Bɛ̈n 19:22 - JAM DE NHIALIC 2011

²² Ayï bäny ke kake Nhialic bɔ̈ të nu Bɛ̈nydït thïn, ë ke ye kegup kɔn waak. Na cïkï lɔ looi aya, abï Bɛ̈nydït ke luöi këtuc.”

Bɛ̈n 19:22 ပူးပေါင်းရင်းမြစ်များ

1 Lëk 15:13

Në biäk ɣɔn liɛɛu wek aguɔkï ɣääc akööl ɣɔn tueŋ. Bɛ̈nydït Nhialicda acï wook luöi këtuc në biäk kën wok en lam në kueer ye ye looi.

2 Lëk 30:15

Ku në kööl ye pɛɛi thok thiëër ku ŋuan ke ke näk nyök ke amɛ̈l ke dhuëëŋ de Winythok. Go bäny ke kake Nhialic ku Lebai wään kën röt tɔ piɛth yäär, agokï röt tɔ piɛth ku gɛmkï miɔ̈c ye nyop ëbɛ̈n ɣön ë Bɛ̈nydït.

2 Lëk 30:3

Ku akënkï looi në köölde, në biäk kën ë bäny ke kake Nhialic juëc röt tɔ piɛth, ku kɔc akënkï kenïïm kut në Jeruthalem aya.

Bɛ̈n 19:24

Go Bɛ̈nydït puk nɔm an, “Lɔ piny, ku lɔ bä wekë Aron. Ku bäny dït ke kake Nhialic ë ke cïï akeu lïr nɔm ke ke bɔ̈ të nu Yɛnë. Na lek akeu lïïr nɔm, abä ke luöi këtuc.

Bɛ̈n 19:5

Ku ënɔɔnë, na bäk Ɛn piŋ thok ku dɔ̈tkï löŋdï, ke we bï aa kɔc ke naamdï. Piny nɔm ëbɛ̈n ee këdï, ku we bï ya kɔckï kɔc cä ke lɔc.

Bɛ̈n 24:5

Ku tooc wɛ̈ɛ̈t dhuök ke Yithriɛl, agokï Bɛ̈nydït lɔ gäm miɔ̈c ye nyop ëbɛ̈n, ku gëmkï ɣɔ̈k ayadäŋ ke ye miɔ̈c de mät.

Yith 52:11

Dötkï apiɛth nɔn bä wek Babilonia nyääŋ piny, wek kɔc ɣɛ̈ɛ̈c kake Luaŋdït wedhie! Duökï ka cï pɛ̈ɛ̈n ee jak, takkï weyiic ɣer ku jälkï.

Lebai 21:6

Abïk röt dhil tɔ ɣer ë Nhialic nɔm ku acïkï rin ke Nhialic bï dhil aa läät. Në biäk ye kek miɔ̈c cï looi ë mac gäm Bɛ̈nydït, këcam de Nhialicden, ka abïk yiic dhil ɣɛɛr.

Kuɛ̈n 11:18

“Ku lɛ̈kë kɔc an, ‘Wakkï abäk gup lɔgɔk, në baŋ bä wek cuet në rïŋ miäk. Bɛ̈nydït ë dhiëndun piŋ, ayï luɔi kaar wek rïŋ, ayï luɔi cä wek ë lueel an ë we cï lɔ̈ŋ ɣɔn tɔ̈u wek Rip. Ku ënɔɔnë, Bɛ̈nydït abï we gäm rïŋ bäk cuet.

Luɔi 5:10

Na wën, ke wiëëk ë yecök ënɔnthiinë, jɔ guɔ thöök: go dhuök bɛ̈n ɣöt, ku yökkï acï thou, gokï jɔt, le thiɔ̈k ë monyde lɔ̈ɔ̈m.

Luɔi 5:5

Na wën, aacï Anania wëlkë piŋ, ke wiëëk, jɔ guɔ thöök: ago riɔ̈ɔ̈c dït kɔc dɔm kedhie kɔc piŋ kake.