Bɛ̈n 13:18 - JAM DE NHIALIC 2011

¹⁸ Go Nhialic ke tɛ̈ɛ̈k ë jɔ̈ɔ̈ric, cök kenïïm Wɛ̈ɛ̈r Thith kɔ̈u. Ku kɔc ke Yithriɛl acïk tɔɔŋken bɛ̈n kiëët ku jɔkï jäl Rip.

Bɛ̈n 13:18 ပူးပေါင်းရင်းမြစ်များ

Cäk 50:25

Ku tɔ Jothep mïthëkɔcken loi gutguut lëk keek an, “Gamkï luɔi bä wek guöpdï jɔt wadäŋ, ke week ëtök të le Nhialic we bɛ̈ɛ̈i bei në ee pinyë yic. Ku leer week piny wään cï than.”

Diɛt 107:7

Acï keek tɔ kuany kueer lɔ cit yic lekï ë pänydït bïï kek lɔ rëër thïn.

Diɛt 136:16

Acï kɔcke wat në jɔ̈ɔ̈ric, nhiëërdɛn agɔk atɔ̈u athɛɛr,

Diɛt 68:8

Piny aye lath, ku të nhial ee deŋ luööŋ piny, në biäk de bɛ̈n ë Nhialic de Thinai. Go kuur ë Thinai lath në Nhialic nɔm, Nhialic de Yithriɛl.

Bɛ̈n 12:51

Bɛ̈nydït ë dhiëën ke Yithriɛl bɛ̈n bɛ̈ɛ̈i bei paan ë Rip kedhie.

Bɛ̈n 14:2

“lɛ̈kë kɔc ke Yithriɛl ë ke puk röt, lek piɔ̈ɔ̈t në Pai Ɣaɣiroth nɔm tueŋ. Në kaam de Migdol kekë Wɛ̈ɛ̈r Thith, në wɛ̈ɛ̈r yɔu të tiŋ Baal Dhepon nɔm.

Bɛ̈n 14:9

Go rem de tɔŋ ë kɔc ke Rip ke lɔ̈ɔ̈k kuany cök, ke ke cath në jöŋgöörken, ku abëëlkɛn ke tɔŋ, ku kɔc kuath keek. Gokï ke gïth në Wɛ̈ɛ̈r Thith yɔu në Pai Ɣaɣiroth lɔ̈ɔ̈m kekë Baal Dhepon tëdɛn cï kek lɔ piɔ̈ɔ̈t thïn.

Nyöŋ 17:16

Ku melik acïï nɔm bï dɛ jöŋgöör juëc, jöŋgöör ke remdɛn ë tɔŋ, ku acïï kɔc bï dhil aa tuɔɔc Rip lek jöŋgöör ɣɔɔc, në biäk cïï Bɛ̈nydït Ye lueel an, kɔckï ë ke cïï kenïïm be pɔ̈k Rip.

Nyöŋ 32:10

“Aa yök keek ke ke tai ë jɔ̈ɔ̈ric, piny awic, ye yom puɔ̈t thïn. Go keek kony ë jɔk ku muk keek, cït man ee yen yenyin gël.

Jocua 1:14

Diäärkun ë ke dɔ̈ŋ eenë, ayï mïthkun, ayï ɣɔ̈kkun. Ku takï remduön ë tɔŋ nöm tɔɔŋken, ku temkï wɛ̈ɛ̈r në kɔc ke Yithriɛl nïïm tueŋ, bïk keek lɔ kuɔny.

Jocua 4:12

Go kɔc ke dhiën ë Ruben, ayï biäk de dhiën ë Manatha, tɔŋden kiëët. Ku temkï wɛ̈ɛ̈r në kɔc nïïm tueŋ kedhie, cït man cïï Mothe ye lɛ̈k keek.

Jocua 4:13

Kɔc lëu kë cït aguum kathiërŋuan 40,000, acïk tɔɔŋken bɛ̈n nööm, ku temkï wɛ̈ɛ̈r në Bɛ̈nydït nɔm, ku lek piɔ̈ɔ̈t në riaaŋic në Jeriko lɔ̈ɔ̈m tëthiɔ̈k.