Bɛ̈n 14:12 - JAM DE NHIALIC 2011

¹² Cie kë wään lëkku yïn ka, an abï rɔt looi, ke wo kën kɔn jäl Rip? Alëkku yïn wään an päl wook aluui kɔc ke Rip. Aŋuɛ̈ɛ̈n ë luɔi luui wok kɔc ke Rip, në luɔi bï wok bɛ̈n thou ë jɔ̈ɔ̈ric eenë.”

Bɛ̈n 14:12 ပူးပေါင်းရင်းမြစ်များ

Diɛt 106:7

Kuarkuɔ ɣɔn tɔ̈u kek ë Rip akënkï kagɛ̈iyë cï Nhialic ke looi yök yiic, acïk nïïm määr në ka juëc yen keek nyuöth nhiëërdɛn agɔk, gokï Awärjäŋ rɛɛc thok në Wɛ̈ɛ̈r thith yɔu.

Bɛ̈n 13:17

Na ɣɔn, apɛ̈l melik ë Rip kɔc jäl, Nhialic akën kɔc bɛ̈n tɛ̈ɛ̈k në kueer ë Pilithtia ku ee yen aye kueer thiɔ̈k. Acïï ë Nhialic bɛ̈n cät an, “Të le kɔc ë tïŋ nɔn bï kek lɔ gɔ̈m në kɔc, tɛk däŋ bïk kenïïm waar, ku pukkï kenïïm Rip. Ku acä kɔɔr aya.”

Bɛ̈n 3:9

Kiɛɛu de kɔckï acä piŋ në luɔi cï kɔc ke Rip ke miɛn.

Bɛ̈n 5:21

Agokï lɛ̈k Mothe kekë Aron an, “Bɛ̈nydït ë kë cäk looi tïŋ, ku abï we luöi këtuc, në luɔi cä wek melik tɔ man wook kekë bänyke. Acäk keek gäm kueer bï kek wo nɔ̈k.”

Bɛ̈n 6:9

Go Mothe jamë lɔ guiëër kɔc ke Yithriɛl, gokï jamde cuök piŋ. Në baŋ ë cï kek piɔ̈ɔ̈th riääk në yöŋ yɔŋë keek.

Ɣodh 4:17

Paan de Eparaim ë mɛt në yiëthiic, päl keek alɔ.

Jona 4:3

Ka Yïn Bɛ̈nydït, jɔt wëikï, aŋuɛ̈ɛ̈n luɔi thuɔu ɛn, ku mäl në pïïr.

Jona 4:8

Na wën aacï akɔ̈l ruɛl, ke Bɛ̈nydït Nhialic ë tɔ yom de aköl amiäk tɔ put kekë köpiör cï tucëtuc, go tuöc de akɔ̈l Jona duɛ̈ɛ̈r thööŋ abïï nïp ago thuɔɔu ŋuöön. Ku lueel an, “Aŋuɛ̈ɛ̈n ë luɔi thuɔu ɛn ku mäl në pïïr.

Mak 1:24

“Yecu! Eeŋöda në yïn, yïn Yecu de Nadhareth? Cï bɛ̈n bä wo bɛ̈n riɔ̈ɔ̈k? Yïn ŋiɛc nɔn ee yïn Raan ɣeric de Nhialic!”

Mak 5:7

ku cööt ë röl dït an, “Eeŋödï wo yïn? Yecu, yïn Wën ë Nhialic dït arëët! Yïn yɔ̈ɔ̈k në rin ke Nhialic, an, Du ya lui këtuc!”