Bɛ̈n 12:8 - JAM DE NHIALIC 2011

⁸ Ku ë ke nyop rïŋ në ee wɛ̈ɛ̈rë yic, ku cuetkï keek në wɛ̈ɛ̈l kec, ku kuïn cï pam nyuäŋ.

Bɛ̈n 12:8 ပူးပေါင်းရင်းမြစ်များ

2 Lëk 35:13

Go Lebai miɔ̈c de dhuëëŋ ë Winythok nyop në mac nɔm, cït man ë kë cï guiir, ku thalkï miɔ̈c ɣeric ë töny, ku thɛ̈k, ku athɛɛl, ku dapkï rïŋ tɛ̈k kɔc.

Diɛt 22:14

Riɛldï acï thök, cït pïïu cï piaak piny. Yomkï kedhie acïk nyïïn lääu, Piɔ̈ndï acï lɛ̈ɛ̈ŋ cï man ë pïïu.

Bɛ̈n 1:14

Ku tɔkï pïïrden rac në luɔɔi tuc thok. Ku yek keek tɔ yïk ɣööt, ku tɔkï ke lui në duumiic. Aake yek tɔ loi luɔɔi tuc thok ke ke cïï piɔ̈ɔ̈th kok në keek.

Bɛ̈n 12:9

Duökï ke cuet athith ku duökï ke thal në pïïu, nyuɔpkï keek në atiap, ku cuɛtkï keek ëbɛ̈n ayï nɔm, ayï kär, ayï cïïn.

Bɛ̈n 13:3

Go Mothe lɛ̈k kɔc an, “Dɔ̈tkï kööl ë jäl wek Rip, piny wään cieŋ ë week thïn. Yekï, yen kööl wään bïï ë Bɛ̈nydït we bei piny ë Rip në riɛl dïïtde. Duökï kuïn cï pam mäth cam.

Bɛ̈n 13:7

Në nïnkë yiic kadhorou, wek cïï kuïn cï pam mäth bï cam, ku duökï kë ye kuïn cï pam tɔ mäth tɔ tɔ̈u paandun në ee nïnkë yiic. Ayï kuïn cï pam mäth ë cïï tɔ̈u.

Bɛ̈n 23:18

“Të gëm yïn Ɛn miɔ̈c de yic riɛm, ke du mat kekë kë mäth. Ku kɔl de kë ë nɛ̈kë Yɛn në ee dhuëŋkë yiic ë cïï tɛ̈uwë miäk.

Bɛ̈n 34:25

“Duökï kuïïn cï pam cï mäth ee gam të gäm wek Ɛn miɔ̈c de yic riɛm. Ku duökï biäk de rïŋ tɔ nin abï piny ruu miäk, në rïŋ de kë ë nɛ̈kë Dhuëëŋ de Winythok.

Yith 53:10

Aye Bɛ̈nydït lueel an, “Aa ye këdï piɔ̈ndï yen aa tɔ yen guöm, thonde aaye miɔ̈c näk bï päl de awɛ̈ɛ̈c bɛ̈ɛ̈i. Ka yen abïï kuatde tïŋ, abï pïïr ë run juëc aläl, ku në kueerde këdiën kaar abï tiam.

Amoth 4:5

Wek ee miɔ̈c lɛɛc wek Nhialic, ku miɔ̈c de thieithieei gam, ku gamkï miɔ̈cduön däŋ cäk tak lɛɛc wek röt! Cie kë nhiaarkï bäk looi ka wek Yithriɛl? Kë cïï Bɛ̈nydït lueel ka.

Dhek 12:10

“Ku yɛn bï wëi ke kokdepiɔ̈u, ku lɔ̈ŋ luööŋ në käu de Debid guöp, ku kɔc cieŋ Jeruthalem. Ka abïk raan cïk nɔ̈k aa dhiëëu cït ka dhiëëu mɛnh tök në man nɔm. Abïk aa dhiëëu në jiɛthëpiɔ̈u cït ka dhiëëu wën kɛ̈iden.

Math 16:12

Na wën, ke jɔkï ŋic nɔn ë cïï en ke yöök an, bïk röt tiit në luɔu de kuïn, ee wëët en ë lueel, wëët de Parithai kekë Thadokai.

Math 26:26

Na wën, aa ciëmkï, ke Yecu ë kuany kuïn cï pam, go thieei, ku wɛ̈ɛ̈kic, ku yïn kɔcpiööcë, lueel an, “Nämkï, camkï, guöpdï kï.”

Galatai 5:9

Luɔu thiinakäŋ ee amiɛɛn dït tɔ piɔ̈ɔ̈r ëbɛ̈n.

Nyöŋ 16:7

Thalkï rïïŋ ku cuɛtkï të töŋ de läm, na miäk adurduur në kööl däŋë ke we puk röt baai.

1 Theth 1:6

Ku we cï aa kɔc cï täuda dɔmic, ayï täu de Bɛ̈nydït, në gäm cä wek jam gam në këtuc dhal week arëët, ku në miɛtëpiɔ̈u ë Wëidït ɣer.