Bɛ̈n 13:16 - JAM DE NHIALIC 2011

¹⁶ Kënë abï we jɔ aa täk nïïm, cït man ë kë cï duööt ë wecin, ku cït kë cï tääu në wenyïïn tueŋ. Abï we aa täk nïïm në bïï cïï Bɛ̈nydït wo bɛ̈ɛ̈i bei piny ë Rip në riɛl dïïtde.’ ”

Bɛ̈n 13:16 ပူးပေါင်းရင်းမြစ်များ

Neɣe 1:10

“Bɛ̈nydït kakë ayek lïïmku, kɔc ke nɔmdu, ɣɔn luäk në riɛldïïtdu.

Diɛt 136:11

Acï kɔc ke Yithriɛl bɛ̈ɛ̈i bei ë Rip, nhiëërdɛn agɔk atɔ̈u athɛɛr,

Bɛ̈n 12:13

Ku riɛm nu ë ɣööt thook, abï Yɛn nyuöth ɣööt rɛ̈ɛ̈r wek thïn. Të lan riɛm tïŋ ɣöt thok, wek bä aa winythook ke cïn kërɛɛc luöi week, të näk Yɛn kɛ̈i.

Bɛ̈n 12:41

Ku në kööl ë thöök ë bot kaŋuan ku thiërdiäk thook, yen aa jël ë kɔc ke Bɛ̈nydït ë Rip kedhie.

Bɛ̈n 13:14

Na lɔ mïthkun we luɔp wadäŋ, an kë yak looiyë ee nɔm ŋö? Ke tɛ̈tkï keek an, ‘Bɛ̈nydït abïï wo bei Rip ɣɔn në riɛl dïïtde, piny ɣɔn cieŋ ë wo thïn.

Bɛ̈n 13:9

Yen abï week jɔ aa täk nïïm. Ka bï ciët kë duööt ë wecin, ku cït kë cï tääu në wenyïïn tueŋ. Abï week aa täk nïïm ë cieŋ, në baŋ bä wek lööŋ ke Bɛ̈nydït aa luɛɛl aköölnyïïn, në luɔi cï Bɛ̈nydït we bɛ̈ɛ̈i bei Rip në riɛl dïïtde.

Bɛ̈n 6:1

Go Bɛ̈nydït lɛ̈k Mothe an, “Kë bä luöi melik, abä jɔ tïŋ ënɔɔnë. Abä tɔ päl kɔckï ajäl në riɛl. Abä tɔ kuëëth kɔckï bei pinyde në riɛl.”

Bɛ̈n 6:6

Ka yïn lɛ̈kë kɔc ke Yithriɛl an, ‘Yɛn aye Bɛ̈nydït, wek bä luäk bei në kɔc ke Rip cin. Wek bä kony wëi. Yɛn bï ciin riildï yaak nhial, ku luöi kɔc ke Rip këtuc.

Kɛ̈ŋ 6:21

Thiɔ̈ɔ̈kë jamden në yïpiɔ̈u thïn, ku ye döt ë cieŋ.

Danyel 9:15

“Ku yïn Bɛ̈nydït, Nhialic, yïn cï riɛldu nyuɔɔth, në bïï cï yïn kɔcku bɛ̈ɛ̈i bei ë Rip, ku riɛldu aŋoot ke ye tak. Wok cï wäc, wok cï kërac looi.

Math 23:5

Ayek luɔiden looi ëbɛ̈n ke ke bï tïŋ ë kɔc, ayek wɛlkɛn yek cieŋ tɔ lääu yiic, ku tɔkï lupɔɔken dït thook.

Luɔi 13:17

Nhialic de kɔc ke Yithriɛl acï wärkuɔ lɔc, ku jɔt kɔc nhial, të ɣɔn rëër kek cït man ë kamaan paan ë Rip, go keek bɛ̈ɛ̈i bei ëtɛ̈ɛ̈n në köŋ ril.

Nyöŋ 11:18

Yak ee lööŋkë tak ku mɔ̈kkï keek. Duöötkï keek në we kök ku yak keek cieŋ në wenïïm tueŋ ke bï week aa täk nïïm.

Nyöŋ 26:8

Ku në riɛldɛn dït ku riɛldït acï wook kony buk bɛ̈n bei në Rip. Acï göök looi ku kake gäi, ku tɔ ka ee kɔc tɔ riɔ̈c loi röt.

Nyöŋ 5:15

Takï wenïïm wään, wek aaye lïïm ë Rip. Aguɔ week luäk bei në riɛldiëndït, Yɛn Bɛ̈nydït Nhialicdun. Yen aa jan week yɔ̈ɔ̈k an riëëukï kööl de Thabath.

Nyöŋ 6:21

Ku ëtɛ̈ɛ̈n yöök keek, an, ‘Wok aaye lïïm ke bɛ̈ny de Rip. Go Bɛ̈nydït wook luäk bei në riɛldɛn dït.

Bäny 2:12

Ku pälkï Bɛ̈nydït Nhialic de kuarken, Nhialic wään bïï keek bei piny de Rip, ku yek yiëth kɔ̈k lam, yiëth ke kɔc rɛ̈ɛ̈r ë keek, ku yek kenïïm guöt piny ë kenïïm, ku jɔkï Bɛ̈nydït tɔ göth.