Bɛ̈n 19:4 - JAM DE NHIALIC 2011

⁴ “Acäk tïŋ kë cä luöi kɔc ke Rip Yɛn Bɛ̈nydït. Ku tiëŋkï luɔi cän week ɣääc cït man ye cuɔɔr mïthke ɣääc në ye wuök. Ku luɔi cän week bɛ̈ɛ̈i të nu Yɛnë.

Bɛ̈n 19:4 ပူးပေါင်းရင်းမြစ်များ

Yith 40:31

Ku kɔc ee kuɔɔny ŋɔ̈ɔ̈th tëde Bɛ̈nydït abïk riɛlden yök ke cï ŋuak nyin. Abïk röt bɛ jat nhial në kewuök cï cor, abïk aa kat ku cïkï däk, abïk aa cath ku cïkï bäp.

Yith 63:9

në nuɛɛnken yiic ëbɛ̈n. Aa cie tunynhial, ee Yen Bɛ̈nydït guöpde Yen aa kony keek. Në nhiëërde ku kok de piɔ̈nde acï ke bɛ̈n kony. Aa ye keek gël ë ceŋ në run wään cï tëëk,

Ɣodh 11:1

Aye Bɛ̈nydït lueel an, “Yithriɛl aa nhiaar të ɣɔn ee yen meth. Guɔ cɔ̈ɔ̈l bei Rip, ke ye wëndï.

Ɣagai 2:5

cït man cän week lɛ̈k gutguut ɣɔn bä wek bei Rip an, “Yɛn bï tɔ̈u wo week anandï, Yɛn ŋoot ke Ya tɔ̈u we week, ka duökï riɔ̈c.

Malakai 2:10

Go Malakai lɛ̈k kɔc ke Yithriɛl an, “Wääda cie tök wodhie? Cie Yen ë Nhialic töŋë, Yen ë cak wook wodhie? Ka eeŋö tɔ we dhoŋ löŋ cïï Nhialic gäm wärkuɔ kɔ̈u, wek kën kapiɛth ŋiɛckï an duɛ̈ɛ̈rkï ke luöi röt në kɛmkun wapäc looi?

Nyöŋ 1:30

Bɛ̈nydït Nhialicdun, raan nu ë wenïïm abï week thäär tɔŋ, cït man wään cï Yen e luöi week ë Rip, ke we daai në wenyïïn.

Nyöŋ 1:31

Ku wään ë jɔ̈ɔ̈ric acäk tïŋ ɣɔn ɣɛ̈ɛ̈cë Bɛ̈nydït Nhialicdun week, cït man ee wun meth wënde ɣääc, ku wek cï piny caath abäk jɔ ɣëët ee tënë.

Nyöŋ 29:1

Kakë ayek cök ke lööŋ cï Bɛ̈nydït lɛ̈k Mothe, bï ke mac kekë kɔc ke Yithriɛl piny de Mowap, kakë kedhie lɔ në män wään cïï Bɛ̈nydït kɔn mac ke keek në kuur de Thinai nɔm.

Nyöŋ 29:2

Go Mothe kɔc ke Yithriɛl caal tëtök kedhie, ku yɔ̈ɔ̈k keek an, “Acäk tïŋ ë we nyïïn yen kë cïï Bɛ̈nydït luöi melik de Rip, ku kë cï luöi bänyken, ku ka cï luöi pinyden ëbɛ̈n.

Nyöŋ 4:9

Tiɛtkï röt apiɛth! Ku ŋiɛckï ë gɔk aguɔkï nïïm cuö mär në pïïrdunic ëbɛ̈n, ka cäk tïŋ në wenyïïn kedhie. Lɛ̈kkï keek mïthkun ku mïth ke mïthkun.

Jocua 23:3

Ku këriëëc cïï Bɛ̈nydït Nhialicdun luöi juöör de ater në week kedhie në këdun acäk tiŋ në wenyïïn wedhie. Bɛ̈nydït Nhialicdun ë tɔŋdun thɔ̈ɔ̈r.

Nyuuth 12:14

Go tik gäm wuök kaarou, wuök ke gök ë aduŋuɛɛt, bï en ke kat ë ŋuäl nɔm, le jɔ̈ɔ̈ric, tëde, të bï e muk thïn ë ruöön tök, ku run kaarou, ku biäk ë ruöön.