Bɛ̈n 14:28 - JAM DE NHIALIC 2011

²⁸ Go pïïu röt puk, ku moukï abëël ke Rip, ku kɔc kuath ke. Ku moukï rem ë Rip ëbɛ̈n, rem de tɔŋ wään kuɛny kɔc ke Yithriɛl cök wïïr, man abï ciën raan töŋ dɔ̈ŋ në keyiic.

Bɛ̈n 14:28 ပူးပေါင်းရင်းမြစ်များ

Cäk 50:9

Aa ye kut dïït ë kɔc yen ë lɔ. Kɔc cath abëëliic, ayï kɔc cath në jöŋgöör kɔ̈ɔ̈th.

Cäk 7:18

Ku ŋoot pïïu ke ke ŋuak röt aläl, go abël ŋoot ke thɔɔr ë pïïu nïïm.

2 Lëk 20:24

Ku të wën cïï rem e tɔŋ de Juda ɣëët tëde kë bɛ̈ɛ̈r nu ë jɔ̈ɔ̈ric, gokï kenïïm wɛ̈l tëde rem de tɔŋ ë kɔc ke ater, gokï keek tïŋ adhɔt piny ke ke cï thou. Acïn raan töŋ cï ban.

Neɣe 9:11

Në wɛ̈ɛ̈ric, Yïn cï kueer luöi kɔcku, ku tɛ̈ɛ̈kë ke tëril. Ku mɔu kɔc cop keek piny ë pïïu thäär të thuth, cït man ë kɔi cï dïïr në apiöŋ dïït ë wɛ̈ɛ̈ric.

Diɛt 106:22

Ee kake gäi cït ŋö cï ke looi ëtɛ̈ɛ̈n! Ku na göök cï looi ë Wɛ̈ɛ̈r thith yɔu!

Diɛt 136:15

ku acï melik de Rip tɔ mɔu kekë remde në abäpdit thithic, nhiëërdɛn agɔk atɔ̈u athɛɛr.

Diɛt 78:53

Acï keek wat apiɛth, ku akënkï bɛ̈n riɔ̈ɔ̈c, ku wɛ̈ɛ̈r ë bɛ̈n bɛ̈n ke dal ë kɔckɛn ke ater kɔ̈ɔ̈th.

Bɛ̈n 14:13

Go Mothe puk nɔm an, “Duökï riɔ̈c! Rɛ̈ɛ̈rkï ë lik, wek bï kuɔɔny ë Bɛ̈nydït tïŋ ee köölë. Ka kɔc ke Rip woikï keek kë, acäkkï keek bï bɛ tïŋ anandun.

Bɛ̈n 15:10

Go ke mou wïïr në wëiduön tök Bɛ̈nydït, gokï dïïr në pïïuwiic cït wënh thiek.

Bɛ̈n 15:19

Kɔc ke Yithriɛl aake tem wɛ̈ɛ̈r ke ke cath të ril. Na wën alɔ kɔc ke Rip wïïr në abëëlken, ku jöŋgöörken, ku kɔc cath në kekɔ̈ɔ̈th, ke Bɛ̈nydït ë tɔ wɛ̈ɛ̈r mat ë yic, gokï mou kedhie.

Ɣabakuk 3:13

Yïn ë lɔ biic lɔ kɔcku kony, lɔ melikduön cï lɔc kony. Yïn ë bäny ke kɔc ee karɛc looi dhiac nïïm ayï kɔckɛn ee keek kuany cök.

Nyöŋ 11:4

Acäk tïŋ luöi cïï Bɛ̈nydït rem de tɔŋ de Rip riɔ̈ɔ̈r nyin taitai kekë jöŋgöörke ku abëëlkɛn ke tɔŋ, tɔ keek mɔu në Wɛ̈ɛ̈r thith yic ɣɔn cop kek week.

Ɣeberuu 11:29

Aa ye gäm de yic aŋäth yen aa tɔ kɔc ke Yithriɛl tem Wɛ̈ɛ̈r Thith kɔ̈u ke ye tëril ciɛth kek, na wën aa them kɔc ke Rip en, ke ke jɔ pïïu guɔ mät nïïm ku moukï kedhie.

Bäny 4:16

Go Barak abëël ke tɔŋ kekë rem ë tɔŋ cop të lɔ Ɣaroceth de juöör, go rem de tɔŋ de Thithera nɔ̈k kedhie. Acïn raan töŋ cï bɛ̈n döŋ.