Bɛ̈n 14:22 - JAM DE NHIALIC 2011

²² Go kɔc ke Yithriɛl wɛ̈ɛ̈r teem ke ke cath tëril, ku päny ke pïïu në keŋɛŋ, baŋ cuëc ku baŋ cam.

Bɛ̈n 14:22 ပူးပေါင်းရင်းမြစ်များ

2 Mel 2:14

Go lupɔ wën cï lööny piny tëde Elija nööm ku be en pïïu yup yiic, ku lueel an, “Nu ënou ënɔɔnë yen Bɛ̈nydït Nhialic de Elija.” Go pïïu keyiic tek në rou, go Elica tëëk ke lɔ lɔŋ tui.

2 Mel 2:8

Na wën, ke Elija ë nöm lupɔde, ku dolic, ku jɔ pïïu yup yiic, ago pïïu keyiic tek tɛ̈n ku tɛ̈n, ago Elija kekë Elica tem kaarou tëkkï tëril.

Neɣe 9:11

Në wɛ̈ɛ̈ric, Yïn cï kueer luöi kɔcku, ku tɛ̈ɛ̈kë ke tëril. Ku mɔu kɔc cop keek piny ë pïïu thäär të thuth, cït man ë kɔi cï dïïr në apiöŋ dïït ë wɛ̈ɛ̈ric.

Diɛt 106:9

Acï Wɛ̈ɛ̈r thith yɔ̈ɔ̈k, ago yic ril wei, acï kɔcke bɛ̈n tɔ tëm piny ril, cït man ë jɔ̈ɔ̈r.

Diɛt 136:13

Acï abäpdit thith tekic në amaŋ, nhiëërdɛn agɔk atɔ̈u athɛɛr,

Diɛt 136:14

ku tɔ Yithriɛl tɛ̈k në ye yic cil, nhiëërdɛn agɔk atɔ̈u athɛɛr,

Diɛt 66:6

Acï wɛ̈ɛ̈r puk tɔ ye të ril, ku tem kuarkuɔ kiir në kecök. Wok ee piɔ̈ɔ̈th miɛt ëtɛ̈ɛ̈n në biäk de kë cï looi.

Diɛt 74:15

Yïn cï nyïïn ku liil tɔ de yic kuëër, ku tɔ kiɛɛrdït ril.

Diɛt 78:13

Acï wɛ̈ɛ̈r tekic, ku tɛ̈ɛ̈k keek në yeyic, go pïïu tɔ kääc cït man ë päny.

Bɛ̈n 14:29

Ku kɔc ke Yithriɛl aake cath në wɛ̈ɛ̈ric tëril, ku päny ke pïïu në keŋɛŋ baŋ cuëc ku baŋ cam.

Bɛ̈n 15:19

Kɔc ke Yithriɛl aake tem wɛ̈ɛ̈r ke ke cath të ril. Na wën alɔ kɔc ke Rip wïïr në abëëlken, ku jöŋgöörken, ku kɔc cath në kekɔ̈ɔ̈th, ke Bɛ̈nydït ë tɔ wɛ̈ɛ̈r mat ë yic, gokï mou kedhie.

Bɛ̈n 15:8

Yïn aa tɔ yom put wïïr, go pïïu kenïïm thɔɔc, agokï röt ciɛi nhial cït päny, ago lil ë wɛ̈ɛ̈r koth abï lɔ gaŋgaŋ.

Yith 11:15

Bɛ̈nydït abï Baar ë Thueth tɔ dëu, ku abï yom tuc bɛ̈ɛ̈i ku tɔ wɛ̈ɛ̈r ë Yuparat tɔ dëu, ku nyiëëŋ nyïïn thiiakäŋ kadhorou piny, ago raan ëbɛ̈n keek aa teem ke ke lɔ lɔɔk.

Yith 11:16

Abï dɛ kueer dït ee jäl në Athiriya, bïï kɔckɛn ke Yithriɛl cï döŋ apïïr ëtɛ̈ɛ̈n tëëk ke ke bɔ̈, cït man ɣɔn de yen kueer ë bïï kuarken bei paan ë Rip.

Yith 43:16

Ɣɔn thɛɛr Bɛ̈nydït acï kueer looi, kueer ee tëëk në wɛ̈ɛ̈ric, kueer ee tëëk në kuëër de pïïuwiic.

Yith 51:10

Aa ye yïn ë tɔ wɛ̈ɛ̈r tɔ dëu aya ku loi kueer në pïïu yiic, ago kɔckuön kɔɔr bä ke kony wɛ̈ɛ̈r teem.

Yith 63:12

Tɔ̈u Bɛ̈nydït ë nou, raan ɣɔn cï kadït gɛ̈iyë tɔ looi ë Mothe në riɛlde, acï pïïu tekiic ku wɛt kɔcke në kueer thuth tɔ̈u ë pïïu thäär,

Yith 63:13

ke bï tiëmdïït de kɛk cïï bï thök bɛ̈ɛ̈i ë yeguöp. Aake wɛt Bɛ̈nydït, ku ciɛthkï ke ke ril cök cï jöŋgöör ë jɔ̈ɔ̈ric, ku ciɛthkï ke ke cïï kɔ̈th.”

Dhek 2:5

Ku yɛn guöpdï, yɛn abï ya kal ë mac, kë bï ye gël. Ku ee yɛn abï ya dhuëëŋdɛn tɔ̈u yeyic thïn. Yen kë cï Bɛ̈nydït lueel ka.

Kuɛ̈n 33:8

Ku nyiëëŋkï Pai Ɣaɣiroth piny, ku temkï Wɛ̈ɛ̈r thith kɔ̈u ke ke lɔ në jɔ̈ɔ̈r de Eetham, thölkï nïn kadiäk ku jɔkï bɛ̈n lɔ piɔ̈ɔ̈t Mara.

1 Kor 10:1

Ku ënɔɔnë, mïthëkɔckuɔ, yɛn kɔɔr luɔi bä wek cöökë ŋic an, Kuarkuɔ aake nu ë luät thar kedhie, ku acïk abäpdit teem kedhie.

Ɣeberuu 11:29

Aa ye gäm de yic aŋäth yen aa tɔ kɔc ke Yithriɛl tem Wɛ̈ɛ̈r Thith kɔ̈u ke ye tëril ciɛth kek, na wën aa them kɔc ke Rip en, ke ke jɔ pïïu guɔ mät nïïm ku moukï kedhie.

Jocua 3:16

Pïïu acïk bɛ̈n kɔ̈ɔ̈c në wat, ku thɔckï kenïïm abïk ɣet nhial tëmec aläl. Të lɔ Adam, të lɔ pänydït cɔl Dharedhan. Ku athiöör wɛt të lɔ wɛ̈ɛ̈r de Araba, Wɛ̈ɛ̈r de Amilɔ, cï kɔ̈ɔ̈c taitai. Go kɔc jɔ tem tëthiɔ̈k ke Jeriko.

Jocua 3:17

Ku bäny ke kake Nhialic wën ɣɛ̈ɛ̈c athänduŋ de män ë Bɛ̈nydït, aake kääc të ril në wɛ̈ɛ̈r de Jordanic cil. Ku tɔkï jur tëm ëbɛ̈n, ke ke cath të ril ayadäŋ.

Jocua 4:22

Abäk guiëër keek an, “Akööl ɣɔn teem ë Yithriɛl wɛ̈ɛ̈r de Jordan kɔ̈u ke cath të ril.

1 Tham 25:16

Wakɔ̈u kekë aköl ayek wook tiit, aköölnyïïn kedhie, wok ee thökkuɔ tiit në duum thiääk në keek lɔ̈m.