Bɛ̈n 12:37 - JAM DE NHIALIC 2011

³⁷ Na wën, ke kɔc ke Yithriɛl ë ke jël në kecök Ramethith lekï Thukoth. Ku röör aake ye bot kadhetem ka aguum të cïn diäär, ku mïth.

Bɛ̈n 12:37 ပူးပေါင်းရင်းမြစ်များ

Cäk 12:2

Yïn bä gäm mïth juëc. Ku abïk aa jur dït. Ku yïn bä thieei, ku rinku abä ke tɔ ŋic ë kɔc juëc. Ku yïn bä tɔ ya athiɛɛi.

Cäk 15:5

Go Bɛ̈nydït lɛɛr biic, ku lëk en an, “Woi nhial, ku kuen kuɛl kedhie, na bä ke lëu ë kuɛ̈n. Luɔi bï mïthku juëc ka cït man ë kek.”

Cäk 46:3

Go Nhialic lɛ̈k en an, “Ee Yɛn Nhialic de wuur, du riɔ̈c në luɔi le yïn Rip. Yɛn bï mïthku tɔ lɔ ye gökdïït ë jur ëtɛ̈ɛ̈n.

Cäk 47:11

Go Jothep wun tɔ piäät piny ë Rip, kekë mïthëkɔcken. Gëm keek të piɛth në piny ë Ramthiith, cït man cï melik e lɛ̈k en.

Bɛ̈n 1:11

Go kɔc ke Rip keek kuɛ̈ny bäny ke lïïm bïk keek miɛn në luɔi tuc thok bïk aa looi. Gokï kɔc ke Yithriɛl tɔ yïk melik pɛ̈ɛ̈nydït kaarou, pɛ̈ɛ̈nydït cɔl Pithom kekë Ramethith, ke bï melik kacaamke aa tɔ̈ɔ̈u thïn.

Bɛ̈n 10:9

Go Mothe bɛ̈ɛ̈r an, “Ee wook wodhie wok lɔ, kɔcdït ku mïth. Mïthwät ku duet, ku ɣɔ̈k, ku thök. Në baŋ bï wok dhuëëŋ lɔ looi ëtɛ̈ɛ̈n, door wok Bɛ̈nydït.”

Bɛ̈n 13:20

Go kɔc ke Yithriɛl jäl Thukoth, ku lek piɔ̈ɔ̈t Eetham, në jɔ̈ɔ̈r thok.

Bɛ̈n 38:26

Yen athëmë, athöŋ kekë kuën ë kɔc ke Yithriɛl cï gɔ̈ɔ̈r rin të ɣɔn kueen ë keek. Raan ëbɛ̈n në keyiic aaye kuën cï mac tääu piny në athëm de tëɣeric. Ku kuën ë kɔc ë gɔ̈ɔ̈r rin ɣɔn kueen ë keek, aaye bot kadhetem ku diëŋ de agum, ku bot kadhïc ku thiërdhïny de raan ee run thiërrou ku le tueŋ.

Kuɛ̈n 1:2

“Kuen akutnɔm de kɔc ke Yithriɛl kedhie në dhiënken, ku ɣöötken. Gɔ̈ɔ̈r röör rin kedhie.

Kuɛ̈n 11:21

Go Mothe lɛ̈k Bɛ̈nydït an, “Tïŋ da, wok ee 600,000 wodhie, ku luel an bä wook gäm rïŋ buk cuet në pɛɛi yic ëbɛ̈n?

Kuɛ̈n 2:32

Kek kɔc ke Yithriɛl ë kuen keek ka në ɣöötken thook. Ku kɔc ke wut kedhie, kuënden aaye bot kadhetem ke agum ku diäk, ku bot kadhïc ku thiërdhïc.

Kuɛ̈n 26:51

Yen kuën de kɔc ke Yithriɛl kedhie. Aake aye bot agum kadhetem ku tök, ku bot kadhorou ku thiërdiäk.

Kuɛ̈n 33:3

Kɔc ke Yithriɛl bɔ̈ bei në Rip në kööl ee pɛɛi de tök thok thiëër ku dhïc në göl ë ruöön, kööl tueŋ de yen ee kööl ë dhuëëŋ tueŋ de Winythok. Ke ke göl ë Bɛ̈nydït acïk wun cɔl Ramethith ke ke woi kɔc ke Rip.

Kuɛ̈n 33:5

Kɔc ke Yithriɛl Ramethith nyääŋ piny, ku lek piɔ̈ɔ̈tkï Thukoth.