Bɛ̈n 15:25 - JAM DE NHIALIC 2011

²⁵ Go Mothe Bɛ̈nydït lɔ̈ŋ në piɔ̈nde ëbɛ̈n, go Bɛ̈nydït e nyuöth tim. Na wën, ke Mothe ë nöm tim ku cuɛt ë pïïuwiic, go pïïu miɛt. Na wën, ke gëm ë Bɛ̈nydït ke lööŋ ëtɛ̈ɛ̈n, lööŋ ke rëër, ku them keek ëtɛ̈ɛ̈n ayadäŋ.

Bɛ̈n 15:25 ပူးပေါင်းရင်းမြစ်များ

2 Mel 2:21

Go lɔ tëde nyin de pïïu ku cuɛt amilɔ thïn, ku lueel an, “Acï Bɛ̈nydït lueel an, Yɛn cï pïïukë looi ku ta ke piɛth, acïkï yiic bï bɛ dɛ thuɔɔu, ku acïï piny bï bɛ pɛ̈n luɔk.”

2 Mel 4:41

Go Elica aɣaar tɔ bïïyë, ku jɔ wäl ë tönyic, ku lueel an, “Wälkï kɔc bïk cam.” Ku acïn awuɔɔk cï bɛ̈n yök në tönyic.

2 Mel 6:6

Go ë raan de Nhialic luɔp an, “Cï lööny të nou?” Na wën cï raan tëde nyooth, go Elica tem tim ku cuɛt ëtɛ̈ɛ̈n, go yiëm ë wëëth tɔ thɔɔr.

Diɛt 50:15

Ye ya cɔɔl në kööl cïï nuan bɛ̈n, yïn bä kony, ka yïn bï Ya dhuëëŋ guöp.”

Diɛt 66:10

Nhialic, Yïn cï wo tääu në thëmic, cït man ye ateek lëëŋ në mac yen luöi cï Yïn wo them ka.

Diɛt 81:7

Wään nu Yïn ë nuanic, yïn cï ya cɔɔl, guɔ yï kony. Yɛn cï lɔ̈ŋdu bɛ̈ɛ̈r tëdiën cän thiaan thïn. Ku thɛm yïn në nyin de Meriba.

Diɛt 91:15

Të cɔɔl kek Ɛn, Yɛn bï cɔ̈tden piŋ, tëde yen nuan cï ke yök, yɛn bï tɔ̈u wo keek. Ku abä keek luäk bei, ku dhuɛ̈ɛ̈ŋ keek gup.

Diɛt 99:6

Mothe kekë Aron aake ye bänykɛn ke kake Nhialic, ku Thamwɛl aa ye raan ee yen lɔ̈ŋ, ayek Bɛ̈nydït cɔɔl, ku ee lɔ̈ŋden bɛ̈ɛ̈r.

Bɛ̈n 14:10

Na wën, aa tïŋ ë kɔc ke Yithriɛl melik ë Rip ke bɔ̈ të nu kek thïn kekë rem de tɔŋde, ke ke riɔ̈c arëët, ku cɔlkï Bɛ̈nydït an luɛ̈k keek.

Bɛ̈n 16:4

Na wën, ke lëk ë Bɛ̈nydït Mothe an, “Wek bä aa wɛ̈ɛ̈r kuïn nhial aköölnyïïn. Ku kɔc abïk aa kuany në kuïïn bï ke lëu në ee köölë yetök. Yen abän keek jɔ them na bïk lööŋkï döt.

Bɛ̈n 17:4

Go Mothe Bɛ̈nydït lɔ̈ŋ në piɔ̈n tök lueel an, “Eeŋö bä jɔ luöi ee kɔckë Bɛ̈nydït? Akɔɔrkï bïk ɛn biɔ̈ɔ̈k në kur.”

Bɛ̈n 20:20

Go Mothe puɔ̈k nɔm keek an, “Duökï riɔ̈c. Nhialic abɔ̈ tei bï we bɛ̈n them, ku riɔ̈ɔ̈c riääc wek ë yen acïï we bï tɔ loi kërac.”

Kɛ̈ŋ 17:3

Bɛ̈nydït ee kɔc them piɔ̈ɔ̈th, cït man ye adhääp kekë ateek them në mac.

Jeremia 15:1

Na wën, go ë Bɛ̈nydït lɛ̈k ɛn an, “Acakaa Mothe kekë Thamwɛl kek ë läŋ Yɛn eenë, Yɛn cïï ee kɔckë duëër nyuöth kokëpiɔ̈u. Tɔ keek lɔ biic, tɔ keek jël ë Yanyin.

Jeremia 9:7

Në biäk de ee kënë acï Bɛ̈nydït de rɛm lueel an, “Yɛn bï kɔckï lëëŋ cï wëëth, ku thɛm keek. Kɔckï acïk kërac looi, eeŋö däŋ duëër luöi keek?

Edhekiɛl 47:7

na wën la ɣet ëtɛ̈ɛ̈n, guɔ tiim juëc tïŋ ëtɛ̈ɛ̈n ë kiir nɔm biäkë ku biäkë.

Edhekiɛl 47:8

Go lɛ̈k ɛn an, “Pïïukë ayek piny reetic ëbɛ̈n ke ke lɔ aköl amiäk, ku lekï ë Wak de Jordan yic, ku Wɛ̈ɛ̈r de Amilɔ. Ku të cï kek lɔ në Wɛ̈ɛ̈r de Amilɔ yic, ee pïïu cï wac tɔ̈u ee wɛ̈ɛ̈rë yic waar në pïïu piɛth.

1 Kor 1:18

Ku guiëër ë wël ke tim cï rïïu nɔm ee këɣɔ̈ric tëde kɔc bï määr, ku ye riɛldït ë Nhialic tëde wook wok kɔc kony wëi.

Nyöŋ 13:3

duökï wël ee tiëtë gam taitai. Acïï Bɛ̈nydït Nhialicdun keek tɔ ee ka bïï ë week them, ago ë Bɛ̈nydït ŋic na nhiaarkï ë wepiɔ̈ɔ̈th ëbɛ̈n.

Nyöŋ 8:16

Acï week gäm mana ë jɔ̈ɔ̈ric bäk cam, këcam kën kuarkun kɔn cam. Acï we tuöc ka tuc thook them En ke week, aguɔkï athiɛɛi kekë kapiɛth jɔ yök në ke cök.

Nyöŋ 8:2

Yak we nïïm tak, në luöi wään cïï Bɛ̈nydït week wat ë jɔ̈ɔ̈ric në ee runkë yiic kathiërŋuan, ku ye we tuöc ka tuc thook them En ke week, ago kë kaarkï bäk looi ŋic, ku na bäk lööŋke riëëu.

Bäny 2:22

Yɛn bï Yithriɛl aa them në keek, na bïk cath apiɛth në kueer de Bɛ̈nydït cït man ee kuarken e looi.

Bäny 3:1

Na ɣɔn ke Bɛ̈nydït ë nyiëëŋ juöör kɔ̈k piny, bïk kɔc ke Yithriɛl them, kɔc kën tɔŋ kɔn thɔ̈ɔ̈r ë kɔc ke Kanaan.

Bäny 3:4

dɔ̈ŋ bïk aa ka themë kɔc ke Yithriɛl, na bïk lööŋ ke Bɛ̈nydït riëëu, lööŋ ɣɔn gëm ë kuarken në kueer ë Mothe.