Bɛ̈n 18:12 - JAM DE NHIALIC 2011

¹² Na wën, ke Jethro bïï miɔ̈c bï bɛ̈n nyop ëbɛ̈n. Ku bïï miɔ̈c däŋ bï bɛ̈n gäm Nhialic! Go Aron lɔ ke yen ku lɔ röördït ke Yithriɛl, lek këcam cam në Nhialic nɔm.

Bɛ̈n 18:12 ပူးပေါင်းရင်းမြစ်များ

Cäk 12:7

Go Bɛ̈nydït bɛ̈n tëde Abram, ku lëk en an, “Piny bä gäm mïthku kï.” Ago Abram Bɛ̈nydïït cï tïc tëde yen yiëk yïk.

Cäk 26:25

Ago Yithaak yïk yïk ëtɛ̈ɛ̈n, ku lɛ̈ŋ Bɛ̈nydït. Ku piëët pɛɛnyke ëtɛ̈ɛ̈n, ku wec lïïmke yinh däŋ.

Cäk 26:30

Go Yithaak ke luöi këcamdït, gokï cam ku dëkkï.

Cäk 31:54

Go Jakop thɔ̈k gäm Nhialic ë kuur nɔm ku nɛ̈k ke. Ku cɔɔl kɔcke lek cam në yen ëtök. Na wën acïk thök në cäm, ke ke nin ë kuur nɔm ëtɛ̈ɛ̈n.

Cäk 4:4

Ku bïï Abel nyɔɔŋ kɛ̈ɛ̈i de thɔ̈ɔ̈k tök në thökke yiic, ku nɛ̈k ku gëm Bɛ̈nydït biäk piɛthde, ke ye miɔ̈cde. Ago Bɛ̈nydït piɔ̈u miɛt ke miɔ̈c de Abel,

Cäk 43:25

Gokï miɔ̈cden guiir tɔkï thiɔ̈k, ke bïk bɛ̈n gäm Jothep të le yen bɛ̈n ë lë të cï akɔ̈l kɔ̈ɔ̈c cil. Acïk piŋ nɔn bï kek lɔ cam në yen ëtök ë lë të cï akɔ̈l kɔ̈ɔ̈c cil.

Cäk 8:20

Go Nowa Bɛ̈nydït yiëk yïk, ku nööm läi piɛth nyïïn ëbɛ̈n, läi duëërë ke näk Nhialic, ku nööm diɛt piɛth nyïïn ëbɛ̈n, diɛt duëërë ke näk Nhialic, ku gɛm miɔ̈c ye nyop ëbɛ̈n në yïk nɔm.

2 Tham 9:7

Go Debid lɛ̈k en an, “Du riɔ̈c. Yɛn bï piɔ̈u piath wokë yïn, në biäk de wuur Jɔnathan. Yïn bä dɔ̈k nɔm piny de kuaar Thaulo ëbɛ̈n, ku yïn bï ya cam we yɛn në paamdï nɔm aköölnyïïn.”

2 Lëk 30:22

Go Melik Ɣedhekia kɔc ke Lebai leec në luɔi cïk kek läm de Bɛ̈nydït ŋiëc guiir. Na wën aa cï nïn kadhorou wan të wään gɛm kek miɔ̈c de mät leec kek Bɛ̈nydït, Nhialic de kuarken,

Jop 1:5

Ku të cïï akööl ke dhuëëŋken thäär thök, ke Jop abï ke tuöc kanäk bï awɛ̈ɛ̈cken waak wei, ee rɔt jɔt adurduur ku gɛm miɔ̈c ye nyop ëbɛ̈n thöŋ ke kuën ë mïthke kedhie, në luɔi ye Jop e lueel ë yepiɔ̈u an, cï mïthke dhil wäc, cïk Nhialic lat ë kepiɔ̈ɔ̈th. Aye Jop cool ke looi aya.

Jop 42:11

Wɛ̈ɛ̈tëkɔcken ku nyïïrëkɔcken ku jɔ ya määthkɛn thɛɛr acïk en bɛ̈n neem, ku ciëmkï në yen ku nyuthkï luɔi kɔ̈ɔ̈c kek në yen, ku dutkï piɔ̈u paande, në riäŋ cï Bɛ̈nydït yiɛ̈n en, ku keek kedhie aa ye raan tök gäm wëu, ku adhääp.

Jop 42:8

Ë nɔɔnë, nöm miöör kadhorou, ku nyök amɛ̈l kadhorou, yiɛ̈n ë ke Jop bï ke lɔ gam ke ke ye miɔ̈c näk, ku lɛ̈ŋ në biäkdun, ku Yɛn bï lɔ̈ŋde piŋ, ku wek cä bï yɔ̈ɔ̈r gup në ayär röŋ ke week. Wek kën jam në yith në biäkdï cït man ë yen.”

Bɛ̈n 18:13

Na ɣɔn amiäk, ke Mothe ë nyuc ke guiir luŋ de kɔc. Go kɔc kɔ̈ɔ̈c në yelɔ̈ɔ̈m ë caŋ amiäk agut cï thëën.

Bɛ̈n 2:20

Go duɛtke luɔp an, “Ka cï döŋ ë nou? Eeŋö nyääŋ wek raan piny? Lak calkï bï bɛ̈n cam ke wook.”

Bɛ̈n 20:24

Yiëkkï ya yïïŋ ë tiɔp. Ku yak thökkun gam në yenɔm, ayï ɣɔ̈k ke ke ye miɔ̈c ye nyop ëbɛ̈n, miɔ̈c de mät. We cä gäm ɣään juëc bä wek Ɛn aa lam thïn. Ku Yɛn bï ya bɛ̈n ëtɛ̈ɛ̈n bä we bɛ̈n thieei.

Bɛ̈n 24:11

Ku Nhialic acïn kërɛɛc ë cï luöi bäny ke Yithriɛl. Aake cï Nhialic tïŋ, gokï jɔ cam ku dëkkï.

Bɛ̈n 24:5

Ku tooc wɛ̈ɛ̈t dhuök ke Yithriɛl, agokï Bɛ̈nydït lɔ gäm miɔ̈c ye nyop ëbɛ̈n, ku gëmkï ɣɔ̈k ayadäŋ ke ye miɔ̈c de mät.

Bɛ̈n 3:1

Kööl tök, Mothe aa tit thök ke Jethro, monywun, bɛ̈ny dïït de kake Nhialic de Midian. Na wën, ke Mothe ë tëm thök jɔ̈ɔ̈r kɔ̈u, leer keek ë jɔ̈ɔ̈r thok baŋ të lɔ aköl athɛ̈i. Go ɣet Thinai, kuur ë Nhialic.

Bɛ̈n 33:7

Ku ëtɛ̈ɛ̈n, Mothe aaye paany de mät piäät në wut këc biic ke mɛ̈ɛ̈c ke wut. Ku acɔl rin paany de mät. Ku raan ëbɛ̈n, raan de kë kɔɔr bï luɔp tëde Bɛ̈nydït, aaye lɔ ëtɛ̈ɛ̈n.

Danyel 10:3

Acïn kuïn mit cä cam, ayï rïŋ, ayï pïïu, ayï mɔ̈u, acïn kë cä jak, ku yɛn kën tɔc abï nïn kathiërrou ku tök wan.

Kuɛ̈n 10:29

Go Mothe lɛ̈k wën thuönde Ɣobap wën ë Rewel raan wun ë Midian an, “Wokï lɔ piny ɣɔn cïï Bɛ̈nydït thɔ̈n wook an bïï gäm wook. Acïï Bɛ̈nydït than nɔn bï yen Yithriɛl lɔ gäm kapiɛth kith ëtɛ̈ɛ̈n. Ka yïn, bä cathë we wook ëtök, ke yïn bï kapiɛthkë lɔ rɔm we wook.

Luk 14:1

Na ɣɔn, ke lɔ ɣön ë bɛ̈ny tök ë bäny ke Parithai yiic, le cam ë kuïn ëkööl ë Thabath, ku jɔkï toom guöp.

Luk 14:15

Na wën, ke raan tök ë kɔc wën rɛ̈ɛ̈r në yen ëtök tëde cäm, të cï en ee kakë piŋ, ke jɔ lueel an, “Thieithieei raan bï kuïn cam ë ciɛɛŋ de Nhialicic!”

1 Kor 10:18

Wɔikï ciɛɛŋ de Yithriɛl, ciɛɛŋdɛn ë läm: kɔc ee cam në ka cï läm Nhialic cïkï ee kɔc rɔm yïïŋ de läm ëtök?

1 Kor 10:21

We cïï dëk bï lëu në bïny de Bɛ̈nydït kekë bïny de jɔɔk rac ëtök: we cïï duëër rɔm ëtök ë pam ee kɔc cam, pam ë Nhialic kekë pam ë jɔɔk rac.

1 Kor 10:31

Yen na yak cam, ku yak dek, ayï të de yen kë bäk aa looi, yak käŋ looi kedhie ke Nhialic bï dhuëëŋ yök.

Nyöŋ 12:7

Në Bɛ̈nydït Nhialicdun lɔ̈ɔ̈m ëtɛ̈ɛ̈n, we bï cam, ku jakï piɔ̈ɔ̈th miɛt në bɛ̈ikun ëtök, në ka cäk keek looi ëbɛ̈n, ka cï Bɛ̈nydït Nhialicdun we thieei.

Nyöŋ 27:7

ku we bï aa näk ëtɛ̈ɛ̈n, ku camkï miɔ̈cduön de mät, ku jakï piɔ̈ɔ̈th miɛt ë Bɛ̈nydït Nhialicdun lɔ̈ɔ̈m.