Bɛ̈n 19:16 - JAM DE NHIALIC 2011

¹⁶ Na ɣɔn amiäk, në kööl ye akööl diäk, ke deŋ ë ye rel ku wil deŋ, ku tiëc gökdïït ë luät në kuur nɔm, ku piŋ röl de kaaŋ cï lɔ gaŋgaŋ. Go riɔ̈ɔ̈c kɔc nu në pɛɛny yiic lath kedhie.

Bɛ̈n 19:16 ပူးပေါင်းရင်းမြစ်များ

2 Tham 22:10

Acï tënhial reetic ku bïï piny, kekë luän col ë yecök piny.

2 Lëk 5:14

Go bäny ke kake Nhialic luɔi de läm tɔ kääc në biäk cïï luän de dhuëëŋ ë Bɛ̈nydït ɣön ë Nhialic thiɔ̈ɔ̈ŋic.

Jop 38:25

Eeŋa ë wec nyin ee pïïu ke deŋ wuöl, ku kuɛɛr dït ke määr ë deŋ de amaŋ?

Diɛt 50:3

Nhialicda abɔ̈, ku acïï thok mim, many ee kɔc cuääl anu ë Yenɔm tueŋ, ku amaŋdït acath ë Yelɔ̈ɔ̈m ke wil Ye piny.

Diɛt 77:18

Awuɔɔu de reldu ë rɔt lɔ̈ɔ̈r bei, ku nyop wil de deŋ pinynɔm ëbɛ̈n, go piny lath ku nieŋë.

Diɛt 81:8

Piɛŋkï, këdiën luɛɛl, wek kɔckï, kɔc ke Yithriɛl anhiaar aläl ë luɔi duëër wek këdï piŋ!

Diɛt 97:4

Ku wilde ee pinynɔm riaau, aye pinynɔm tïŋ ku lɛthë.

Bɛ̈n 19:11

Na rutui, ke ke jɔ röt guiɛɛr piny. Yɛn bï bɛ̈n piny ë kuur nɔm rutui, bä të bï kɔc A tïŋ kedhie.

Bɛ̈n 19:15

Go Mothe lɛ̈k keek an, “Guiɛɛrkï röt në biäk de rutui, ku cïn raan tɔ̈c ke tik në ee nïnkë yiic.”

Bɛ̈n 19:17

Go Mothe ke wat, leer keek të nu Nhialic. Gokï lɔ kɔ̈ɔ̈c në kuur thar.

Bɛ̈n 19:9

Go Bɛ̈nydït lɛ̈k Mothe an, “Yɛn bï bɛ̈n të nu wekë në gök dïït ë luätic, ke kɔc ke Yithriɛl ë ke bï Ya piŋ röl të jaam ɛn wo yïn, ke ke bï jɔ gam aɣet athɛɛr.” Go Mothe Bɛ̈nydït guiëër kë cïï kɔc puk nɔm.

Bɛ̈n 20:18

Na wën, aa piŋ kɔc rel ë deŋ, ku piŋkï kaaŋ akoth, ku tïŋkï wil ë deŋ, ku tïŋkï kuur ke tol, acïï riɔ̈ɔ̈c ke bɛ̈n lath, gokï kɔ̈ɔ̈c tëmec.

Bɛ̈n 20:21

Go kɔc ŋoot ke ke kääc tëmec go aa Mothe yetök yen lɔ në luät lɔ̈ɔ̈m luän cool dïït lɔcɔ̈t, luän ë nu Nhialic thïn.

Bɛ̈n 40:34

Na wën, ke luät ë kum paany de mät piny, ku jɔ riau dïït lɔ wic ye thiɔ̈ɔ̈ŋic, riau de dhuëëŋ de Bɛ̈nydït.

Bɛ̈n 9:23

Go Mothe thienyde yaak nhial, go Bɛ̈nydït deŋ ë kɔɔi tɔ lɔ piny, ku nyop piny de Rip nɔm në rel ë deŋ. Bɛ̈nydït ë deŋ dïït ë kɔɔi bɛ̈n tɔ tueny piny ë Rip,

Jeremia 5:22

Ee Yɛn ee Bɛ̈nydït, eeŋö cä wek ee riɔ̈ɔ̈c ë Yɛn? Eeŋö cïï ë week ee lath ë yanɔm? Yɛn cï liɛɛt tɔ yë aken de wɛ̈ɛ̈r, aken kääc tëde cïï duëërë teem kɔ̈u. Wɛ̈ɛ̈r aduëër amaŋ looi, ku acïï duëër lɔ ë baŋtui, apiöök aduëër rɔt looi, ku acïï duëër dhoŋ kɔ̈u.

Naɣum 1:3

Bɛ̈nydït acie dap gɔ̈th ku aril arëët. Ku acïï kɔc de gup gääk bï pɔ̈l ke ke kën luöi këtuc. Ee cath kekë amaŋ, ku yom de kɔɔr. Ku luät kek aye tɔr de Yen cök!

Math 24:31

Na ëlë, abï tuuckɛn nhial tooc në kaaŋ kök arëët, lek kɔc cï lɔc kut nïïm, kɔc nu të lɔ rut, ku wöuwic, ku të lɔ aköl amiäk, ku të lɔ aköl athɛ̈i, gɔl ë nhial baŋ tök aɣët nhial baŋ tui.

Nyöŋ 5:5

Yɛn cï bɛ̈n kɔ̈ɔ̈c në kaamdun ë Bɛ̈nydït, bä week lɛ̈k kë ye lueel. Në biäk wään cïï kek riɔ̈ɔ̈c në mac ku wek kën bɛ̈n lɔ nhial ë kuur nɔm. “Acïï Bɛ̈nydït lueel an,

Ɣeberuu 12:21

Ku kë woi loi rɔt në kuur nɔmë, aye këdïït ë gäi riɔ̈ɔ̈cë, man abï Mothe jɔ lueel ë yethok an, “Yɛn aa cï riɔ̈ɔ̈c ku lɛthë yɛn!”

Nyuuth 1:10

Yɛn aa cath wo Wëidït ëkööl ë Bɛ̈nydït, na wën, ke ya piŋ röldïït cït röl ë kaaŋ ë yakɔ̈u ciëën,

Nyuuth 11:19

Na wën, ke luaŋdïït ë Nhialic liep paannhial, go Athänduŋ de löŋ cï mac tïŋ luɛɛk, ku tul wilëdeŋ, ku kɔc röt, ku määrëdeŋ, ku nieŋ cï piny rɔt niɛŋ, ku gök de kɔɔi ë deŋ.

Nyuuth 4:1

Na wën, aacï kakë thök, ke ya jɔt a nyin, guɔ paannhial tïŋ acï liep thok. Ku röl cä kɔn piŋ acït röl ë kaaŋ ke jam ke yɛn, lueel, an, Bä nhial tënë, ku yïn bä nyuöth ka bï dhil lɔ̈ɔ̈k tïc ë kakë cök.

Nyuuth 4:5

Ku bɔ̈ wilëdeŋ bei ë thöönydïtic ku määrëdeŋ ku kɔc röt. Ku nu mɛ̈ckealath kadhorou ke ke dɛ̈p ë thöönydït nɔm tueŋ, kek aye Wëi ke Nhialic kadhorou.

Nyuuth 8:5

Na wën, ke tunynhial nööm thaŋ wën ee wal nyop thïn, ku jɔ thiɔ̈ɔ̈ŋ ë many de yïïŋ de läm, ku cuɛt ë piny nɔm, go kɔc röt tuöl, ku tul määrëdeŋ, ku wilëdeŋ, ku nieŋ cï piny rɔt niɛŋ.