Bɛ̈n 15:26 - JAM DE NHIALIC 2011

²⁶ Lëk keek an, “Na bäk röl de Bɛ̈nydït Nhialic gam ë yic, ku bäk yic aa looi, ku dɔ̈tkï lööŋkï, wek cä bï tuöc jɔɔk cït jɔɔk wään cä tuöc kɔc ke Rip. Ee Yɛn Bɛ̈nydït raan ee we tɔ dem.”

Bɛ̈n 15:26 ပူးပေါင်းရင်းမြစ်များ

1 Mel 11:33

Në luɔi cï Tholomon A pɔ̈l, ku le yiëth kɔ̈k lam yï Acetoreth yanh ë Thidon ku Cemoc yanh ë Mowap ku Molek yanh de Ammon. Tholomon acïï kuɛɛrkï kuany yiic, ku looi yic në Yanɔm ku döt lööŋkï, ku lööŋ ɣɔn cä tääu piny bï ke lɔ̈ɔ̈k aa looi cït man ɣɔn ye wun Debid ke looi.

1 Mel 11:38

Na lɔ jam cä lɛ̈k yïn riëëu, ku të le yïn cath ë kuɛɛrkï yiic, ku loi yic në yanɔm bä lööŋkï döt kekë wëëtdï cït man cï Debid awundï ye looi, ke Yɛn bï tɔ̈u wo yïn, ku yɛn bï raan töŋ de dhiëndu tɔ ye melik ë caŋɣɔn në Yithriɛl, cït man cän raan töŋ de dhiën ë Debid aa melik ë caŋɣɔn ë Juda, ku kɔc ke Yithriɛl abä ke gäm yïn.

2 Mel 2:21

Go lɔ tëde nyin de pïïu ku cuɛt amilɔ thïn, ku lueel an, “Acï Bɛ̈nydït lueel an, Yɛn cï pïïukë looi ku ta ke piɛth, acïkï yiic bï bɛ dɛ thuɔɔu, ku acïï piny bï bɛ pɛ̈n luɔk.”

2 Mel 20:5

an, “Pɔ̈kë yïnɔm Ɣedhekia melik de kɔc ke Bɛ̈nydït, ku lɛ̈kë yen an, ‘Yɛn Bɛ̈nydït Nhialic de kuaar Debid, Yɛn cï lɔ̈ŋdu piŋ, ku tiëŋ dhiënduön cïï yïn dhiau. Yïn bä tɔ waar guöp. Në kööl ë diäk yïn bï lɔ Luaŋdït ë Bɛ̈nydït.

2 Mel 22:2

Acï këpiɛth looi në Bɛ̈nydït nɔm, ku ciɛth ë kueer ë Debid yic, akën rɔt yal ë biäk cam ayï cuëc.

Jop 5:18

Ee raan luöi tëtöök ku deer ke nyïïn ee raan yup ku aye tɔ dem.

Diɛt 103:3

Ë yïn päl awɛ̈ɛ̈c cä keek looi ku tɔ ya piɔl guöp tëde yen juäi, ë ya guöp.

Diɛt 147:3

Ee kɔc cï piɔ̈ɔ̈th jiɛth tɔ piɔl gup ku duut bɔ̈ɔ̈tken nyïïn.

Diɛt 81:9

Wek cïï yanh däŋ bï aa lam.

Bɛ̈n 12:29

Na ɣɔn akɔ̈u ë wɛ̈ɛ̈ric cil, ke Bɛ̈nydït ë näk kɛ̈ɛ̈i ëbɛ̈n piny ë Rip. Gɔl në kɛ̈i ë melik nu ë thööny nɔm, agut cï kɛ̈i ë raan mac aloocic. Ayï kɛ̈i ke läi acï ke bɛ̈n nɔ̈k kedhie.

Bɛ̈n 19:5

Ku ënɔɔnë, na bäk Ɛn piŋ thok ku dɔ̈tkï löŋdï, ke we bï aa kɔc ke naamdï. Piny nɔm ëbɛ̈n ee këdï, ku we bï ya kɔckï kɔc cä ke lɔc.

Bɛ̈n 19:6

Ku we ciɛɛŋ de bäny ke kake Nhialic tëde yɛn, ku yak jurdiën ɣeric. Kek wël bä ke lɔ lɛ̈k mïth ke Yithriɛl ka.

Bɛ̈n 20:2

“Ee Yɛn Bɛ̈nydït Nhialicdun, Nhialic ɣɔn bïï we bei Paan ë Rip, të ɣɔn lïïmë week thïn.

Bɛ̈n 23:25

Të la wek Ɛn aa lam, Yɛn Bɛ̈nydït Nhialicdun, wek bä thiëi kacaam ku pïïu, ku nyaai jɔɔkkun.

Yith 55:3

“Piɛŋkï ënɔɔnë, kɔckï ku bäkkï tëdï, bäkkï tëdï ku wek bï dɛk pïïr! Yɛn bï man bï tɔ̈u athɛɛr looi wo week ku gäm week athiɛɛi wään cän gutguut lɛ̈k Debid.

Yith 57:18

“Acä tïŋ yen të ye kek kaken luɔi thïn, ku abä ke tɔ waar. Abä ke wat ku kuɔny ke, ku yɛn bï kɔc dhiau duut piɔ̈ɔ̈th.

Jeremia 11:7

Wään bɛ̈ɛ̈i Yɛn kuarken bei ë Rip, Acä keek yɔ̈ɔ̈k arëët bïk Yɛn riëëu, ku Aya ŋoot ke ke yɔ̈ɔ̈k agut cï ee köölë.

Jeremia 17:24

“Lɛ̈kë kɔckï bïk lööŋkï dhil riëëu kedhie. Acïkï këriëëc thiek ëbɛ̈n bï dhil aa tëëk në kɛ̈l ke pänydït thook kedhie në Thabath yic. Abïk Thabath dhil döt ke ee kööl ɣeric, ku acïn luɔi bïk dhil aa looi thïn liŋliŋ.

Jeremia 30:17

Wek bä bɛ tɔ piath, ku ta bɔ̈ɔ̈tkun dem, cakaa nɔn ye kɔc ke aterdun ye lueel an, ‘Ye Dhiɔn kë cï cieen, acïn ee ye kuɔny.’ Acä lueel, Yɛn Bɛ̈nydït.”

Jeremia 33:6

Ku Yɛn bï ee pänydïïtë waar kekë kɔcke ku bɛ ke pɔ̈k nïïm pialëguöp. Abä ke nyuöth mändït ku rɛ̈ɛ̈r lɔ läŋ.

Jeremia 7:23

Ku acä ke yɔ̈ɔ̈k bïk Ɛn aa riëëu, aguɔ aa Nhialicden ku bïk aa kɔckï. Ku acä ke yɔ̈ɔ̈k bïk aa rëër cït man cän keek yɔ̈ɔ̈k, ago käŋ täu apiɛth në keek.

Jeremia 8:22

Cïn wal ë baam nu ë Giliyad? Cïn akïm nu ëtɛ̈ɛ̈n? Ka eeŋö kën ë kɔckï tɔ waar?

Edhekiɛl 18:5

“Tɛk däŋ de raan piɛth ë yic, apiɛthpiɔ̈u ku acie ruëëny.

Ɣodh 11:3

Ee Yɛn guöpdï, Yɛn ë wëët Yithriɛl në cäth. Ee Yɛn ë thaai keek, ku akuckï nɔn yen Yɛn ë tɔ keek dem.

Ɣodh 6:1

Aye kɔc ke Yithriɛl lueel an, “Bä wëlku wopiɔ̈ɔ̈th Bɛ̈nydït. Acï wook yiëk gup tëtöök, ku ee Yen abï wook tɔ waar. Acï wook gäm gup bɔ̈ɔ̈t, ku ee Yen abï ŋoot ke tɔ bɔ̈ɔ̈tkuɔ dem.

Lebai 26:13

Ee Yɛn Bɛ̈nydït Nhialicdun, raan ë bïï we bei ë Rip, aguɔkï cïï be aa lïïm ke kɔc ke Rip. Yɛn cï joth rɛk wek dhoŋ kɔ̈ɔ̈th, ku ta week cath ke we tɔ̈u nïïm nhial në nɔm lääu.”

Lebai 26:3

Na lak wëëtdï kuany cök ku yak lööŋkï riëëu apiɛth

Kuɛ̈n 12:13

Go Mothe Bɛ̈nydït lɔ̈ŋ an, “Yïn läŋ Nhialic, tɔ dem.

Nyöŋ 12:25

Të la wek löŋë riëëu, Bɛ̈nydït abï piɔ̈u miɛt, ku käŋ kedhie abïk piath tëde week ku kuatdun.

Nyöŋ 12:28

Riëëukï këriëëc cä gäm week ëbɛ̈n në piɔ̈n adöt, ku käŋ kedhie abïk piath tëde week ku kuatdun aɣet athɛɛr, në biäk yen kë yic yen loi, ku ye kë mit ë Bɛ̈nydït Nhialicdun piɔ̈u.

Nyöŋ 13:18

të cä wek lööŋkɛn cä gäm week ee köölë kedhie riëëu, ku luɔikï kë kɔɔr.

Nyöŋ 28:27

Bɛ̈nydït abï jɔŋ ee kɔc tɔ toŋ gup tuöc week, cït man cï Yen ë luöi kɔc ke Rip. Abï tëtöök tɔ tuc ë wegup. We bï gup thiäŋ në piär, ku we bïï kuuk gup, ku abï ciën kë bï we tɔ waar.

Nyöŋ 28:58

“Na kënkï wɛ̈ɛ̈t de Nhialic ëbɛ̈n riëëu, wɛ̈ɛ̈t cï gɔ̈ɔ̈r në awerekë yic, ku na kënkï rin ke Bɛ̈nydït Nhialicdun riëëu, rin ke gäi, rin ye kɔc riɔ̈ɔ̈c,

Nyöŋ 28:60

Abï week yiɛ̈n jɔɔk tuc thook ɣɔn bäk keek kɔn yök ë Rip kedhie, ku we cïï gup bï kɔn waar taitai.

Nyöŋ 32:39

“Ee yɛn aye Nhialic yatök, acïn yanh däŋ tɔ̈u në yalɔ̈ɔ̈m. Yɛn ee näk, ku yɛn ee wëi gam, yɛn ee bɔ̈t looi, ku yɛn ee pial de guöp bɛ̈ɛ̈i.

Nyöŋ 5:1

Go Mothe kɔc ke Yithriɛl cɔɔl tëtök kedhie ku yöök keek, an, Wek kɔc ke Yithriɛl piɛŋkï lööŋ gäm ke week ee köölë, ŋiɛckï keek ëgɔk, ku dhiɛlkï keek riëëu.

Nyöŋ 7:15

Bɛ̈nydït abï we gël në jɔɔk ëbɛ̈n, ku acïï week bï yiɛ̈n jɔɔk rac cït ka cäk keek yök ë Rip, ku abï keek yiɛ̈n kɔc ke aterdun kedhie.