Bɛ̈n 14:27 - JAM DE NHIALIC 2011

²⁷ Go Mothe yecin yaak nhial në wɛ̈ɛ̈r nɔm, na ɣɔn amiäk, ke pïïu ë ke puk röt tëdɛn awään. Go kɔc ke Rip ë them luɔi bɛ̈n kek, go Bɛ̈nydït ke bɛ aa cuat wïïr.”

Bɛ̈n 14:27 ပူးပေါင်းရင်းမြစ်များ

Neɣe 9:11

Në wɛ̈ɛ̈ric, Yïn cï kueer luöi kɔcku, ku tɛ̈ɛ̈kë ke tëril. Ku mɔu kɔc cop keek piny ë pïïu thäär të thuth, cït man ë kɔi cï dïïr në apiöŋ dïït ë wɛ̈ɛ̈ric.

Diɛt 106:11

Ku pïïu acïk kɔc de kek ater mou, acïn raan töŋ cï bɛ̈n döŋ ë keyiic.

Diɛt 136:15

ku acï melik de Rip tɔ mɔu kekë remde në abäpdit thithic, nhiëërdɛn agɔk atɔ̈u athɛɛr.

Diɛt 78:53

Acï keek wat apiɛth, ku akënkï bɛ̈n riɔ̈ɔ̈c, ku wɛ̈ɛ̈r ë bɛ̈n bɛ̈n ke dal ë kɔckɛn ke ater kɔ̈ɔ̈th.

Yith 10:26

Yɛn Bɛ̈nydït de rɛm, abä ke dui në thienydï cït man ɣɔn duöi Yɛn kɔc ke Midian në kuur ë Orep thar. Yɛn bï kɔc ke Athiriya luöi këtuc cït man wään cän kɔc ke Rip luöi këtuc.

Nyöŋ 11:4

Acäk tïŋ luöi cïï Bɛ̈nydït rem de tɔŋ de Rip riɔ̈ɔ̈r nyin taitai kekë jöŋgöörke ku abëëlkɛn ke tɔŋ, tɔ keek mɔu në Wɛ̈ɛ̈r thith yic ɣɔn cop kek week.

Ɣeberuu 11:29

Aa ye gäm de yic aŋäth yen aa tɔ kɔc ke Yithriɛl tem Wɛ̈ɛ̈r Thith kɔ̈u ke ye tëril ciɛth kek, na wën aa them kɔc ke Rip en, ke ke jɔ pïïu guɔ mät nïïm ku moukï kedhie.

Jocua 24:7

Na wën, ke kuarkun ë ke cɔl Ɛn an luäk keek. Aguɔ mɔ̈ɔ̈th tääu në kaamden në kɔc ke Rip. Ku week gupkun, wek ŋic kë cä bɛ̈n luöi kɔc ke Rip, luɔi cän keek bɛ̈n tɔ mou ë wɛ̈ɛ̈r. Ku ëtɛ̈ɛ̈n, wek ë bɛ̈n tɔ̈u në jɔ̈ɔ̈ric në run juëc.

Jocua 4:18

Gokï bɛ̈n bei wïïr ke ke ɣɛ̈ɛ̈c Athänduŋ de män ë Bɛ̈nydït. Ku tëthiin ë kɛ̈c kek të ril në kiir thok biic, ke pïïu ë ke be wat. Go Kiir thiɔɔr agut cï yekëc biic cït man wään tueŋ.