Bɛ̈n 14:4 - JAM DE NHIALIC 2011

⁴ Abä tɔ ril nɔm ka bï we kuany cök. Ku yɛn bï dhuëëŋ yök të lan melik tiaam kekë remde. Yen abïï kɔc ke Rip Ya jɔ ŋic nɔn Yan Bɛ̈nydït. Go kɔc ke Yithriɛl kë lëkë keek looi ëbɛ̈n cït man cï ye lɛ̈k keek.

Bɛ̈n 14:4 ပူးပေါင်းရင်းမြစ်များ

Neɣe 9:10

Yïn cï kagɛ̈iyë luöi melik, ku bänykɛn ke luɔi ku kɔc ceŋ pinyde në biäk ŋic Yïn en yen yaaŋ ɣɔn cïï kek kɔcku yɔŋ. Yïn cï tiam në tïc de rin ŋoot ke tɔ̈u ke Yïn aɣet cï ënɔɔnë.

Bɛ̈n 10:2

Gök ke gäi abä keek looi, ke bäk lɔ̈ɔ̈k aa lɛ̈ŋ mïthkun, ku mïth ke mïthkun, nɔn cän kɔc ke Rip leeŋ wëi. Abäk jɔ ŋic wedhie nɔn Yan Bɛ̈nydït.”

Bɛ̈n 10:27

Go Bɛ̈nydït melik tɔ ril nɔm, ago ke kɛ̈n tɔ jël.

Bɛ̈n 12:28

Agokï kë cï Bɛ̈nydït lɛ̈k Mothe kekë Aron lɔ looi.

Bɛ̈n 14:23

Ago kɔc ke Rip ke kuany cök wïïr, në jöŋgöörken, ku abëëlkɛn ke tɔŋ, ku kɔc kuath keek.

Bɛ̈n 14:25

Ku riëëk cök ke abëëlkɛn ke tɔŋ, gokï cuök be cath apiɛth. Go kɔc ke Rip lueel an, “Bɛ̈nydït yen agɔ̈m ke wook, yen abiök tɔŋ ë Yithriɛl. Ka wook, wonyku röt eenë.”

Bɛ̈n 14:3

Ke bïï melik ë Rip lueel an cï kɔc ke Yithriɛl yëëm pinyde, ku lueel an cïï jɔ̈ɔ̈r ke gël nïïm.

Bɛ̈n 14:5

Na ɣɔn, aa piŋ melik ë Rip nɔn cï kɔc röt kual, ke waar enɔm kekë bänyke, ku luelkï an, “Eeŋö cuk jɔ looi? Wok ë kɔc ke Yithriɛl tɔ jël, ku acuku ke bï bɛ yök bïk wo luööi.”

Bɛ̈n 14:8

Na wën, ke Bɛ̈nydït ë tɔ melik ril nɔm, go kɔc ke Yithriɛl kuany cök, kɔc gël ë Bɛ̈nydït keek.

Bɛ̈n 18:11

Acä jɔ ŋic nɔn Yen Bɛ̈nydït Yen dït awär yiëth kedhie. Në luɔi cï yen kɔc ke Yithriɛl luök ɣɔn luui ë kɔc ke Rip keek në dhääl.”

Bɛ̈n 6:7

Të lan week luäk bei në kɔc ke Rip cin, ku gäm week nɔmlääu, abäk jɔ ŋic ëgɔk nɔn ee Yɛn Bɛ̈nydït Nhialicdun ë yic. Wek bä tɔ ye kɔc ke naamdï, ku Yɛn bï ya Nhialicdun.

Bɛ̈n 7:17

Ku ënɔɔnë bɛ̈ny, acïï Bɛ̈nydït lueel an, “Yïn bä luöi kë bï yï tɔ ŋic Ɛn nɔn Yan Bɛ̈nydït. Yɛn bï pïïu Kiir yupic në thieec, ka pïïu abïk röt puk aye riɛm.

Bɛ̈n 7:3

Ku melik abä tɔ ril nɔm, ka acïï jamdun bï piŋ. Ku cïn këdunic thïn në ka gɛ̈ɛ̈iyë ke juëc bä looi Rip. Yɛn bï Rip luöi këtuc, ku kuɛ̈ɛ̈th kɔckï bei pinyden.

Bɛ̈n 7:5

Të lan A ciin thɛm kɔc ke Rip, ku bɛ̈ɛ̈i kɔc ke Yithriɛl bei pinyden, abïk Ɛn jɔ ŋic ëgɔk nɔn Yan Bɛ̈nydït.”

Bɛ̈n 9:16

Yïn aa ta pïïr në baŋ bän riɛldï nyuɔɔth, ke kɔc ke piny nɔm ë ke bï Ya ŋic kedhie.

Edhekiɛl 20:9

Ku akɛ̈n looi, në luɔi duëër ee kënë ayäär yiɛ̈n rinkï, në biäk cän en lɛ̈k kɔc ke Yithriɛl rɛ̈ɛ̈r në juöör ceŋ kek piny an, wek bä bɛ̈ɛ̈i bei piny de Rip.

Edhekiɛl 28:22

lɛ̈kë kɔc tɔ̈u ëtɛ̈ɛ̈n, kë luɛɛl në biäkden yɛn Bɛ̈nydït Awärjäŋ: yɛn ee raan de aterdun, Thidon, kɔc abïk yɛn piɔɔny në biäk de kë luöi week. Abïk ŋic nɔn ee yɛn Bɛ̈nydït, të la yɛn luɔi ɣɛɛr yɛn yic nyuɔɔth, ë luɔi bän kɔc nu në yïyic luöi këtuc.

Edhekiɛl 32:15

Kööl lan Rip tɔ ye të cï pɔ̈l ku riääk kɔc rëër ëtɛ̈ɛ̈n ëbɛ̈n, abïk ŋic nɔn ee yɛn Bɛ̈nydït.

Edhekiɛl 38:16

Wek bï kɔckiën ke Yithriɛl mak cï amaŋ tem piny kɔ̈u. Të cï köölë bɛ̈n, wek bä ke tooc bäk pinydï lɔ peec, ke bä nyuöth juöör ya ŋa, bä ɣɛɛr de yɛn yic nyuɔɔth në kë bä looi në kueerdun.

Edhekiɛl 38:23

Në ye kueerë abä jɔ nyuöth juöör ëbɛ̈n, luɔi diëët Ɛn, ku ɣɛɛr yic. Abïk jɔ ŋic ëtɛ̈ɛ̈n nɔn ee Yɛn Bɛ̈nydït.”

Edhekiɛl 39:13

Raan ëbɛ̈n raan nu ee pinyë abï kɔc kuɔny në täu tɔ̈ɔ̈u ë keek, ku abï ke dhuëëŋ gup në biäk de ee kënë në kööl de tiëmdï. Acä lueel, Yɛn Bɛ̈nydït Awärjäŋ.

Lebai 10:3

Na wën ke Mothe ë yöök Aron an, “Kënë ee kë wään bïï Bɛ̈nydït jam në biäkde, Ago Aron nɔm ciën këdɛn lueel në biäk de thon ë wɛ̈ɛ̈tke.

Romai 11:8

Acït man cï e gɔ̈ɔ̈r an, “Acï Nhialic ke gäm piɔ̈n ë nïn, ku gëm keek nyïïn cïï daai, ku yïth cïï käŋ ee piŋ, aɣet cï ee köölë.”

Romai 9:17

Ku këcïgɔ̈ɔ̈r acï lɛ̈k melik an, “Yen këde ee kënë yen aa jat ɛn yïn nhial, ke ya bï riɛldï nyuɔɔth ë yïyic, ku bï rinkï aa lueel ë piny nɔm ëbɛ̈n.”

Romai 9:18

Yen tëde ka, ee piɔ̈u kok kekë raan nu ë yepiɔ̈u, ku raan cï tak an, bï tɔ ril nɔm, ke tɔ ril nɔm.

Jocua 11:20

Aake cïï Bɛ̈nydït tɔ gam tɔŋ në Yithriɛl, në luɔi bïï ke riɔ̈ɔ̈k taitai, ku näk keek të cïn kokdepiɔ̈u. Yen kë ɣɔn thön ë Bɛ̈nydït Mothe ka.

Bäny 4:7

Ku yɛn bï Thithera bɛ̈ɛ̈i, bɛ̈ny ë rem de tɔŋ de Jabin, bïï bɛ̈n thɔ̈ɔ̈r ke yïn në wak de Kicon yɔu. Abï nɔm dɛk abëëlkɛn ke tɔŋ ku rem de tɔŋ. Ku yïn bä tɔ tiam en.”