Bɛ̈n 14:31 - JAM DE NHIALIC 2011

³¹ Na wën, aa tïŋ kɔc ke Yithriɛl riɛl dïït de Bɛ̈nydït, riɛl cï Yen kɔc ke Rip tiaam, ke ke riɔ̈c në Bɛ̈nydït ku gamkï, ku gamkï Mothe lïmde ayadäŋ.

Bɛ̈n 14:31 ပူးပေါင်းရင်းမြစ်များ

2 Lëk 20:20

Na ɣɔn amiäk adurduur në kööldäŋë, go kɔc lɔ biic në jɔ̈ɔ̈r thiääk kekë Tekowa. Na wën aa jɔkï lɔ biic, go melik Jeɣocapat keek jääm në ee wëlkë an, “Kɔc ke Juda ku Jeruthalem! Tääukï aŋäthdun në Bɛ̈nydït Nhialinydun guöp, yen abä wek kɔ̈ɔ̈c aril. Gamkï kë cïï tïtke lɛ̈k week, ku wek bï tiam.”

Neɣe 9:9

“Acï tïŋ guöm cïï kuarkuɔ gum ɣɔn piny de Rip, Yïn cï cɔ̈tdɛn kɔɔr kek kuɔɔny piŋ në Wɛ̈ɛ̈r Thith nɔm.

Diɛt 119:120

Yɛn ee riɔ̈ɔ̈c në biäkdu, yɛn cï yic thiäŋ wokë riɔ̈ɔ̈c, në biäk de guiëër ë löŋdu.

Bɛ̈n 19:9

Go Bɛ̈nydït lɛ̈k Mothe an, “Yɛn bï bɛ̈n të nu wekë në gök dïït ë luätic, ke kɔc ke Yithriɛl ë ke bï Ya piŋ röl të jaam ɛn wo yïn, ke ke bï jɔ gam aɣet athɛɛr.” Go Mothe Bɛ̈nydït guiëër kë cïï kɔc puk nɔm.

Bɛ̈n 4:31

Agokï gam. Na wën, aa piŋkï luɔi cïï Bɛ̈nydït ciɛɛŋ cieŋ ë keek arac tïŋ, acïk kenïïm bɛ̈n guöt piny, ku läŋkï.

Luk 8:13

Ku ka nu piny de kuur, ayek kɔc ee jam piŋ, ku dɔmkï në piɔ̈nmit: ku acïnkï mei, agokï gam tëthiinakäŋ, ku bïk röt dak ciëën ëkööl themë ke.

Jɔn 11:45

Go kɔc juëc ke Judai, kɔc wën bɔ̈ në Meri, të cï kek kë looi tïŋ, agokï gam.

Jɔn 2:11

Göl ë gɔlë göök bï kɔc ke gäi kï, kë cïï Yecu looi ë Kana de Galili, abïï dhuëëŋde nyuɔɔth, go kɔckɛn ë piööcë gokï këde gam.

Luɔi 8:13

Go Thimon guöp gam ayadäŋ: na wën, aacï baptith, ke ye cool ë rɛ̈ɛ̈r kekë Pilip, ku gɛ̈i, wën cï en göök cï looi tïŋ ayï kake gäi.

Ɣeberuu 3:5

Ku Mothe aaye raan adöt në luɔi de dhiën ë Nhialic nɔm tëde kɔcke kedhie. Ku ye keek guiëër ka bï lueel rial wadäŋ.

Jocua 24:7

Na wën, ke kuarkun ë ke cɔl Ɛn an luäk keek. Aguɔ mɔ̈ɔ̈th tääu në kaamden në kɔc ke Rip. Ku week gupkun, wek ŋic kë cä bɛ̈n luöi kɔc ke Rip, luɔi cän keek bɛ̈n tɔ mou ë wɛ̈ɛ̈r. Ku ëtɛ̈ɛ̈n, wek ë bɛ̈n tɔ̈u në jɔ̈ɔ̈ric në run juëc.

Jocua 4:14

Ku Bɛ̈nydït ë Jocua bɛ̈n dhuëëŋ guöp arëët në kɔc ke Yithriɛl nïïm kedhie. Agokï Jocua bɛ̈n riëëu guöp anande, cït man wään rïïu kek Mothe.

Jocua 4:24

Yen abï raan ë pinynɔm ëbɛ̈n, riɛl de Bɛ̈nydït jɔ ŋic. Ku wek bï Bɛ̈nydït Nhialicdun jɔ aa riëëu guöp anandun.

1 Tham 12:16

Yen ka, ënɔɔnë kääckï tëdun, ku wek bï göök bï Bɛ̈nydït ke looi tïŋ.

1 Tham 12:18

Na wën ke Thamwɛl ë läŋ, go Bɛ̈nydït deŋ tɔ rel ku tueny deŋ ee köölë guöp. Ago kɔc kedhie riɔ̈ɔ̈c ë Bɛ̈nydït ku riɔ̈ckï në Thamwɛl aya,