Bɛ̈n 16:15 - JAM DE NHIALIC 2011

¹⁵ Na wën, aa tïŋ ë kɔc ke Yithriɛl en ke cïkï ŋic, agokï röt aa luɔp kapäc an, “Eeŋö ë kënë?” Go Mothe lɛ̈k keek an, “Ee yen kuïn cïï Bɛ̈nydït gäm week ka an bäk aa cam.

Bɛ̈n 16:15 ပူးပေါင်းရင်းမြစ်များ

Neɣe 9:15

“Ɣɔn cïï cɔk ke nɔ̈k acï ke bɛ̈n gäm kuïn paannhial, ku gämë ke pïïu ë bɔ̈ bei ë kuuric ɣɔn cïï kek yal. Acï lɛ̈k keek an, bïk piny cï than an bä gäm keek dɔm.

Neɣe 9:20

Në biäk de piathdu acï ke bɛ̈n lɛ̈k kë duëërkï looi, aake ye cääm në mana, ku gäm ë keek pïïu bïk dek.

Diɛt 105:40

Acïk thiëëc në rïïŋ bïk cam, go keek tuöc dhuööl ë thɔ̈rɔ̈ɔ̈l, acï keek gäm këcam paannhial bï keek tɔ kueth.

Diɛt 78:24

Acï keek gäm aɣar de paannhial, ku tuc keek mana (yen aye ŋö në thoŋda) bïk cam.

Bɛ̈n 16:31

Go baai de Yithriɛl kuïn cäk an mana (an eeŋö ë kënë?) Aa ye kuïn ɣer nyin cït man ë mïth ke kedhbera. Ku amit cït man ë bethkawith ë loi në kiëc.

Bɛ̈n 16:33

Go Mothe lɛ̈k Aron an, “Nöm töny, ku yiëkë yic lööth ke mana kaarou, ku tääuwë në Bɛ̈nydït nɔm ke bï dɔ̈t mïth bï lɔ̈ɔ̈k tɔ̈u wadäŋ.”

Bɛ̈n 16:4

Na wën, ke lëk ë Bɛ̈nydït Mothe an, “Wek bä aa wɛ̈ɛ̈r kuïn nhial aköölnyïïn. Ku kɔc abïk aa kuany në kuïïn bï ke lëu në ee köölë yetök. Yen abän keek jɔ them na bïk lööŋkï döt.

Kɛ̈ŋ 9:5

“Bäkï, lak cuɛ̈tkï në rïïŋdɛn cï thaal, ku dɛ̈kkï në mɔ̈n cï dhiim.”

Kuɛ̈n 21:5

Gokï Nhialic jääm guöp, ku jiëëmkï Mothe guöp aya, luelkï an, “Eeŋö bɛ̈ɛ̈i wek wo bei Rip, bäk wook bɛ̈n tɔ thou në jɔ̈ɔ̈ric? Acïn këcam ku acïn pïïu dek. Wok ë bäp në këcam rɛɛcë.

Luk 12:30

Kakë kedhie aye juöör ke piny nɔm ke kɔɔr: ku aŋic Wuöördun nɔn bä wek dhil dɛ kakë.

Jɔn 6:49

Kuarkun aake ye mana cam ë jɔ̈ɔ̈ric, ku acïk thou.

Jɔn 6:58

Kënë ee kuïn ë bɔ̈ piny paannhial: acïï cït man ɣɔn ye kuarkun cam në mana, ku yek thou, raan ë cam ë kuïnë abï pïïr athɛɛr.”

1 Kor 10:3

ku aake ye cam ë këcam töŋë këcam de wëi,

Nyöŋ 8:16

Acï week gäm mana ë jɔ̈ɔ̈ric bäk cam, këcam kën kuarkun kɔn cam. Acï we tuöc ka tuc thook them En ke week, aguɔkï athiɛɛi kekë kapiɛth jɔ yök në ke cök.

Nyöŋ 8:3

Ee week tɔ nɛ̈k cɔk ku gëm week mana bäk cam, kë cam kën ë kuarkun kɔn cam. Aa wëët week an raan acie pïïr ë këcam yetök raan ee pïïr ë jam cïï Bɛ̈nydït lueel.

Ɣeberuu 9:4

Ku kak ee nu thïn ee yïïŋ de nyum ë wal ŋïr cï cuëëc adhääp, ku athänduŋ de mät cï paat kɔ̈u piny në adhääp ëbɛ̈n ku ade yic käŋ kadiäk, kë tueŋ ee tööny adhääp de yic kuïn cɔl mana, kë ye kek rou ee thieny ë Aron wään cï kɔn nyok ku moc gaak, ku jɔ ya pɛɛm cï löŋ cï mac gäär ë kekɔ̈ɔ̈th.

Jocua 5:12

Na ɣɔn amiäk, ke mana ë jɔ kɔ̈ɔ̈c në löny. Ku gɔl ëtɛ̈ɛ̈n ku le tueŋ, kɔc ke Yithriɛl akënkï bɛ̈n bɛ cam në mana, ee kacaam ë com keek piny ë Kanaan kek ë yek cam.

Nyuuth 2:17

Raan de yïc, ke piŋ ke lëkë Wëidït ɣööt ke Nhialic. Raan ee tiam, abä päl cäm ë mana cï thiaan, ku abä miɔɔc në kɔi ɣer, kɔɔi cïï rin ë piɛc cak gɔ̈ɔ̈r ë yekɔ̈u, rin cïn raan ŋic keek, ee raan cï gäm en etök.