Bɛ̈n 14:20 - JAM DE NHIALIC 2011

²⁰ Go nu në kaam de kɔc ke Yithriɛl në kɔc ke Rip. Go luät tëde kɔc ke Yithriɛl tɔ ɣer, ku tɔ tëde kɔc ke Rip col. Go rɛm ke tɔŋ niin ke cïn raan lɔ të nu ŋɛk në ee wɛ̈ɛ̈rë yic ëbɛ̈n.

Bɛ̈n 14:20 ပူးပေါင်းရင်းမြစ်များ

Diɛt 18:11

Ago rɔt kum në mɔ̈ɔ̈th, de luändïït col, luän cï thiäŋ ke pïïu cï E gɛɛu cil.

Diɛt 78:53

Acï keek wat apiɛth, ku akënkï bɛ̈n riɔ̈ɔ̈c, ku wɛ̈ɛ̈r ë bɛ̈n bɛ̈n ke dal ë kɔckɛn ke ater kɔ̈ɔ̈th.

Bɛ̈n 14:19

Na wën, ke tunynhial ë Nhialic ɣɔn nu në kɔc ke Yithriɛl nïïm tueŋë, ë wɛɛn në kecök ciëën, ku wɛɛn mën de piööl ë luät në kecök ciëën ayadäŋ.

Bɛ̈n 14:21

Na wën, ke Mothe yɔɔk yecin nhial në wɛ̈ɛ̈r nɔm, go Bɛ̈nydït wɛ̈ɛ̈r tɔ lɔ ciëën në amaŋdïït bɔ̈ në baŋ të lɔ aköl amiäk, amaŋ ruu ke put në wɛ̈ɛ̈ric ëbɛ̈n. Go pïïu tɔ tek keyiic, ku jɔ wɛ̈ɛ̈r aa tëril.

Yith 52:12

Në ye aköölkë wek cïï bï jäl ë ruäny ruäny, wek cïï bï kɔc kɔɔr bäk röt kual. Bɛ̈nydït Nhialicdun abï week wat ku gël week në biäk kedhie.

Yith 8:14

Në biäk bïï yen aa tëɣeric arëët, Yɛn cït kuur ee kɔc tɔ kɔ̈th, ku Yɛn cït wïn ë dɛ̈p bï kɔc ke ciɛɛŋ de Juda ku kɔc ke ciɛɛŋ de Yithriɛl dɔm ku kɔc ke Jeruthalem.

Jocua 24:7

Na wën, ke kuarkun ë ke cɔl Ɛn an luäk keek. Aguɔ mɔ̈ɔ̈th tääu në kaamden në kɔc ke Rip. Ku week gupkun, wek ŋic kë cä bɛ̈n luöi kɔc ke Rip, luɔi cän keek bɛ̈n tɔ mou ë wɛ̈ɛ̈r. Ku ëtɛ̈ɛ̈n, wek ë bɛ̈n tɔ̈u në jɔ̈ɔ̈ric në run juëc.