Bɛ̈n 15:2 - JAM DE NHIALIC 2011

² Bɛ̈nydït yen aye riɛldï, ee yen ë kony ɛn. Ee yen ee Nhialicdï, ka abä leec. Ee Nhialic de awuur, ka abä piɔ̈ny dhuëëŋde.

Bɛ̈n 15:2 ပူးပေါင်းရင်းမြစ်များ

Cäk 17:7

“Ku Yɛn bï thöndiën cä lɛ̈k yïn döt. Ku dɔ̈t wokë mïthku në rɛm bï lɔ̈ɔ̈k bɛ̈n, ke mät ë cïï kɔ̈u bï tɛɛm aɣet athɛɛr. Ku Yɛn bï ya Nhialicdu, ku ya Nhialic de mïthkuön bï lɔ̈ɔ̈k tɔ̈u në yïcök.”

Cäk 49:18

“Yɛn tit kuɔɔnydu Bɛ̈nydït.

2 Tham 22:3

Nhialicdï Yen ee kuurdï. Yɛn duëër kat ke ya lɔ tëde Yen ke bï ya kony. Yen ee köndï ku Ye konydiën ril, Yen ee ya gël ku Yen ee tëdiën ee kuɔɔny. Ku Bɛ̈nydït acï yɛn luök në akuöörkuööric.

2 Tham 22:47

Bɛ̈nydït apïïr! Yak gëlgëldï lɛc nɔm! Yak dït de Nhialic ee ya kony luɛɛl!

2 Tham 22:51

Nhialic ee melikde gäm tiëm dït, Ee melikdɛn cï lɔc nyuöth nhiëërdɛn agɔk, gëm Debid ku kuatde ëbɛ̈n aɣet athɛɛr.

2 Tham 7:24

Ku yïn cï kɔc ke Yithriɛl tɔ ee kɔcku aɣet athɛɛr, ku Yïn Bɛ̈nydït, Yïn cï aa Nhialicden.

2 Tham 7:5

“Lɔɔ ku yɔ̈ɔ̈kë lïmdï Debid an, ‘Kë lueel ë Bɛ̈nydït kï an acie yïn bï Yɛn yiëk Luaŋdït bän rëër thïn.

1 Mel 8:13

Ënɔɔnë Yïn cä luöi Luaŋdïït dik arëët, të bï Yïn rëër thïn aɣët athɛɛr.

1 Mel 8:27

“Ku bï Nhialic rëër ë pinynɔm ë yic? Paannhial ku të nhial, acïï Yï duëër lëu ë muk, ku Luaŋdïït cä yïk duëër Yï muk adï? Cïï koor aläl?

1 Lëk 16:14

Bɛ̈nydït ee Nhialicda, lööŋke ayek kake pinynɔm ëbɛ̈n,

Diɛt 109:1

Nhialic Yïn bä leec, du rɔt pɛ̈l piny ke Yï mim!

Diɛt 118:14

Bɛ̈nydït acï ya riit piɔ̈u ku gëm a riɛl, acï yɛn kony wëi.

Diɛt 118:21

Bɛ̈nydït, yïn bä piɔɔny, në biäk cïn yɛn piŋ thok, ku në biäk cï yïn yɛn tɔ tiëm.

Diɛt 118:28

Yïn ee Nhialicdï, ku Yïn bä gäm lɛc, yɛn bï dïtdu lɛ̈k raan ëbɛ̈n.

Diɛt 132:5

agut të bä yɛn tëde Bɛ̈nydït looi, ɣön de Awärjäŋ Nhialic de Jakop.”

Diɛt 140:7

Bɛ̈nydït konydiën ril, yïn cï ya gël ë tɔŋ yic.

Diɛt 145:1

Yɛn bï dïtdu aa thieei Nhialinydï ku ë meliŋdï, Yïn bä leec aɣet athɛɛr ku athɛɛr.

Diɛt 18:46

Bɛ̈nydït apïïr! Pianykï Raan ë ya gël! Luɛɛlkï dït de Nhialic raan ë kony ɛn.

Diɛt 22:10

Ku yɛn ë rɔt kan në yïn ë cieŋ ë dhiëëth ë ya, ku yïn aye Nhialicdï ë ceŋ ë dhiëëth ë ya.

Diɛt 22:3

Ku ee Yïn anu në thööc nɔm ke Yï ye raan töŋ ɣeric, Raan töŋ ye kɔc ke Yithriɛl piɔɔny.

Diɛt 27:1

Bɛ̈nydït ee ɣɛɛrdï ku ee konydï, acïn raan duɛ̈ɛ̈r ɛn bɛ riɔ̈ɔ̈c. Bɛ̈nydït yen aye yɛn gël ë kërac ëbɛ̈n, yɛn cïï bï kɔn riɔ̈ɔ̈c.

Diɛt 28:8

Bɛ̈nydït ee riɛl de kɔcke. Ee melikdɛn cï lɔc gël.

Diɛt 30:1

Yïn bä piɔɔny Bɛ̈nydït, në luöi cï Yïn ya luök. Yïn kën kɔc de wok ater tɔ thuɛ̈ɛ̈c në yɛn.

Diɛt 34:3

Luɛɛlkï dït de Bɛ̈nydït në yɛn ëtök, piɔnyku rinke ëtök!

Diɛt 48:14

“Nhialicë ee Nhialinyda aɣet athɛɛr, abï wo wat në nïn bɔ̈ tueŋë yiic kedhie.”

Diɛt 59:17

Nhialic riɛldï, Yïn bä piɔɔny në diɛt, Nhialic ee gëlgëldï, Nhialiny ee yɛn nyuöth nhiëër agɔk.

Diɛt 68:20

Nhialicda ee Nhialic de kuny de wëi, ku Bɛ̈nydït ee Bɛ̈nydïïtda, raan ë kony wook në thuɔɔuwic.

Diɛt 99:5

Pianykï Bɛ̈nydït Nhialinyda, lämkï ë thööcde nɔm! Yen Aɣeric!

Diɛt 99:9

Pianykï Bɛ̈nydït Nhialinyda, ku yak lam në kuurdɛn ɣeric nɔm! Bɛ̈nydït Nhialinyda aɣeric.

Bɛ̈n 14:13

Go Mothe puk nɔm an, “Duökï riɔ̈c! Rɛ̈ɛ̈rkï ë lik, wek bï kuɔɔny ë Bɛ̈nydït tïŋ ee köölë. Ka kɔc ke Rip woikï keek kë, acäkkï keek bï bɛ tïŋ anandun.

Bɛ̈n 3:6

Ee Yɛn Nhialic de kuarkun, Nhialic de Abraɣam kekë Yithaak ku Jakop.” Go Mothe riɔ̈ɔ̈c luɔi bï yen Nhialic woi, go yenyin kum.

Bɛ̈n 4:22

Ku abä dhiɛl guiëër melik ëgɔk an, ‘Acïï Bɛ̈nydït lueel an Yithriɛl yen aye wën kɛ̈idï.

Bɛ̈n 40:34

Na wën, ke luät ë kum paany de mät piny, ku jɔ riau dïït lɔ wic ye thiɔ̈ɔ̈ŋic, riau de dhuëëŋ de Bɛ̈nydït.

Bɛ̈n 6:7

Të lan week luäk bei në kɔc ke Rip cin, ku gäm week nɔmlääu, abäk jɔ ŋic ëgɔk nɔn ee Yɛn Bɛ̈nydït Nhialicdun ë yic. Wek bä tɔ ye kɔc ke naamdï, ku Yɛn bï ya Nhialicdun.

Yith 12:2

Nhialic ee konydï, abä ŋɔ̈ɔ̈th ku cä riɔ̈c. Bɛ̈nydït Nhialic ee ya gäm gök de riɛl, Yen ee konydï

Yith 25:1

Bɛ̈nydït Yïn ee Nhialicdï, Yïn bä dhuëëŋ guöp ku lɛɛc rinku. Yïn cï kagɛ̈iyë looi, në piɔ̈nduön adöt Yïn cï kakuön cï kiëët ɣɔn thɛɛr looi.

Yith 45:17

Ku Yithriɛl abï Bɛ̈nydït kony, ku tiëmde abï tɔ̈u athɛɛr, kɔcke acïï ke bï kɔn yɔ̈ɔ̈r gup.”’

Yith 49:6

Go ë Bɛ̈nydït lɛ̈k ɛn an, “Yɛn de këdïït luɔɔi në biäkdu, yïn awundï. Acie biäk bïï yïn dhiëën ke Jakop tɔ dït, ku ta Yithriɛl cï döŋ apïïr puk nɔm yetök, ku yïn bä tɔ ye ɣɛɛr de juöör aya, ago kɔc ke piny nɔm kony wëi.”

Yith 66:1

Aye Bɛ̈nydït lueel an, “Të nhial yen ee thööcdï ku piny nɔm yen ee të Yɛn a cök dhɔ̈ɔ̈r. Ee ɣön yïndï, duɛ̈ɛ̈rkï yiɛ̈k ɛn, ku ye të yïndï duɛ̈ɛ̈r ɛn rëër thïn?

Jeremia 3:23

Wok cie kony taitai në lämdan ë yiëth ë kur nïïm. Kuɔɔny de Yithriɛl ee bɛ̈n tëde Bɛ̈nydït Yetök Nhialicda.

Jeremia 31:33

Ku Löŋ cï piac mac bä looi wo baai de Yithriɛl yekï: Yɛn bï löŋdï tääu ë keyiic ku gäär ë kepiɔ̈ɔ̈th. Yɛn bï aa Nhialicden, ku abïk aa kɔckï.

Jeremia 32:38

Ku abïk aa kɔckï, ku Yɛn bï aa Nhialicden.

Ɣabakuk 3:13

Yïn ë lɔ biic lɔ kɔcku kony, lɔ melikduön cï lɔc kony. Yïn ë bäny ke kɔc ee karɛc looi dhiac nïïm ayï kɔckɛn ee keek kuany cök.

Dhek 13:9

Ku biäk thiin cï döŋë abä dhiim apiɛth, cït man ye ateek dhiim në mac, dhiɛɛm keek në dhiëm adhääp. Ku ëtɛ̈ɛ̈n, abïk ɛn jɔ aa lɔ̈ŋ, ku abä keek aa piŋ thook. Abä nyuöth keek nɔn ye kek kɔckï, ku abïk jɔ gam nɔn yan Nhialicden.

Luk 1:77

Bä kɔcke tɔ ŋic kunydɛn ë wëi. Në nyiɛɛi bï karɛcken nyaai,

Luk 2:30

Kunyduön ë wëi acä tïŋ ë yanyin,

Jɔn 4:22

Wek ee kë kuöckï lam: ee kë ŋicku yen ayok lam: kunydewëi abɔ̈ tëde Judai.

Jɔn 5:23

Ke kɔc ë ke bï Wënde aa riëëu kedhie, cït man ee kek Wääda riëëu aya, raan ë toc e.

Luɔi 4:12

Ku kunydewëi aliu në raan däŋ: ku acïn rin kɔ̈k ë pinynɔm, rin cï gäm kɔc, rin bï wo dhil kony wëi në keek.”

2 Kor 5:19

Luɔi ë nu Nhialic ë Kërtho yic, ee piny nɔm tɔ mät në yen, ku luɔi cïï en ka cïï kɔc wööc ee mac ë keyiëth, ago jam de mät tääu ë wocin.

Epethiei 2:22

Ku week aya, we cï yiëk thïn ëtök bäk aa ɣön bï Nhialic cieŋ në Wëidïtke.

Nyöŋ 10:21

Yak leec. Ee Nhialicdun, ku acäk keek tïŋ ë wenyïïn wapäc, kek kadït ku göök dït cï ke luöi week.

Pilipoi 2:11

go liëp ëbɛ̈n Yecu Kërtho gam an, ee Bɛ̈nydït, ke Nhialic Wääda bï dhuëëŋ yök.

Pilipoi 4:13

Yɛn ee këriëëc lëu ë luɔi ëbɛ̈n në yen, yen raan ë ya gäm riɛl.

Kolothai 2:9

Yen aye raan rëërë kuɛth ë Nhialic ëbɛ̈n ë yeguöp.

Nyuuth 15:3

Ku kitkï din ë Mothe lïm ë Nhialic, ku din ë Nyɔŋamääl, luelkï, an: “Yïn Bɛ̈nydït Nhialic Awärjäŋ, luɔidu adït ee kɔc tɔ gäi! Yïn Melik de Juöör kuɛɛrku apiɛthkï ku yek yith!

Nyuuth 19:1

Na wën, aacï kakë thök, ke ya piŋ röl dïït ë kut dïït ë kɔc paannhial, ke luelkï an, “Aleluya! Kunydewëi, ku dhuëëŋ, ku riëëu, ku riɛldït, ayek kake Bɛ̈nydït Nhialicda!

Bäny 5:21

Ku lak Amool de Kicon keek wei në kuëërdïït de Kiir ë Kicon. Yɛn bï lɔ tueŋ ke ya cath në riɛl.