Bɛ̈n 19:18 - JAM DE NHIALIC 2011

¹⁸ Go tol kuur ë Thinai paat piny, në luɔi ë cïï Bɛ̈nydït bɛ̈n piny në kuur nɔm në macic. Go tol cït tol ë purun rɔt cɔ̈k nhial. Ago kɔc riääc arëët kedhie, ku lɛthë keek.

Bɛ̈n 19:18 ပူးပေါင်းရင်းမြစ်များ

Cäk 11:5

Ago Bɛ̈nydït bɛ̈n piny, bï wun dït bɛ̈n tïŋ kekë aloocdïït bäär, ɣön cïï kɔc ke piny nɔm yïk.

Cäk 15:17

Na wën, acï akɔ̈l lɔ piny, ku cï piny cuɔl, ke tööny tol, ku lɔ̈k ë many ë kuthyui ɣer ë pak ë ke go tïc ëthiäu, ku retkï rïŋiic.

Cäk 19:28

Ku woi Thɔdom kekë Gomoora, ku wak ëbɛ̈n. Ago tol tïŋ ke ë rɔt cɔ̈k nhial ëtɛ̈ɛ̈n, cït man ë tol nu ë pul dïït dëpë mac thïn.

Neɣe 9:13

Në kuur ë Thinai nɔm Yïn ëbɛ̈n piny paannhial, ku jamë we kɔcku, ku gämë ke lööŋ lɔgɔk ku wëët piɛth.

Diɛt 104:32

Ee pinynɔm woi, go piny rɔt nieeŋ, ee kur jak, agokï tol ŋɔ̈k bei.

Diɛt 114:4

Kur ayek kɛɛc nhial cï bɔɔth, ku kur kor ayek kac cï amithöök ke amɛ̈l.

Diɛt 114:7

Ago piny rɔt nieeŋ në riɔ̈ɔ̈c de bɛ̈n ë Bɛ̈nydït, de bɛ̈n ë Nhialic de Jakop,

Diɛt 144:5

Bɛ̈nydït, liep paannhial ku bä piny, jak kur nïïm agokï tol bɛ̈ɛ̈i.

Diɛt 18:9

Ago paannhial reetic, ku bïï piny ke mɔ̈ɔ̈thdïït lɔ dïu në yecök.

Diɛt 68:9

Yïn ee deŋ tɔ tueny youyou, ku tɔ pinyduön ë cï yal dëk,

Diɛt 77:18

Awuɔɔu de reldu ë rɔt lɔ̈ɔ̈r bei, ku nyop wil de deŋ pinynɔm ëbɛ̈n, go piny lath ku nieŋë.

Diɛt 77:19

Yïn ee cath në apiöökic, ku tem wɛ̈ɛ̈r thuth, ku të cï käc në Yïcök acïï duëërë tïŋ.

Bɛ̈n 19:13

Tök në keyiic, na cïï biöökë në kur, ke muucë në dhaŋ, ke cïï jak guöp. Alɔ pëk ë kë cïï kuur käc nɔm, na ee raan ku nɔn ee yen läi, ke näk. Ku na le kaaŋ koothic, ke kɔc ë ke jɔ lɔ në kuur nɔm.”

Bɛ̈n 19:17

Go Mothe ke wat, leer keek të nu Nhialic. Gokï lɔ kɔ̈ɔ̈c në kuur thar.

Bɛ̈n 20:18

Na wën, aa piŋ kɔc rel ë deŋ, ku piŋkï kaaŋ akoth, ku tïŋkï wil ë deŋ, ku tïŋkï kuur ke tol, acïï riɔ̈ɔ̈c ke bɛ̈n lath, gokï kɔ̈ɔ̈c tëmec.

Bɛ̈n 24:17

Ku kɔc ke Yithriɛl aake woi dhuëëŋ ë Bɛ̈nydït cït man ë many dïït dɛ̈p, many thöl käŋ ë kuur nɔm nhial.

Bɛ̈n 3:2

Go tunynhial ë Bɛ̈nydït tuöl tëde yen ëtɛ̈ɛ̈n ke ye lɔ̈k ë many dɛ̈p ë butic. Go Mothe mac tïŋ ke dɛ̈p ë butic, ku but acïï dɛ̈p.

Bɛ̈n 34:2

Guiir rɔt miäk, ku bä nhial ë kuur ë Thinai nɔm të nu Yɛn thïn.

Yith 6:4

Awuɔɔu de kek röt ee këërkëër de Luaŋdït tɔ lɛthë, ku Luaŋdït guöpde acï thiäŋ ke tol.

Yith 64:1

Eeŋö cïï yïn paannhial retic ku bä piny? Kur aduëërkï yïn tïŋ ku lɛthë keek në riɔ̈ɔ̈c.

Jeremia 4:24

Ku tiëŋ kur ke ke lɛthë, ku kur kor ayek röt jäp ciëën ku tueŋ.

Ɣabakuk 3:6

Të jɔt En rɔt ciɛth, piny aye lath, të cï Yen E nyin cuat, kɔc juöör aye ke lath. Ee kur ɣɔn thɛɛr tɔ lɔ thorthor abïk wɛɛr, ku tɔ kur kor cur piny kur wään Yen cath thïn ɣɔn thɛɛr.

Dhek 14:5

Ku wek bï ban ee wakë yic, wak cï kuur tekic ë rou, wek bï kat ë kat ë kuarkun, ɣɔn cïï piny rɔt nieeŋ në run ke melik Yudhia ë Juda. Bɛ̈nydït Nhialicdï abï bɛ̈n, abï bɛ̈n kekë tuucnhialkɛn ɣeriic kedhie.

Math 24:7

Jurë abï tɔŋ yiɛ̈n jurë, ku yïn ciɛɛŋë tɔŋ ciɛɛŋë, ku cɔŋdït abï nu, ayï jɔɔk ë kɔc thöl, ayï nieŋ ye piny rɔt niɛŋ, abïk nu tɛ̈ɛ̈n ku tɛ̈ɛ̈n.

Nyöŋ 33:2

Bɛ̈nydït aa bɔ̈ në kuur de Thinai nɔm, aa jöt cït man ë akɔ̈l në Edom, go kɔcke riaau në kuur de Paran nɔm. Aa cath kekë aguum ke tuucnhial ɣeriic, ku muk many dɛ̈p në ciin cuënyde.

Nyöŋ 4:36

Acï week tɔ piŋ rölde paannhial ke bï week wɛ̈ɛ̈t, ku tɔ week tïŋ manydïïtde në pinynɔm, ku jɔ week jääm ë wëlke ë macic cil.

Nyöŋ 5:22

“Kakë ayek lööŋ wään lëkë Bɛ̈nydït amatnɔmdun ëbɛ̈n, wään kuöt wek nïïm ë kuur nɔm. Wään bï Yen jam ke week ë röldït ë macic ku në luändït yic, aa gëm week ee lööŋkë ku acïn kɔ̈k pei. Ku ëtɛ̈ɛ̈n acï ke bɛ̈n gäär ë pɛɛm ke kur kaarou kɔ̈ɔ̈th ku gëm keek Yɛn.

Nyöŋ 5:4

Bɛ̈nydït acï jam kekë week ke we woi wenyïïn ë kuur nɔm në macic.

2 Theth 1:7

ku luɔi bï en week cuööt në lɔ̈ŋ bä wek lɔ̈ŋ në wook ëtök, wek kɔc ee luöi këtuc, kööl bï Bɛ̈nydït Yecu rɔt nyuɔɔth, të bï en paannhial kekë tuuckɛn ril bɔ̈ nhial,

2 Theth 1:8

ke cath ke many ee dëp aläl, ago rɔt guöör ë kɔc kuc Nhialic, ayï kɔc reec wëlpiɛth gam, wël ke Bɛ̈nydan Yecu Kërtho.

Ɣeberuu 12:18

Wek kën bɛ̈n cït man ë kɔc ke Yithriɛl, ɣɔn bïï keek jääm ë kuur ë Thinai lɔ̈ɔ̈m, kuur woi ku aduëër ë jak, aa dɛ̈p në mac ku bïï mɔ̈ɔ̈th ku tɔ piny col

Ɣeberuu 12:26

Të ɣɔn kɔn ë Nhialic jam në jamdɛn tueŋ, rölde yetök ë piny bɛ̈n nieeŋ. Ku ënɔɔnë acï lueel luɔi bï Yen piny nyɔk ë niëŋ nieeŋ En en, ayï ka nu nhial ayadäŋ.

2 Pet 3:10

Ku kööl ë Bɛ̈nydït abï bɛ̈n cït man ë cuɛ̈ɛ̈r, Në ee köölë tënhial abï nyaai në awuööu dït, ku lɛ̈ɛ̈ŋ kanhial në tuöc de manydït, ku piny abï nyop kekë ka cï looi thïn abï lɔ kuith piny.

Nyuuth 15:8

Go luaŋdït thiäŋ ke tol në dhuëëŋ de Nhialic, ku në riɛldɛn dït: ku acïn raan duëër lɔ luɛɛk të ŋoot ë ka ye piny riɔ̈ɔ̈k kadhorou ke ke kën guɔ thök, kak ë muk tuucnhial kadhorou.

Nyuuth 9:2

Go adhum thuth cïï thar tiëc tueer thok, go tol rɔt mɔc nhial ë adhumic, cït man ë tol ë manydïït dɛ̈p ëjaŋjaŋ, go akɔ̈l tɔ col ayï nhial në baŋ de tol ë adhum.

Bäny 5:5

Ku nieŋ kur röt në Bɛ̈nydït de Thinai nɔm, në Bɛ̈nydït nɔm Nhialic de Yithriɛl.