Bɛ̈n 16:8 - JAM DE NHIALIC 2011

⁸ Ku lueel ë Mothe an, “Ee Bɛ̈nydït Yen abï we aa miɔɔc në rïŋ thëën, ku miɔɔc we në kuïn cït man ë kë kaarkï, në biäk cï Yen piŋ. Ku ë yic të duɔk wek në wook, ka wek dok në Bɛ̈nydït.”

Bɛ̈n 16:8 ပူးပေါင်းရင်းမြစ်များ

Bɛ̈n 16:12

“Yɛn ë dok de kɔc ke Yithriɛl piŋ. Abïk aa cuet në rïŋ thëën, na miäk adurduur ke ke cäm në kuïn cït man ë kë kɔɔrkï, ke bïk ŋic nɔn Yan Bɛ̈nydït Nhialicden.”

Bɛ̈n 16:9

Go Mothe lɛ̈k Aron an, “lɛ̈kë akutnɔm de kɔc ke Yithriɛl kedhie, ë ke bï bɛ̈n kɔ̈ɔ̈c në Bɛ̈nydït nɔm, në baŋ cï Yen dokden piŋ.”

Bɛ̈n 17:2

Agokï dok në Mothe luelkï an, “Gämë wo pïïu dekku.” Go Mothe puk nɔm an, “Eeŋö tɔ we dok? Eeŋö thɛ̈mkï Bɛ̈nydït?”

Yith 32:6

Raan piɔlpiɔ̈u aye guɔ ŋic në jamdɛn ë pialëpiɔ̈u ku täŋ rɛɛc kɔɔr bïï looi. Kë ye looi ku kë lueel ayek awäc tëde Bɛ̈nydït, ku acïï raan nɛ̈k cɔk duëër kɔn gäm këciɛm ku cïï raan nɛ̈k rou tɔ dëk.

Yith 37:29

Yɛn cï awerek jam në luɔi mëën yïn we Yɛn yök, ku lɛc leec yïn rɔt, ku ënɔɔnë yïn bä gɔn wum në alabithɔ, ku mäc yïthok joth, ku jat yïn pɔ̈k yïnɔm në kueer ɣɔn bï yïn.”

Kuɛ̈n 11:18

“Ku lɛ̈kë kɔc an, ‘Wakkï abäk gup lɔgɔk, në baŋ bä wek cuet në rïŋ miäk. Bɛ̈nydït ë dhiëndun piŋ, ayï luɔi kaar wek rïŋ, ayï luɔi cä wek ë lueel an ë we cï lɔ̈ŋ ɣɔn tɔ̈u wek Rip. Ku ënɔɔnë, Bɛ̈nydït abï we gäm rïŋ bäk cuet.

Kuɛ̈n 14:27

“Ee nɛn yen bïï akutnɔm cï thiäŋ në awɛ̈ɛ̈cë dok puɔ̈l në yɛn? Yɛn ë dok kithic piŋ tëde kɔc ke Yithriɛl.

Kuɛ̈n 21:7

Go kɔc ke Yithriɛl bɛ̈n tëde Mothe, ku luelkï an, “Wok cï wööc, në biäk cïï wok yï jääm guöp, ku jiëëmku Bɛ̈nydït guöp. Ku ënɔɔnë, läŋ Bɛ̈nydït bïï karɛc nyaai në woyiic. Go Mothe lɔ̈ŋ në biäk de kɔc.

Math 10:40

“Raan dɔm week ke dɔm ɛn aya, ku raan dɔm ɛn, ke dɔm raan ë toc ɛn.

Math 9:4

Go Yecu ka luekï ë kepiɔ̈ɔ̈th guɔ ŋic, ago lueel an, “Eeŋö tak wek kërac ë wepiɔ̈ɔ̈th?”

Luk 10:16

Go Yecu kɔckɛn ë piööcë yɔ̈ɔ̈k an, “Raan piŋ këdun, ka piŋ këdï, ku raan reec week, ka reec ɛn, ku raan reec ɛn, ka reec raan ë toc ɛn.”

Jɔn 13:20

Wek yɔ̈ɔ̈k ëyic an, “Raan gam raan bä tooc, ka gam ɛn, ku raan gam ɛn, ka gam raan ë toc ɛn.”

Romai 13:2

Ku raan ee bɛ̈ny ŋɛ̈ny, ka cï löŋ cïï Nhialic lueel ŋɛ̈ny, ku kɔc ee ŋeeny aya, abïk këtuc yök ë jamdenic.

1 Kor 10:10

Ku duökï ee dok ë weyäc aya, acït man cï kɔc kɔ̈k ë keyiic dok, ago ke nɔ̈k ë kë ye kɔc nɔ̈k.

1 Theth 4:8

Yen ka, raan reec pïŋ, acie raan en reec en këde piŋ, ee Nhialic, Raan cï we miɔɔc në Wëidïtkɛn ɣer.

1 Tham 8:7

ago Bɛ̈nydït lëk Thamwɛl an, “Piŋ këriëëc ëbɛ̈n lëk ë kɔc yïn. Acie yïn cï kɔc rɛɛc, ee Yɛn ë rɛɛckï ke Ya ye meliŋden,