Bɛ̈n 15:11 - JAM DE NHIALIC 2011

¹¹ “Eeŋa kït ke Yïn Bɛ̈nydït, në yiëthiic ëbɛ̈n? Eeŋa kït ke yïn në dhuëëŋ de ɣɛɛrë piɔ̈u? Eeŋa duëër ka dït ke gäi looi cït man ë Yïn?

Bɛ̈n 15:11 ပူးပေါင်းရင်းမြစ်များ

2 Tham 7:22

Yïn adït, Bɛ̈nydït Nhialic! Acïn raan däŋ cït yïn, kë ŋicku wodhie, acïn Nhialic däŋ ee yïn yïtök!

1 Mel 8:23

Ku lɛ̈ŋ an, “Nhialic de Yithriɛl, acïn Nhialic cït Yïn paannhial ku piny. Yïn ee kë cï than piny döt ku nyuöthë nhiëërduön agɔk raan ëbɛ̈n, raan ee Yïn riëëu ku Ye kɔɔr ë piɔ̈nde ëbɛ̈n bïï këde piɔ̈ndu aa looi.

1 Lëk 16:25

Nhialic adït ku yen abï ya piɔny, yen abï aa dhuëëŋ guöp awär yiëth kedhie.

2 Lëk 2:5

Acä tak bä Luaŋdït yïk ke dït, në luɔi dïït ë Nhialicda awär yiëth kɔ̈k.

2 Lëk 6:14

Ku lɛ̈ŋ an, “Bɛ̈nydït Nhialic de Yithriɛl, acïn Nhialic däŋ cït Yïn paannhial ku piny. Yïn ee löŋduön cï mac we kɔcku muk ku ye keek nyuöth nhiëërduön agɔk të cï kek Yï riëëu në kepiɔ̈ɔ̈th ëbɛ̈n.

Diɛt 113:5

Acïn raan cït Bɛ̈nydït Nhialicda. Yen arɛ̈ɛ̈r të mec nhial,

Diɛt 119:120

Yɛn ee riɔ̈ɔ̈c në biäkdu, yɛn cï yic thiäŋ wokë riɔ̈ɔ̈c, në biäk de guiëër ë löŋdu.

Diɛt 136:4

Yen Yetök Yen e kagɛ̈iyë looi nhiëërdɛn agɔk atɔ̈u athɛɛr.

Diɛt 145:17

Bɛ̈nydït apiɛthpiɔ̈u në ka ye looi yiic ëbɛ̈n, ee piɔ̈u kok ë ka looi keek kedhie.

Diɛt 22:23

Lɛckï Bɛ̈nydït wek awuut ke Bɛ̈nydït! Riëëukï guöp wedhie wek kuat de Jakop! Yak lam wek kɔc ke Yithriɛl wedhie.

Diɛt 35:10

Ku abä ja lɛ̈k Bɛ̈nydït në yapiɔ̈u ëbɛ̈n an, “Acïn raan thöŋ ke yïn. Yïn ee raan kɔ̈c gël në raan ril ku gël raan kuany nyin në raan yɔŋ en.”

Diɛt 60:2

Yïn cï piny tɔ lɛthë ku tɔ retë yic, ënɔɔnë nuat ɣään cï dhuɔɔŋ, në baŋ kɔɔr en kuɛɛm.

Diɛt 66:5

Bäär tïŋ kë cï Nhialic looi, kadït ke gäi cï luöi kɔc.

Diɛt 77:11

Bɛ̈nydït yɛn bï göökkuön cï looi tak, yɛn bï kake gäi cï looi ɣɔn thɛɛr bɛ aa tak.

Diɛt 77:14

Yïn ee Nhialic ee kake gäi looi, Yïn cï riɛldu nyuɔɔth ë juööriic.

Diɛt 77:19

Yïn ee cath në apiöökic, ku tem wɛ̈ɛ̈r thuth, ku të cï käc në Yïcök acïï duëërë tïŋ.

Diɛt 86:10

Yïn dït aläl ku ye kadït ke gäi looi. Yïn Yïtök Yïn aye Nhialic.

Diɛt 86:8

Bɛ̈nydït acïn yanh cït Yïn, acïn töŋ cï ka cït ee ka cï looiyë looi.

Diɛt 89:18

Yïn Bɛ̈nydït lɔ̈cë wook könda, Yïn Nhialic Ɣeric de Yithriɛl gämë wook meliŋda.

Diɛt 90:11

Eeŋa duëër tuöc de agönhdu ŋic? Eeŋa ŋic riɔ̈ɔ̈c duëër agönhdu bɛ̈ɛ̈i?

Bɛ̈n 18:11

Acä jɔ ŋic nɔn Yen Bɛ̈nydït Yen dït awär yiëth kedhie. Në luɔi cï yen kɔc ke Yithriɛl luök ɣɔn luui ë kɔc ke Rip keek në dhääl.”

Bɛ̈n 20:3

“Yïn cïï nɔm bï dɛ yiëth kɔ̈k të cïn Ɛn.

Bɛ̈n 3:20

Ku riɛldï abä nyuɔɔth. Yɛn bï kake gäi tuc thook looi ë Rip. Ku në ee kakë cök kedhie, melik de Rip abï week jɔ puɔ̈l ajäl.

Bɛ̈n 8:10

Go melik lɛ̈k en an, “Läŋë në biäkdï miäk.” Go Mothe lɛ̈k en an, “Apiɛth, yɛn bï lɔ̈ŋ në biäkdu miäk, ke bä jɔ ŋic nɔn cïn en Bɛ̈nydït däŋ kït ke Nhialicda.

Bɛ̈n 8:6

Ago Aron thieec yaak nhial në pïïu nïïm ëbɛ̈n, go agueek bɛ̈n bei wïïr ë ke juëc, ku thiäŋkï piny ë Rip ëbɛ̈n.

Bɛ̈n 9:14

Në ee kë ciëënë, acie bänyku, ku kɔcku kek bä luöi këtuc kapäc. Yïn guöpdu, yïn bä luöi këtuc ayadäŋ. Yen abï yïn en jɔ ŋic nɔn cïn en raan kït ke Yɛn në piny nɔm ëbɛ̈n.

Yith 30:11

Pätkï wo kueer, duökï kueerda thiɔ̈k. Wo cïï köör buk pïŋ ë wël ke Nhialicduön Ɣeric de Yithriɛl.”

Yith 40:18

Ku eeŋa duëërë thɔ̈ŋ Nhialic? Duëërë täu de Nhialic kiëët adï?

Yith 40:25

Duëërë Nhialic ɣeric jɔ thiɔ̈ŋ ŋö? De raan däŋ cït En.

Yith 46:9

Takkï wenïïm në kë cï rɔt looi ɣɔn thɛɛr, ŋiɛckï ee Yɛn A tök Yɛn ee Nhialic ku acïn raan däŋ cït Yɛn.

Yith 57:15

“Yɛn adït ku Ya Nhialic ɣeric, raan tɔ̈u aɣet athɛɛr. Yɛn rɛ̈ɛ̈r të thöny ku tëɣeric, ku Yɛn ee rɛ̈ɛ̈r aya wo kɔc cï röt kuɔɔr piny ku cïk kepiɔ̈ɔ̈th puk, aguɔ keek gäm aŋäthdï, ku riëtëpiɔ̈u.

Yith 6:3

Aake ye röt cɔɔl an, “Aɣeric Aɣeric, aɣeric! Bɛ̈nydït de rɛm aɣeric! Dhuëëŋde ë piny thiɔ̈ɔ̈ŋ nɔm.”

Jeremia 10:16

Nhialic de Jakop acïï cït keek, ee Yen ee Raan ë loi këriëëc ëbɛ̈n, ku lɔc Yithriɛl bïï aa kɔcke. Bɛ̈nydït de rɛm Yen aye rinke.

Jeremia 49:19

Yɛn bï bɛ̈n cït man ë köör bɔ̈ bei në tiim lɔ thïk në Jordan yɔu, ke bɔ̈ në wal tɔ̈c yiic, ku ta kɔc ke Edom tɔ kɔt ëthiäu pinyden. Ku bɛ̈ny bä lɔc abï jur jɔ ceŋ. Eeŋa duëër ë thɔ̈ɔ̈ŋ ke yɛn? Eeŋa duëër Yɛn guääk? Ee bɛ̈ny ŋa duëër teer ke Yɛn?

Lebai 19:2

an, “Jäämë akutnɔm de kɔc ke Yithriɛl, ku lɛ̈kë keek: an, ‘Yak piɔ̈ɔ̈th ɣɛɛr në luɔi ɣɛɛr Ɛn piɔ̈u, Yɛn Bɛ̈nydït Nhialicdun.’

Maika 7:18

Go Maika lueel, an, “Acïn Nhialic däŋ kït ke Yïn Bɛ̈nydït, Yïn ee kɔckuön lik cï döŋ apïr päl awɛ̈ɛ̈cken. Yïn cïï agönhdu ee cuuth aɣet athɛɛr. Ku Yïn kɔɔr bä wo nhiaar në nhiëërduön agɔk.

Luk 12:5

Ku we bä nyuöth raan bä wek aa riɔ̈ɔ̈c ë yen: Yak riɔ̈ɔ̈c në raan ë kɔc kɔn nɔ̈k abïk thou, na ëlë, ke de riɛl bï en ke cuat ë giɛna yic, yeka, wek yɔ̈ɔ̈k an, Yak riɔ̈ɔ̈c në yen!

Nyöŋ 1:30

Bɛ̈nydït Nhialicdun, raan nu ë wenïïm abï week thäär tɔŋ, cït man wään cï Yen e luöi week ë Rip, ke we daai në wenyïïn.

Nyöŋ 3:24

‘Yïn Awärjäŋ Bɛ̈nydït, aŋiɛc nɔn cï yïn yɛn nyuöth luɔi ë gɔl ë kakuön ke gäi röt ku ka bä keek lɔ looi. Acïn yanh nu nhial ayï pinynɔm, yanh duëër göök dït looi keek looi.

Nyöŋ 33:26

Kɔc ke Yithriɛl acïn yanh cït Nhialicdun, Raan ë paannhial rɛɛtic ke luäk week, ku ee cath ë luät yiic ke bï we bɛ̈n kony.

Nyöŋ 4:34

De yanh cïï jur kɔn bɛ̈ɛ̈i bei në jurdäŋ yic, ku tɔ keek ee kɔcke, cït man cï Bɛ̈nydït Nhialicdun ye luöi week ë Rip? Ke woikï ë wenyïïn, acï riɛldɛndït kekë riɛl luɔɔi, acï kuöm ku tɔɔŋ bɛ̈ɛ̈i, ku looi göök ku kak ke gäi, ku kadït ee riɔ̈ɔ̈c tɔ loi rɔt.

Nyuuth 13:4

agokï ŋuäl lam, ŋuäl cï lɛ̈n rac gäm riɛlde, ku lamkï lɛ̈n rac, luelkï, an, “Eeŋa kït kekë lɛ̈n rac? Ku ye ŋa duëër biök ke ye?”

Nyuuth 15:4

Eeŋa cïï duëër riɔ̈ɔ̈c ë yïn, ku cïï rinku e leec, yïn Bɛ̈nydït? Yïn yïtök yïn aɣeric. Juöör abïk bɛ̈n kedhie bïk bɛ̈n lam ë yïnɔm, në tïc cï luɔiduön piɛth guɔ tïc.”

Nyuuth 4:8

Ku läike kaŋuan adekï kɔ̈ɔ̈th wuök kadhetem kedhie, ku acïk thiäŋ ë nyïïn biäk biic ku keyiic thïn, ku acïkï ee lɔ̈ŋ aköl ayï wakɔ̈u, ayek lueel, an, “Aɣeric, Aɣeric, Aɣeric, yen Bɛ̈nydït Nhialic Awärjäŋ, Bɛ̈nydït ë nu, ku nu, ku bï bɛ̈n.”

1 Tham 2:2

“Acïn raan ɣeric cït Bɛ̈nydït, acïn raan töŋ duëër kït kekë Yïn, acïn kony nu cït Nhialicda,