Bɛ̈n 14:13 - JAM DE NHIALIC 2011

¹³ Go Mothe puk nɔm an, “Duökï riɔ̈c! Rɛ̈ɛ̈rkï ë lik, wek bï kuɔɔny ë Bɛ̈nydït tïŋ ee köölë. Ka kɔc ke Rip woikï keek kë, acäkkï keek bï bɛ tïŋ anandun.

Bɛ̈n 14:13 ပူးပေါင်းရင်းမြစ်များ

Cäk 15:1

Ku ëtɛ̈ɛ̈n, Abram ë jam de Bɛ̈nydït bɛ̈n piŋ në nyuöthic ke lueel an, “Abram du riɔ̈c, yɛn ee köndu. Yïn bä gël në kërac, ku yïn bä cuööt apiɛth.”

Cäk 26:24

Ago Bɛ̈nydït tïc tëde en në ë wɛ̈ɛ̈r man töŋë, ku lëk en an, “Ee Yɛn Nhialic de Abraɣam wuur, duk riɔ̈c, Yɛn tɔ̈u wo yïn. Yïn bä thieei, ku gäm yïn mïth juëc, cït man wään cän en thɔ̈n lïmdiën Abraɣam.”

Cäk 46:3

Go Nhialic lɛ̈k en an, “Ee Yɛn Nhialic de wuur, du riɔ̈c në luɔi le yïn Rip. Yɛn bï mïthku tɔ lɔ ye gökdïït ë jur ëtɛ̈ɛ̈n.

Cäk 49:18

“Yɛn tit kuɔɔnydu Bɛ̈nydït.

2 Mel 6:16

Go Elica bɛ̈ɛ̈r an, “Du riɔ̈ɔ̈c, kɔc nu në wook ajuëckï në kɔc nu në keek.”

1 Lëk 11:14

Acï tɔŋ bɛ̈n dɔm kekë kɔcke në domic cil ëtɛ̈ɛ̈n, ku piɔ̈t ke kɔc ke Pilithiin. Go Bɛ̈nydït yen tɔ tiam kɔc ke Pilithiin.

2 Lëk 20:15

Go Jaɣadhiel lueel an, “Yïn melik ku wek ke kɔc ke Juda ku Jeruthalem, acïï Bɛ̈nydït lueel nɔn cä wek piɔ̈ɔ̈th bï jiɛth, ku cäkï riɔ̈c bäk lɔ rɔ̈m në ee rem dïïtë. Tɔŋ ee këde Nhialic, acie këdun.

2 Lëk 20:17

Wek cïï ee tɔŋë bï thɔ̈ɔ̈r. Nyuöckï ë ɣäänkun yiic ku tiëtkï, wek bï Bɛ̈nydït tïŋ ke gëm week tiëm. Wek kɔc ke Juda ku kɔc ke Jeruthalem, duökï piɔ̈ɔ̈th cɔ̈m ku duökï riɔ̈c. Lakï tɔŋ, ku Bɛ̈nydït abï tɔ̈u kekë week!”

Neɣe 9:9

“Acï tïŋ guöm cïï kuarkuɔ gum ɣɔn piny de Rip, Yïn cï cɔ̈tdɛn kɔɔr kek kuɔɔny piŋ në Wɛ̈ɛ̈r Thith nɔm.

Diɛt 3:8

Tiëm ee bɛ̈n tëde Bɛ̈nydït, Bɛ̈nydït abï kɔcke thieei.

Diɛt 68:21

Nhialic ë yic abï kɔc de ater në Yen, dhuööŋ nïïm, kɔc ee rɛ̈ɛ̈r në ciɛɛŋ rɛɛcden yic.

Diɛt 78:53

Acï keek wat apiɛth, ku akënkï bɛ̈n riɔ̈ɔ̈c, ku wɛ̈ɛ̈r ë bɛ̈n bɛ̈n ke dal ë kɔckɛn ke ater kɔ̈ɔ̈th.

Diɛt 91:8

Yïn bï jɔ daai ë yïnyin, në luɔi ye kɔc ee karɛc looi luöi këtuc.

Bɛ̈n 14:30

Bɛ̈nydït ë kɔc ke Yithriɛl bɛ̈n luäk bei në kɔc ke Rip cin ee köölë. Go kɔc ke Yithriɛl kɔc ke Rip bɛ̈n tïŋ acï thou piny në wɛ̈ɛ̈r yɔu.

Bɛ̈n 20:20

Go Mothe puɔ̈k nɔm keek an, “Duökï riɔ̈c. Nhialic abɔ̈ tei bï we bɛ̈n them, ku riɔ̈ɔ̈c riääc wek ë yen acïï we bï tɔ loi kërac.”

Yith 26:3

Yïn, Bɛ̈nydït, aye muk në män cï dikëdikic kɔc ee rëër në gämden yic aril ku yek aŋäthden tääu ë Yïguöp.

Yith 30:15

Bɛ̈nydït Awärjäŋ, Nhialic Ɣeric de Yithriɛl aye lɛ̈k kɔc an, “Bäkkï ciëën ë määth ku ŋäthkï Yɛn. Ke we bï riɛl ku täukï ë mätic.” Ku wek cï jaai në luɔi bä wek e looi!

Yith 35:4

lɛ̈kë raan cï piɔ̈u jiɛth ëbɛ̈n an, “Tɔ rɔt ril ku du riɔ̈c! Bɛ̈nydït abï yïn bɛ̈n luök, abï kɔc ke aterdu bɛ̈n luöi këtuc.”

Yith 43:11

“Ee Yɛn Yatök, Yɛn aye Bɛ̈nydït, Raan töŋ ee Yen duëër we kony.

Yith 7:4

lɛ̈kë yen bï yïn ke cïï nin, ku ë pɛ̈l rɔt piny ke cïï riɔ̈c ku cïï piɔ̈u jeth. Agönh de Redhin melik de Thiriya kekë Peka wën ë Remalia melik de Yithriɛl, acïn kë bïk lëu acïtkï many de tiim kaarou tol thook tei.

Jeremia 3:23

Wok cie kony taitai në lämdan ë yiëth ë kur nïïm. Kuɔɔny de Yithriɛl ee bɛ̈n tëde Bɛ̈nydït Yetök Nhialicda.

Dhiëëu 3:26

Ka apiɛth tëde wook buk En tiit ëmääth. Buk tiit bïï wook kony.

Ɣodh 1:7

Ku Yɛn bï kɔc ke Juda nhiaar, ku abä keek luök. Ku acä keek bï luök në dhaŋ, ku abätäu, ku tɔŋ, ku cä keek luäk në jöŋgöör ke tɔŋ. Abä keek luök Yɛn Bɛ̈nydït Nhialicden.

Ɣodh 13:4

Aye Bɛ̈nydït lueel an, “Yɛn aye Bɛ̈nydït Nhialicdun, raan ɣɔn bïï week bei paan ë Rip. Duökï bï dɛk Nhialic däŋ kaarkï pei, të cïn Ɛn. Ku cïn kony de wëi däŋ kɔ̈ɔ̈rkï röt, të cïn Ɛn.

Ɣodh 13:9

“Yïn bï riääk yök, Yithriɛl, në biäk cï yïn yïnɔm wɛ̈l Ɛn, Yɛn konydu.

Ɣabakuk 3:13

Yïn ë lɔ biic lɔ kɔcku kony, lɔ melikduön cï lɔc kony. Yïn ë bäny ke kɔc ee karɛc looi dhiac nïïm ayï kɔckɛn ee keek kuany cök.

Ɣabakuk 3:8

Ee kiɛɛr kek tɔ Yïn göth aläl Bɛ̈nydït? Ku ee wɛ̈ɛ̈r yen tɔ Yï diu piɔ̈u? Yïn ë kɛɛc në amaŋ de luäät kɔ̈ɔ̈th abïk ciët jöŋgöör ke tɔŋ ku tɔ kɔcku tiëm.

Kuɛ̈n 14:9

Duökï göth në Bɛ̈nydït, ku duökï riɔ̈c në kɔc cieŋ piny. Abuk keek rum ëthiäu, Bɛ̈nydït atɔ̈u ke wook, ku ë yiëth tiaam, yiëth wään ee keek kuɔny. Ka week duökï riɔ̈c.

Math 28:5

Go tunynhial bɛ̈ɛ̈r, yöök diäär an, “Duökï riɔ̈c, aŋiɛc nɔn kaar wek Yecu, raan wään cï piäät ë tim cï rïïu nɔm kɔ̈u.

Nyöŋ 20:3

‘Piɛŋkï röör ke Yithriɛl, ëköölë we lɔ tɔŋ. Duökï riɔ̈c në kɔc ke aterdun, ku duökï röt pɛ̈l wei, ku duökï päu.

1 Tham 11:13

Ago Thaulo jaai lueel an, “Acïn raan näk ee köölë, në luɔi yen kööl cïï Bɛ̈nydït Yithriɛl luök.”

1 Tham 12:16

Yen ka, ënɔɔnë kääckï tëdun, ku wek bï göök bï Bɛ̈nydït ke looi tïŋ.