week lɔc bäk aa kɔc ke nɔmde, në kɔc ke piny nɔm yiic ëbɛ̈n, kɔc ceŋ piny nɔm.

Nyöŋ 14:21

“Duökï lɛ̈n cï thou yetök ee cuet. Aduëërkï tɔ cuet ë kɔc lei rëër në wuötkuniic, ku nɔn ɣɔ̈ckï kɔclɛn kɔ̈k. Ku wek ee kɔc ɣeriic ke Bɛ̈nydït Nhialicdun. Duökï amɛthɔ̈k ee thaal në ciɛk ke man yiic.

Nyöŋ 26:18

Köölë Bɛ̈nydït acï week gam ke we ye kɔc ke nɔmde, cït man cï Yen ye thön week, ku acï week yöök bäk lööŋke ku jamde riëëu ëbɛ̈n.

Nyöŋ 26:19

Abï week tɔ dït awär juöör cï cak ëbɛ̈n, ku wek bï lɛc ku riëëu yiɛ̈n rinke. Wek bï aa kɔc ɣeriic ke Bɛ̈nydït Nhialicdun cït man cï Yen e lueel.

Nyöŋ 28:1

Na wën ke lueel Mothe an, “Na lak Bɛ̈nydït Nhialicdun lɔ riëëu, ku dɔ̈tkï lööŋkɛn gäm keek week ee köölë kedhie, në piɔ̈n adöt, abï week tɔ dït arëët awär juöör kɔ̈k nu ë piny nɔm.

Nyöŋ 28:9

“Na lak lööŋ ke Bɛ̈nydït Nhialicdun lɔ döt, ku luɔikï këriëëc cï lɛ̈k week ëbɛ̈n, abï week tɔ ee kɔc ɣeriic ke nɔmde, cït man cï yen e than.

Nyöŋ 4:20

Ku wek ee kɔc ë luɛ̈kë bei në Rip, yen manydïït ë wëëth dɛ̈p. Aa bïï week bei, bïï week bɛ̈n tɔ ye kɔcke, cït man tɔ̈u wek ee köölë.

Nyöŋ 5:2

Në kuur de Thinai nɔm, Bɛ̈nydït Nhialicda acï mät looi.

Nyöŋ 7:6

Luɔikï ee kënë në baŋ ya wek kɔc ɣeriic ke Bɛ̈nydït Nhialicdun. Në kɔc ke pinynɔm ëbɛ̈n yiic acï week lɔc bäk aa kɔckɛn ke nɔmde.

Nyöŋ 9:29

Ku aŋic, nɔn ye kek kɔckuön cï lɔc bï aa kɔcku, cï ke bɛ̈ɛ̈i bei ë Rip në riɛlduön dït.’

Tito 2:14

raan cï rɔt gäm thuɔɔu në biäkda, luɔi bï en wo wɛ̈ɛ̈r bei ë luɔi racic ëbɛ̈n, ago jur mɛɛn tɔ ɣerpiɔ̈u ëtop abï aa këde, jur lëthic ë luɔi piɛth.

Ɣeberuu 11:8

Aye gäm de yic aŋäth yen aa tɔ Abraɣam riëëu cɔ̈t cï Nhialic ye cɔ̈ɔ̈l bei wunden, ku leer wun cïï Nhialic lɛ̈k en an bï gäm en. Ago bɛ̈n jäl ku nyiëëŋ wunden piny ke kuc të le yen thïn.

Ɣeberuu 8:9

Ku acïï bï ciët löŋ wään cä kɔn mac wokë kuarken, wään dam Ɛn kecin ku bɛ̈ɛ̈i ke bei Paan ë Rip. Keek acïk löŋ ë cïk mac në Yɛn dhoŋ kɔ̈u, guɔ ke nyääŋ piny!

Jocua 24:24

Gokï lɛ̈k Jocua an, “Wok bï Bɛ̈nydït Nhialicda luööi, ku dötku lööŋke.”

1 Pet 2:9

Ku wek ee dhiën cï lɔc, bäny ke kake Nhialic, bäny ke dhiën ë melik, jur ɣeric, kɔc lɛɛn ke Nhialic pei, ke we bï kɔc aa guiëër piath de Raan ë cööl week bei ë cuɔlic bäk aa tɔ̈u ë ɣɛɛrdɛn ë pinyic ɣɛɛrdɛn ë gäi.

1 Tham 15:22

Ago Thamwɛl puk nɔm an, “Ye Bɛ̈nydït piɔ̈u miɛt në miɔ̈c ye nyop ëbɛ̈n kekë ka ye nɔ̈k, cït man yen piɔ̈u miɛt në rïïu ye jam de Bɛ̈nydït riëëu? Rïïu apiɛth awär ka ye nɔ̈k, ku piŋ de jam apiɛth awär miök de nyök cuai,