Bɛ̈n 12:48 - JAM DE NHIALIC 2011

⁴⁸ Ku raan kënë cueel ë cïï këcamë ee cam. Na de raan lei cï bɛ̈n piɔ̈ɔ̈t wundun, ku kɔɔr nɔn bï yen dhuëëŋ në dhuëëŋ ë Winythok, door en Bɛ̈nydït, ke we kɔn röör ke baaide cueel kedhie. Ku ëtɛ̈ɛ̈n, abï jɔ aa raan de Yithriɛl, ku aduëër jɔ mɛt ë dhuëëŋic.

Bɛ̈n 12:48 ပူးပေါင်းရင်းမြစ်များ

Cäk 17:11

Wek bï keek aa cueel në guöp në dɛ̈l nu tueŋ, ku yen abï ya kïn ë män nu ë kaamdï wo week.

Cäk 17:12

Gɔl cï ënɔɔnë ku le tueŋ, mɛwä ëbɛ̈n abï ya cueel ke nïnke ë ke ye bɛ̈t, nïn ë dhiëëthë ye. Ayï lïïm ë dhiëth ke ɣöndu, ku nɔn ee kek lïïm ë ɣɔc në wëuku tëde jur däŋ.

Bɛ̈n 12:19

Ë cïn kë ye kuïn cï pam tɔ mäth bï nu në bɛ̈ikuniic në ee nïnkë yiic kadhorou, ke cïn raan bï kuïn mäth cam. Na lɔ raan kuïn cï pam cï mäth cam në ee nïnkë yiic, nɔn yen raan lei, ku nɔn ee yen raan ë Yithriɛl, abï tɛɛm wei në akutnɔm de Yithriɛl yiic.

Bɛ̈n 12:43

Go Bɛ̈nydït lɛ̈k Mothe kekë Aron an, “Lööŋ ke Winythok kï: Raan lei ë cie cam në këcam de Winythok.

Edhekiɛl 14:7

“Të cï raan töŋ de baai de Yithriɛl ku nɔn yen alen rɛ̈ɛ̈r piny de Yithriɛl, të cï yen rɔt yal wei në tëde yɛn ku lɛm yiëth, ku le be tiët lɔ luɔp, yɛn Bɛ̈nydït Awärjäŋ, yɛn bï lopde bɛ̈ɛ̈r!

Edhekiɛl 44:9

“Yɛn Bɛ̈nydït Awärjäŋ, yɛn aa lueel en, an acïn alen kënë cueel, ku cin raan cïï yɛn ee riëëu bï lɔ tëdiën ɣeric, na cakaa alen rɛ̈ɛ̈r në kɔc ke Yithriɛl yiic.”

Edhekiɛl 47:22

abäk nööm ke ye këdun anandun. Alɛi rɛ̈ɛ̈r në weyiic ku kɔc cï mïthken bɛ̈n dhiëëth ee tënë, abïk biäkden de piny nööm aya të la wek en tek. Abï keek dhil aa luööi cït man ë dïïl ke dhiëën ke Yithriɛl, ku abïk deeny ë gɛk në mïth ke Yithriɛl ëtök.

Lebai 19:34

Yak keek ŋiëc luöi cït man, ya wek kɔckuön ke Yithriɛl luööi, ku nhiaarkï keek cït man nhiaar wek röt. Ku takï wenïïm wään we cï kɔn aa alɛi paan de Rip. Ee yɛn Bɛ̈nydït Nhialicdun.

Kuɛ̈n 9:14

Ku na de kamanduön rɛɛr ke week, ku cï tak nɔn looi en dhuëëŋ de winythok, ke takï looi ëgɔk në kueer ye ke ye looi. Lööŋ ke winythok luiyë ke raan kɔɔr bï winythok looi ëbɛ̈n, nɔn yen raan de Yithriɛl ku nɔn yen raan lei.

Galatai 3:28

Judai ayï Girikii aliu ee tënë, ayï lïm ayï raan ë cath ë këde yenhde aliukï ayï moc ayï tik aliukï aya: week wedhie wek ee tök në Kërtho Yecu yic.

Kolothai 3:11

Ku tɛ̈ɛ̈n acïn Girikii nu ku cïn Judai, ku cïn aŋuɛl nu ku cïn raan cie aŋuɛl, ayï Jur rɛɛc ë ciɛɛŋde, ayï Thekuka, ayï lïm, ayï raan lääu nɔm, abï ciën këdäŋ, ku Kërtho yen aye këriëëc ëbɛ̈n, ku nu ë käŋ yiic kedhie.